Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഇലക്ട്രിക് രാജാവ്​,...

ഇലക്ട്രിക് രാജാവ്​, ഓഡി ഇ-ട്രോൺ എസ്‌യുവി ഷോറൂമുകളിൽ; ഒറ്റ ചാർജിൽ 340 കിലോമീറ്റർ സഞ്ചരിക്കും

text_fields
bookmark_border
Audi e-tron electric SUV arrives at showrooms, launch
cancel

ആഡംബര വാഹന നിർമാതാക്കളായ ഒാഡിയുടെ വൈദ്യുത എസ്​.യു.വിയായ ഇ ട്രോൺ ഷോറൂമുകളിൽ എത്തി. വാഹനം ഉടൻ നിരത്തിലെത്തുമെന്നാണ്​ സൂചന. 6.8 സെക്കൻഡിൽ 100 കിലോമീറ്റർ വേഗത കൈവരിക്കാനാവുന്ന, 190 കിലോമീറ്റർ പരമാവധി വേഗതയുള്ള വാഹനമാണ്​ ഇ-ട്രോൺ. മെഴ്‌സിഡസ് ബെൻസ്​ ഇക്യുസി, ജാഗ്വാർ ഐ-പേസ് എന്നിവയാണ്​ ഇ-ട്രോണി​െൻറ പ്രധാന എതിരാളികൾ. ഓഡിയിൽ നിന്നുള്ള ഇന്ത്യയിലെ ആദ്യത്തെ ഇലക്ട്രിക് വാഹനമായിരിക്കും ഇ-ട്രോൺ.


ലോകത്താകമാനം ആയിരക്കണക്കിന്​ ഇ-ട്രോണുകൾ വിറ്റഴിഞ്ഞിട്ടുണ്ട്​​ . 2020 ന്റെ ആദ്യ പകുതിയിൽ 17,641 ഇ-ട്രോൺ യൂനിറ്റുകൾ ജർമ്മനിയിൽ വിൽക്കാൻ ഒാഡിക്ക്​ കഴിഞ്ഞിരുന്നു. വാഹനത്തെ കഴിഞ്ഞ വർഷം അവസാനം മുഖംമിനുക്കലിനും വിധേയമാക്കി. 71.2 കിലോവാട്​ ബാറ്ററി പായ്ക്കാണ് ഇ-ട്രോണിന്​ കരുത്തുപകരുന്നത്​. വാഹനത്തി​ന്​ ഒാഡി അവകാ​ശപ്പെടുന്ന റേഞ്ച്​ 282 കിലോമീറ്ററിനും 340 കിലോമീറ്ററിനും ഇടയിലാണ്. റോഡ്​ കണ്ടീഷൻ, ഡ്രൈവ് പാറ്റേണുകൾ എന്നിവയെ ആശ്രയിച്ച്​ റേഞ്ച്​ വ്യത്യാസപ്പെടാം.


പുതിയ കാലത്തെ ലക്ഷ്വറി കാറുകളിലും എസ്‌യുവികളിലും കാണുന്നതുപോലെ കുറഞ്ഞ ഫിസിക്കൽ സ്വിച്ച്, ബട്ടണുകൾ ഉള്ള ക്യാബിനാണ്​ ഇ-ട്രോണിന് നൽകിയിരിക്കുന്നത്​. ഡ്രൈവറിലേക്ക് ചരിഞ്ഞ രണ്ട് വലിയ ടച്ച്‌സ്‌ക്രീൻ യൂനിറ്റുകളാണ്​ വാഹനത്തി​െൻറ ഏതാണ്ട്​ എല്ലാ നിയന്ത്രണങ്ങളും കയ്യാളുന്നത്​. മൾട്ടി-ഫംഗ്ഷൻ സ്റ്റിയറിംഗ് വീൽ, ഫോർ-സോൺ ക്ലൈമറ്റ് കൺട്രോൾ, ആംബിയന്റ് ലൈറ്റിംഗ്, പനോരമിക് സൺറൂഫ് എന്നിവ നൽകിയിട്ടുണ്ട്​.

Show Full Article
TAGS:Audi Audi e-tron Electric suv automobile 
Next Story