Begin typing your search above and press return to search.
exit_to_app
exit_to_app
Homechevron_rightHealth & Fitnesschevron_rightഇന്ന്​ ലോക സാന്ത്വന...

ഇന്ന്​ ലോക സാന്ത്വന പരിചരണ ദിനം; സാന്ത്വന പരിചരണത്തിൽ വിരമിക്കാതെ ഇവർ

text_fields
bookmark_border
ഇന്ന്​ ലോക സാന്ത്വന പരിചരണ ദിനം; സാന്ത്വന പരിചരണത്തിൽ വിരമിക്കാതെ ഇവർ
cancel
camera_alt

ആൽഫ പാലിയേറ്റിവ്​ കെയറിലെ സാന്ത്വന പരിചരണ ക്ലാസ്

കൊച്ചി: ''ഭർത്താവ്​ എൻ.എച്ച്​. സീതിക്ക്​ 2018ൽ സ്​ട്രോക്ക്​ വന്നതാണ്​. ഇടവും വലവും തളർന്ന്​ കിടപ്പായി. അന്ന്​ വീട്ടിൽ സാന്ത്വന പരിപാലനത്തിന്​ എത്തിയത്​ വാഴക്കാല ആൽഫ പാലിയേറ്റിവ്​ കെയറിലെ വളൻറിയർമാരാണ്​. മൂന്നുമാസം കൊണ്ട്​ അദ്ദേഹം വാക്കർ പിടിച്ച്​ നടക്കാൻ തുടങ്ങി. പടിപടിയായി മെച്ചപ്പെ​െട്ടങ്കിലും കോവിഡ്​കാലത്ത്​ ഫിസിയോ തെറപ്പി കാര്യമായി ചെയ്യാൻ കഴിഞ്ഞില്ല. 2020 സെപ്​റ്റംബറിൽ അദ്ദേഹം മരിച്ചു. 72 വയസ്സുണ്ടായിരുന്നു അപ്പോൾ. അദ്ദേഹത്തെ പരിപാലിച്ച ഈ പാലിയേറ്റിവ്​ കെയറിന്​ ഒപ്പമാകണം ഇനിയുള്ള ജീവിതമെന്ന്​ പിന്നീട്​ ഞാനും തീരുമാനിച്ചു''-സാന്ത്വന പരിപാലനയാത്രക്കിടെ സി.വി. സുബൈദയുടെ വാക്കുകൾ.

പൊലീസിലും ക്രൈംബ്രാഞ്ചിലുമായി ഔദ്യോഗികജീവിതം കഴിച്ചുകൂട്ടി 16 വർഷം മുമ്പ്​ വിരമിച്ചതാണ്​ സുബൈദ. വാഴക്കാല മൂലേപ്പാടം റോഡിൽ നേരേ വീട്ടിൽ ​െലയ്​നിലാണ്​ ആൽഫ പാലിയേറ്റിവ്​ കെയർ.

15 കി.മീ. ചുറ്റളവിൽ അവശരോഗികളെ പരിപാലിക്കുന്നു ഈ സംഘം. ദുബൈ കേന്ദ്രമായി ബിസിനസ്​ നടത്തുന്ന കെ.എം. നൂറുദ്ദീൻ തുടക്കമിട്ടതാണ്​ ആൽഫ. എറണാകുളത്ത്​ സുബൈദ റഹീം പ്രസിഡൻറായും സലീന മോഹൻ സെക്രട്ടറിയായും നേതൃത്വം നൽകുന്നു. സംഘത്തിലെ കൂടുതൽ പേരും സർക്കാർ ഉദ്യോഗങ്ങളിൽനിന്ന്​ വിരമിച്ചവർ. ഒപ്പം പൊതുപ്രവർത്തകരും.''കാൻസർ ബാധിച്ച്​ ദേഹം മുഴുവൻ റേഡിയേഷൻ ചികിത്സയുടെ പാടുമായി ദുരിതജീവിതം നയിച്ച ഒരാളെ മറക്കാനാകില്ല''-സുബൈദ റഹീം പറയുന്നു. ''ഇടപ്പള്ളിയിലായിരുന്നു വീട്​. ആലപ്പുഴ മെഡിക്കൽ കോളജിൽനിന്ന്​ ചികിത്സക്കു ശേഷം വീട്ടിൽ എത്തിച്ചതാണ്​. ദേഹത്ത്​ തൊടാൻപോലും കഴിയാത്ത വിധം കടുത്ത വേദന അനുഭവിച്ചിരുന്നു അദ്ദേഹം.

ഞങ്ങൾ സാന്ത്വന പരിചരണം തുടങ്ങിയതോടെ ആളുടെ നില മെച്ചപ്പെട്ടു. മൂത്തമകന്​ പിതാവി​െൻറ അവസ്ഥ അറിയാമായിരുന്നെങ്കിലും അദ്ദേഹത്തി​െൻറ ഭാര്യയും ഇളയ മകനും പ്രതീക്ഷയിലായി. സാധാരണജീവിതത്തിലേക്ക്​ അദ്ദേഹം തിരിച്ചുവരുമെന്ന ​പ്രതീക്ഷ. പ​േക്ഷ മരിച്ചുപോയി.ആ വേർപാടിൽ വേദനിക്കുന്ന കുടുംബത്തെ സമാധാനിപ്പിക്കാൻ പിന്നീടും അവിടെ പോകേണ്ടി വന്നു''-സുബൈദ ഓർത്തെടുത്തു.

വിദ്യാഭ്യാസ വകുപ്പിൽനിന്ന്​ വിരമിച്ച കെ.യു. ബാവ, മഹാരാജാസിലെ റിട്ട​. പ്രഫ. ജമീല, മായ ഷാജി, സോമസുന്ദരം തുടങ്ങിയവർ നയിക്കുന്ന സംഘത്തിൽ അനേകം വളൻറിയർമാരുമുണ്ട്​്​. ''കാൻസർ അല്ല ഇപ്പോൾ വലിയ രോഗം. 80 ശതമാനം പേരും കിടപ്പിലാകുന്നത്​ പക്ഷാഘാതം വന്നാണ്​. കൂടിയ രക്തസമ്മർദമാണ്​ കാരണം''-സാന്ത്വനയാത്രയിൽ കണ്ട അനുഭവങ്ങളിൽനിന്ന്​ സി.വി. സുബൈദ പറയുന്നു. ഈ മഹാനഗരത്തിൽ കിടപ്പുരോഗികളായ അനേകർക്ക്​ ആശ്വാസമാണ്​ ആൽഫ പാലിയേറ്റിവ്​ കെയർ. ഒരുപാട്​ പേരിൽ പുഞ്ചിരി പടർത്തി ആ യാത്ര തുടരുന്നു. ആംബുലൻസ്​ ഒഴിവാക്കി സ്വന്തം വാഹനത്തിൽ. വീട്ടിലേക്ക്​ ആംബുലൻസ്​ എത്തുന്നത്​ കണ്ട്​ ആരും പേടിക്കരുതല്ലോ...

Show Full Article
TAGS:world palliative care day 
News Summary - Today is World Palliative Care Day
Next Story