Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightമൃഗശാലയിൽ ക്ഷയരോഗ...

മൃഗശാലയിൽ ക്ഷയരോഗ ഭീഷണി; മനുഷ്യരിലേക്ക്​ പകരാതിരിക്കാൻ മുൻകരുതലിന്​ നിർദേശം

text_fields
bookmark_border
മൃഗശാലയിൽ ക്ഷയരോഗ ഭീഷണി; മനുഷ്യരിലേക്ക്​ പകരാതിരിക്കാൻ മുൻകരുതലിന്​ നിർദേശം
cancel
camera_alt

മ​ന്ത്രി ചി​ഞ്ചു​റാ​ണി മൃ​ഗ​ശാ​ല സ​ന്ദ​ർ​​ശി​ക്കു​ന്നു

തി​രു​വ​ന​ന്ത​പു​രം: മൃ​ഗ​ശാ​ല​യി​ലെ ക്ഷ​യ​രോ​ഗ ഭീ​ഷ​ണി​യു​ടെ സാ​ഹ​ച​ര്യ​ത്തി​ൽ രോ​ഗം മ​നു​ഷ്യ​രി​ലേ​ക്ക്​ പ​ക​രാ​തി​രി​ക്കാ​ൻ മു​ൻ​ക​രു​ത​ൽ സ്വീ​ക​രി​ക്കാ​ൻ മ​​ന്ത്രി ജെ. ​ചി​ഞ്ചു​റാ​ണി നി​ർ​ദേ​ശം ന​ൽ​കി. അ​തി​ന്‍റെ ഭാ​ഗ​മാ​യി ജീ​വ​ന​ക്കാ​രു​ടെ ആ​രോ​ഗ്യ​സ്ഥി​തി പ​രി​ശോ​ധി​ക്കും.

ആ​വ​ശ്യ​മു​ള്ള​വ​ർ​ക്ക്​ ചി​കി​ത്സ ല​ഭ്യ​മാ​ക്കും. രോ​ഗ​മു​ള്ള മൃ​ഗ​ങ്ങ​ളു​മാ​യി ഇ​ട​പെ​ടു​മ്പോ​ൾ സ്വീ​ക​രി​ക്കേ​ണ്ട മു​ൻ​ക​രു​ത​ലു​ക​ൾ സം​ബ​ന്ധി​ച്ച് മൃ​ഗ​ശാ​ല ജീ​വ​ന​ക്കാ​ർ​ക്ക്​ ബോ​ധ​വ​ത്​​ക​ര​ണം ന​ൽ​കു​മെ​ന്നും മ​ന്ത്രി പ​റ​ഞ്ഞു. നി​ല​വി​ലെ അ​വ​സ്ഥ​യി​ൽ മ​നു​ഷ്യ​രി​ലേ​ക്ക്​ രോ​ഗം പ​ക​രാ​നു​ള്ള സാ​ധ്യ​ത കു​റ​വാ​ണ്. അ​തി​നാ​ൽ സ​ന്ദ​ർ​ശ​ക​രെ നി​യ​ന്ത്രി​ക്കേ​ണ്ട സാ​ഹ​ച​ര്യ​മി​ല്ലെ​ന്നും മ​ന്ത്രി പ​റ​ഞ്ഞു.

ക്ഷ​യ​രോ​ഗം ബാ​ധി​ച്ച്​ മൃ​ഗ​ങ്ങ​ൾ ച​ത്തൊ​ടു​ങ്ങു​ന്ന സാ​ഹ​ച​ര്യം നേ​രി​ട്ട്​ വി​ല​യി​രു​ത്താ​നും മൃ​ഗ​ശാ​ല​യി​ലെ സൗ​ക​ര്യ​ങ്ങ​ൾ പ​രി​ശോ​ധി​ക്കാ​നും മി​ന്ന​ൽ സ​ന്ദ​ർ​ശ​നം ന​ട​ത്തു​ക​യാ​യി​രു​ന്നു മ​ന്ത്രി. തി​ങ്ക​ളാ​ഴ്ച ഉ​ച്ച​ക്ക്​ മൂ​ന്ന്​ മ​ണി​യോ​ടെ മൃ​ഗ​ശാ​ല​യി​ൽ എ​ത്തി​യ മ​ന്ത്രി ഓ​രോ കൂ​ടി​ന​രി​കി​ലു​മെ​ത്തി കാ​ര്യ​ങ്ങ​ൾ നി​രീ​ക്ഷി​ച്ചു.

