Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഇത്​ ഒ​ന്നൊന്നര...

ഇത്​ ഒ​ന്നൊന്നര സുരക്ഷ, ക്രാഷ്​ ടെസ്​റ്റിൽ ചരിത്രംകുറിച്ച്​ ഥാർ

text_fields
bookmark_border
ഇത്​ ഒ​ന്നൊന്നര സുരക്ഷ, ക്രാഷ്​ ടെസ്​റ്റിൽ ചരിത്രംകുറിച്ച്​ ഥാർ
cancel

വിലയിലും ഗ്ലാമറിലും ഉപഭോക്​താക്കളുടെ ഒാമനയായ മഹീന്ദ്ര ഥാർ സുരക്ഷയിലും മുന്നിൽ. ഗ്ലോബൽ എൻ‌സി‌എ‌പിയുടെ ക്രാഷ് ടെസ്റ്റുകളുടെ ഏറ്റവും പുതിയ റൗണ്ടിൽ‌ 2020 മഹീന്ദ്ര ഥാർ‌ നാല്​‌ സ്റ്റാർ‌ റേറ്റിങ്​ നേടി. കുട്ടികളുടെ സുരക്ഷയിലും​ നാല് സ്​റ്റാർ ഥാറിന്​ ലഭിച്ചു. 64 കിലോമീറ്റർ വേഗതയിൽ നടത്തിയ ടെസ്​റ്റിൽ മുതിർന്നവരുടെ സുരക്ഷയിലാണ്​ ഥാറിന്​ നാല് സ്​റ്റാർ ലഭിച്ചത്​. ഗ്ലോബൽ എൻ‌സി‌എ‌പിയുടെ പരീക്ഷണ റിപ്പോർട്ട് അനുസരിച്ച്​ ഥാറി​െൻറ വാഹനശരീരം സ്ഥിരതയുള്ളതാണെന്നാണ്​ വിലയിരുത്തൽ. എന്നാൽ മുന്നിലെ ഫുട്​ ഏരിയ അസ്ഥിരമാണെന്നാണ്​ റിപ്പോർട്ട്​ പറയുന്നത്​.


മുതിർന്നവരുടെ സംരക്ഷണത്തിനായുള്ള മഹീന്ദ്ര ഥാറി​െൻറ മൊത്തത്തിലുള്ള സ്കോർ 17 ൽ 12.52 പോയിൻറാണ്. മുതിർന്നവർക്കുള്ള ക്രാഷ് ടെസ്റ്റ് ഡമ്മികളുടെ തലക്കും കഴുത്തിനുമുള്ള സംരക്ഷണം മികച്ചതാണെന്നും കണ്ടെത്തിയിട്ടുണ്ട്​. കോ-ഡ്രൈവർക്കുള്ള പരിരക്ഷയും മികച്ചതാണ്. കുട്ടികളുടെ മേഖലയിലും ഥാർ ഒരുപോലെ മികച്ച പ്രകടനം കാഴ്​ചവച്ചു. കുട്ടികളുടെ സംരക്ഷയിൽ 49 ൽ 41.11 പോയിൻറും ലഭിച്ചിട്ടുണ്ട്​. ഇതുവരെ പരീക്ഷിച്ച എല്ലാ കാറുകളിലും ഏറ്റവും ഉയർന്ന സ്കോറാണിത്​. ആഗോള ക്രാഷ്​ ടെസ്​റ്റിൽ അഞ്ച് സ്​റ്റാർ നേടിയ ആദ്യത്തെ മഹീന്ദ്രയായ എക്​സ്​ യു വി 300 പോലും കുട്ടികളുടെ സുരക്ഷയിൽ 37.44 പോയിൻറുകൾ മാത്രമാണ് നേടിയത്​.


ഥാറി​ന്​ എ.എക്‌സ്, എൽ.എക്‌സ് എന്നിങ്ങനെ രണ്ടു പതിപ്പുകളാണ് ഉള്ളത്. എ.എക്‌സ് ശ്രേണി 9.80 ലക്ഷം രൂപ മുതലും എൽ.എക്‌സ് ശ്രേണി 12.49 ലക്ഷം രൂപ മുതലും ലഭിക്കും. ഥാറി​ൻെറ പുതിയ രൂപത്തില്‍ സമകാലിക സ്​റ്റൈലുകളെല്ലാം ഉള്‍പ്പെടുത്തിയിട്ടുണ്ട്. പ്രകടനം, സുഖം, സൗകര്യം, സാങ്കേതികവിദ്യ, സുരക്ഷ തുടങ്ങിയ കാര്യങ്ങളെല്ലാം ശ്രദ്ധിച്ചിട്ടുണ്ട്. ചുവപ്പ്, മിസ്​റ്റിക് കോപ്പര്‍, ഗാലക്‌സി ഗ്രേ, നാപോളി ബ്ലാക്ക്, റോക്കി ബീജ്, അക്വാമറൈന്‍ നിറങ്ങളില്‍ ലഭ്യമാണ്.

Show Full Article
TAGS:Mahindra Thar Mahindra Thar Global NCAP crash test four star 
Next Story