Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഒാഡി ഡിജിറ്റൽ...

ഒാഡി ഡിജിറ്റൽ മാട്രിക്​സ്​ എൽ.ഇ.ഡി; ഇനി ചുമരുകളിൽ ചിത്രങ്ങളും തെളിയും

text_fields
bookmark_border
ഒാഡി ഡിജിറ്റൽ മാട്രിക്​സ്​ എൽ.ഇ.ഡി; ഇനി ചുമരുകളിൽ ചിത്രങ്ങളും തെളിയും
cancel

വാഹന രംഗത്ത്​ നിരവധി നൂതന കണ്ടുപിടിത്തങ്ങൾ നടത്തിയിട്ടുള്ള ഒാഡി, ഹെഡ്​ലൈറ്റുകളിൽ വിപ്ലവകരമായ പരിഷ്​കാരവുമായി രംഗത്ത്​. ഡിജിറ്റൽ മാട്രിക്​സ്​ എൽ.ഇ.ഡി ഹെഡ്​ലൈറ്റുകളാണ്​ ഇനിമുതൽ ഒാഡി വാഹനങ്ങൾ വഴികാട്ടുക. ഒരു പ്രൊജക്​ടർപോലെ പ്രവർത്തിക്കുന്ന ഹെഡ്​ലൈറ്റുകളാണിത്​. അനിമേഷനുകളും ചിത്രങ്ങളുംകൂടി ഉൾപ്പെടുന്ന ലൈറ്റുകളാണ്​ ഡിജിറ്റൽ മാട്രിക്​സ്​ എൽ.ഇ.ഡി. വാഹനം സ്​റ്റാർട്ട്​ ചെയ്യു​േമ്പാഴും നിർത്തു​േമ്പാഴുമെല്ലാം പ്രത്യേക അനിമേഷനുകൾ വന്നുപോകും. ഇതുമാത്രമല്ല സെൻസറുകൾ ഉപയോഗിച്ച്​ റോഡി​െൻറ ലൈറ്റിംഗ് അവസ്ഥയ്ക്കും കാറി​െൻറ സ്ഥാനത്തിനും അനുസൃതമായി ഹെഡ്​ലൈറ്റുകളുടെ ബീം ക്രമീകരിക്കാനും കഴിയും.

ഓഡിയുടെ ഹെഡ്​ലൈറ്റ്​ നിർമാണ വിഭാഗം തലവൻ സ്റ്റീഫൻ ബെർലിറ്റ്സ് ആണ്​ പുതിയ കണ്ടുപിടിത്തത്തിനും പിന്നിൽ. ഡ്രൈവിംഗ് എളുപ്പവും സുരക്ഷിതവുമാക്കുന്ന സവിശേഷതകൾ പുതിയ ഡിജിറ്റൽ ലൈറ്റിങ്​ സിസ്റ്റം വാഗ്​ദാനം ചെയ്യുന്നു. ഹൈവേകൾക്കുള്ള പ്രത്യേക ലൈറ്റിങാണ് ഒരു പ്രത്യേകത. 50 മീറ്റർ വരെ നീളത്തിൽ വെളിച്ചത്തി​െൻറ പരവതാനി സൃഷ്​ടിക്കാൻ മാട്രിക്​സ്​ എൽ.ഇ.ഡിക്കാകും. കർവ് ലൈറ്റിങ്​, സിറ്റി ലൈറ്റിങ്​, ഹൈവേ ലൈറ്റിങ്​ എന്നിവയും ഉൾപ്പെടുത്തിയിട്ടുണ്ട്​. മറ്റ് വാഹനങ്ങളുടെ ഡ്രൈവർമാരെ അസ്വസ്​ഥപ്പെടുത്താത്ത പ്രകാശകിരണത്തിൽ പുറപ്പെടുവിക്കാനും ലൈറ്റിനാകും. പുതിയ ഹെഡ്‌ലൈറ്റുകൾ പ്രദർശിപ്പിക്കുന്ന വീഡിയോ കമ്പനി പുറത്തിറക്കിയിട്ടുണ്ട്​.

കമ്പനിയുടെ വരാനിരിക്കുന്ന ഇലക്ട്രിക് കാറുകളായ ഇ-ട്രോൺ, ഇ-ട്രോൺ സ്പോർട്ബാക്ക് എന്നിവയിൽ പ്രത്യേക ഒാപ്​ഷനായി ഹെഡ്​ലൈറ്റുകൾ ഉൾപ്പെടുത്തും. ആനിമേഷൻ സവിശേഷതകൾ ആഗോളതലത്തിൽ ലഭ്യമാകുമെങ്കിലും ചില സവിശേഷതകൾ യൂറോപ്പിന് മാത്രമുള്ളതായിരിക്കും. മറ്റ് രാജ്യങ്ങളിൽ നിന്നുള്ള ഉപയോക്താക്കൾക്ക് ചില ആനിമേഷനുകൾ മാത്രമായിരിക്കും ലഭിക്കുക.

Show Full Article
TAGS:audi Digital Matrix Led hotwheels LED Lights 
Next Story