മ്യൂ​സി​യം അ​വ​ധി​യാ​യ​തി​നാ​ൽ സ​ന്ദ​ർ​ശ​ക​ർ ഇ​ല്ലാ​യി​രു​ന്നു. രോ​ഗം ബാ​ധി​ച്ച മൃ​ഗ​ങ്ങ​ളെ മാ​റ്റി​പ്പാ​ർ​പ്പി​ക്കാ​ൻ സൗ​ക​ര്യം കു​റ​വാ​ണെ​ന്ന് മൃ​ഗ​ശാ​ല ജീ​വ​ന​ക്കാ​ർ മ​ന്ത്രി​യെ അ​റി​യി​ച്ചു. രോ​ഗം ബാ​ധി​ച്ച മൃ​ഗ​ങ്ങ​ളെ പ​രി​ച​രി​ക്കു​ന്ന​വ​ർ നി​ർ​ബ​ന്ധ​മാ​യും മാ​സ്ക്, ​ൈക​യു​റ, ബൂ​ട്ട് തു​ട​ങ്ങി​യ സു​ര​ക്ഷാ മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്നും മ​ന്ത്രി നി​ർ​ദേ​ശം ന​ൽ​കി.

പ​ല ജീ​വ​ന​ക്കാ​രും ഒ​രു മു​ൻ​ക​രു​ത​ൽ ന​ട​പ​ടി​ക​ളും സ്വീ​ക​രി​ക്ക​തെ​യാ​ണ്​ മൃ​ഗ​ങ്ങ​ളു​മാ​യി ഇ​ട​പ​ഴ​കു​ന്ന​ത്. എ​ന്നാ​ൽ അ​വ​ർ​ക്ക് ആ​വ​ശ്യ​മാ​യ സു​ര​ക്ഷാ വ​സ്ത്ര​ങ്ങ​ൾ ന​ൽ​കി​യി​ട്ടു​ണ്ടെ​ന്നാ​ണ്​ മൃ​ഗ​ശാ​ല അ​ധി​കൃ​ത​ർ വ്യ​ക്ത​മാ​ക്കി​യ​ത്.

ജീ​വ​ന​ക്കാ​രു​ടെ പ്ര​തി​നി​ധി​ക​ൾ അ​വ​രു​ടെ ആ​ശ​ങ്ക മ​ന്ത്രി​യെ അ​റി​യി​ച്ചു. 2022 ഏ​പ്രി​ൽ മു​ത​ൽ 2023 ജ​നു​വ​രി 20 വ​രെ 52 മാ​നു​ക​ൾ ച​ത്തു എ​ന്നാ​ണ് റി​പ്പോ​ർ​ട്ട്. ഇ​തി​ൽ 37 എ​ണ്ണം കൃ​ഷ്ണ​മൃ​ഗ​ങ്ങ​ളും 15 പു​ള്ളി​മാ​നു​ക​ളു​മാ​ണ്. രാ​ജ്യ​ത്ത്​ പ​ല മൃ​ഗ​ശാ​ല​ക​ളി​ലും ഈ ​രോ​ഗം റി​പ്പോ​ർ​ട്ട് ചെ​യ്തി​ട്ടു​ണ്ടെ​ന്നും രോ​ഗ​ബാ​ധി​ത​രാ​യ മൃ​ഗ​ങ്ങ​ൾ​ക്ക് ത​ണു​പ്പും മ​ഴ​യും ഉ​ള്ള കാ​ലാ​വ​സ്ഥ അ​തി​ജീ​വി​ക്കാ​ൻ ബു​ദ്ധി​മു​ട്ടാ​യ​തി​നാ​ലാ​ണ് മ​ര​ണ സം​ഖ്യ കൂ​ടു​ന്ന​തെ​ന്നും മ​ന്ത്രി പ​റ​ഞ്ഞു. അ​തേ​സ​മ​യം, സ്റ്റേ​റ്റ് ഇ​ൻ​സ്റ്റി​റ്റ്യൂ​ട്ട് ഓ​ഫ് അ​നി​മ​ൽ ഡി​സീ​സ​സ് (സി​യാ​ഡ്) ന​ട​ത്തി​യ പ​രി​ശോ​ധ​ന​യു​ടെ റി​പ്പോ​ർ​ട്ട് ര​ണ്ടു​ദി​വ​സ​ത്തി​നു​ള്ളി​ൽ ല​ഭി​ക്കു​മെ​ന്നും മ​ന്ത്രി പ​ഞ്ഞു.

