Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightമുഖംമിനുക്കിയ ഹോണ്ട...

മുഖംമിനുക്കിയ ഹോണ്ട അമേസ് നിരത്തിൽ​; നിരവധി​ വേരിയൻറുകൾ, വില 6.32 ലക്ഷം മുതൽ

text_fields
bookmark_border
2021 Honda Amaze facelift launched at Rs 6.32 lakh
cancel

മുഖംമിനുക്കിയ ഹോണ്ടയുടെ കോമ്പാക്​ട്​ സെഡാൻ അമേസ്​ നിരത്തിലെത്തി. പുതിയ വാഹനത്തി​െൻറ ബുക്കിങ്​ ആരംഭിച്ചിട്ടുണ്ട്​. ഡീലർഷിപ്പുകളിൽ 21,000 രൂപക്കും ഓൺലൈനിൽ 5,000 രൂപ നൽകിയും ബുക്ക്​ ചെയ്യാം. 6.32 മുതൽ 11.15 ലക്ഷം രൂപ വരെയാണ്​ വിലവരുന്നത്​. ഇ, എസ്, വിഎക്സ് എന്നിങ്ങനെ മൂന്ന് ട്രിം ലെവലിൽ വാഹനം ലഭ്യമാണ്. പെട്രോൾ, ഡീസൽ എഞ്ചിനുകളും അമേസിൽ ഉൾപ്പെടുത്തിയിട്ടുണ്ട്​.

പുറത്തെ മാറ്റങ്ങൾ

അമേസ് ഫേസ്​ലിഫ്റ്റിലെ ഏറ്റവും ശ്രദ്ധേയമായ മാറ്റങ്ങൾ എക്സ്റ്റീരിയറിലാണുള്ളത്​. പുതിയ ഫ്രണ്ട് ഗ്രിൽ നിലവിലുള്ളതിനേക്കാൾ കനംകുറഞ്ഞതാണ്​​. അധികമായി ക്രോം സ്ട്രിപ്പുകളും കൂട്ടിച്ചേർത്തിട്ടുണ്ട്​. ബമ്പറിലെ ഫോഗ് ലാമ്പ് ഹൗസിങും പരിഷ്​കരിച്ചു. കൂടാതെ പുതിയ ക്രോം ഗാർണിഷുകളും ലഭിക്കും. ഏറ്റവും പ്രധാനപ്പെട്ട എക്സ്റ്റീരിയർ അപ്ഡേറ്റ് ടോപ്-സ്പെക്​ വി.എക്​സ്​ ട്രിമ്മിലാണുള്ളത്​. എൽഇഡി ഡിആർഎല്ലുകളും ഫ്രണ്ട് ഫോഗ് ലാമ്പുകളും ഉള്ള ഓട്ടോമാറ്റിക് പ്രൊജക്​ർ ഹെഡ്​ലാമ്പുകളാണ്​ അമേസി​െൻറ ഉയർന്ന വകഭേദത്തിൽ നൽകിയിട്ടുള്ളത്​​.

പുതിയ ക്രോം ഡോർ ഹാൻഡിലുകളും 15 ഇഞ്ച് ഡയമണ്ട് കട്ട്, ഡ്യുവൽ-ടോൺ അലോയ് വീലുകളും വി.എക്​സിലുണ്ട്​. പിന്നിലെത്തിയാൽ സി-ആകൃതിയിലുള്ള എൽഇഡി ടെയിൽ-ലൈറ്റുകളും പുതിയ ക്രോം ഗാർണിഷും ബമ്പറിൽ റിഫ്ലക്​ടറുകളും ഉൾപ്പെടുത്തിയിട്ടുണ്ട്​.


അകത്തെ മാറ്റങ്ങൾ

ഉള്ളിലെ ഡിസൈനും ലേഒൗട്ടും പഴയ മോഡലിന് സമാനമായി തുടരും. ഡാഷ്‌ബോർഡിലും സ്റ്റിയറിംഗ് വീലിലും പുതിയ സിൽവർ ആക്‌സൻറുകൾ ഉപയോഗിച്ചിട്ടുണ്ട്​. കറുപ്പ്, ബീജ് ഇൻറീരിയർ തീമുകളാണ്​ നൽകിയിരിക്കുന്നത്​. മാനുവൽ വേരിയൻറുകളിലെ ഗിയർ ലിവറിന് നൽകിയ ലെതർ ഫിനിഷ്​ ആണ് മറ്റൊരു കൂട്ടിച്ചേർക്കൽ.

ഫ്രണ്ട് മാപ്പ് ലാമ്പുകൾ, എസി വെൻറ്​ നോബുകൾക്കുള്ള ക്രോം ഫിനിഷ്, ടോപ്പ്-സ്പെക്ക് വിഎക്​സ്​ ട്രിമില​ുള്ള പുതിയ ബീജ് സീറ്റ് ഫാബ്രിക്കുകളും മാറ്റങ്ങളാണ്​. ഏഴ്​ ഇഞ്ച്​ ഇൻഫോടൈൻമെൻറ്​ സിസ്​റ്റത്തിൽ ആപ്പിൾ കാർ പ്ലേ ആൻഡ്രോയ്​ഡ്​ ഒാ​േട്ടാ തുടങ്ങിയ സവിശേഷതകളുമുണ്ട്​.

എഞ്ചിനും ഗിയർബോക്‌സും

എഞ്ചിനും ഗിയർബോക്‌സ് ഓപ്ഷനുകളും പഴയതുപോലെ തുടരും. 90എച്ച്​.പി, 110 എൻ.എം, 1.2-ലിറ്റർ ​െഎ വിടെക്​ പെട്രോൾ എഞ്ചിനാണ്​ വാഹനത്തിന്​. ഇത് അഞ്ച്​-സ്പീഡ് മാനുവൽ അല്ലെങ്കിൽ സി.വി.ടി ഓട്ടോമാറ്റിക് ഗിയർബോക്​സുമായി ബന്ധിപ്പിച്ചിരിക്കുന്നു. 1.5 ലിറ്റർ ഡീസൽ യൂനിറ്റിൽ നിന്ന് 100 എച്ച്പി കരുത്തും 200 എൻഎം ടോർക്കും ലഭിക്കും. സിവിടി ഓട്ടോമാറ്റിക് ഗിയർബോക്‌സിനൊപ്പം 80 എച്ച്പി, 160 എൻഎം ടോർക്കും എഞ്ചിൻ ഉത്പാദിപ്പിക്കും. അമേസി​െൻറ ഡീസൽ-സിവിടി കോമ്പിനേഷൻ എതിരാളികൾ വാഗ്​ദാനം ചെയ്യാത്ത വകഭേദമാണ്​. ഡീസൽ എഞ്ചിനിൽ 5-സ്പീഡ് മാനുവൽ ഗിയർബോക്‌സുള്ള വേരിയൻറും ലഭ്യമാണ്​​. മാരുതി സുസുകി ഡിസയർ, ഹ്യുണ്ടായ് ഓറ, ടാറ്റ തിഗോർ, ഫോർഡ് ആസ്പയർ എന്നിവയോടാണ്​ അമേസ്​ വിപണിയിൽ മത്സരിക്കുക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:hondafaceliftlaunchedAmazeHonda Amaze
Next Story