പു​തി​യ മൃ​ഗ​ങ്ങ​ൾ എ​ത്തും; മൂ​ന്നം​ഗ​ സ​മി​തി​യെ നി​യോ​ഗി​ച്ചു

തി​രു​വ​ന​ന്ത​പു​രം: മൃ​ഗ​ശാ​ല​യി​ലെ​ത്തു​ന്ന​വ​ർ​ക്ക്​ ഇ​നി ഒ​ഴി​ഞ്ഞ കൂ​ടു​ക​ൾ കാ​ണേ​ണ്ടി​വ​രി​ല്ലെ​ന്നും സിം​ഹം, ക​ടു​വ, ജി​റാ​ഫ് തു​ട​ങ്ങി​യ മൃ​ഗ​ങ്ങ​ളെ എ​ത്തി​ക്ക‍ു​മെ​ന്നും മ​ന്ത്രി ജെ. ​ചി​ഞ്ചു​റാ​ണി. ഇ​വി​ടെ അ​ധി​ക​മു​ള്ള മൃ​ഗ​ങ്ങ​ളെ മ​റ്റു മൃ​ഗ​ശാ​ല​ക​ൾ​ക്ക്​ കൈ​മാ​റി​ക്കൊ​ണ്ട്​ കൂ​ടു​ത​ൽ മൃ​ഗ​ങ്ങ​ളെ എ​ത്തി​ക്കാ​ൻ ന​ട​പ​ടി​ക​ൾ സ്വീ​ക​രി​ക്കാ​നാ​ണ്​ തീ​രു​മാ​നം. ഇ​തി​നാ​യി മു​ൻ ഡ​യ​റ​ക്ട​ർ​മാ​ർ ഉ​ൾ​പ്പെ​ടു​ന്ന മൂ​ന്നം​ഗ സ​മി​തി​യെ നി​യോ​ഗി​ച്ച​താ​യും മ​ന്ത്രി പ​റ​ഞ്ഞു. മൃ​ഗ​ശാ​ല വ​ള​പ്പി​ൽ അ​മ്മ​മാ​ർ​ക്ക്​ മു​ല​പ്പാ​ൽ ന​ൽ​കു​ന്ന​തി​നു​ള്ള മു​റി, സ​ന്ദ​ർ​ശ​ക​ർ​ക്കാ​യി ആ​രം​ഭി​ച്ച പ്രൈ​മേ​റ്റ് ഇ​ന്റ​ർ​പ്ര​ട്ടേ​ഷ​ൻ സെ​ന്റ​ർ, സ​ന്ദ​ർ​ശ​ക​രു​ടെ വി​ശ്ര​മ കേ​ന്ദ്രം തു​ട​ങ്ങി​യ​വ അ​ട​ച്ചി​ട്ട നി​ല​യി​ലാ​യി​രു​ന്നു. പ്രൈ​മേ​റ്റ് സെ​ന്റ​ർ 2003ൽ ​നി​ർ​മാ​ണോ​ദ്ഘാ​ട​നം ക​ഴി​ഞ്ഞെ​ങ്കി​ലും ഇ​ന്നു​വ​രെ പ്ര​വ​ർ​ത്തി​ച്ചി​ട്ടി​ല്ല. വി​വി​ധ​യി​നം പ​ക്ഷി​ക​ളു​ടെ കൂ​ടു​ക​ൾ ഉ​ൾ​പ്പെ​ടെ മോ​ശം അ​വ​സ്ഥ​യി​ലാ​ണ്. എ​ല്ലാ കൂ​ടു​ക​ളും ന​വീ​ക​രി​ക്കു​ക​യും മൃ​ഗ​ങ്ങ​ളെ സ​ന്ദ​ർ​ശ​ക​ർ​ക്ക്​ കാ​ണാ​ൻ ക​ഴി​യു​ന്ന വി​ധ​മാ​ക്കു​ക​യും വേ​ണ​മെ​ന്ന്​ മ​ന്ത്രി നി​ർ​ദേ​ശി​ച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:zooTuberculosis
News Summary - Tuberculosis threat in zoos
Next Story