ക്ഷയരോഗ പരിശോധന കാമ്പയിൻ; കോ​ഴി​ക്കോ​ട് ജില്ലയിൽ 619 രോഗികൾ

കോ​ഴി​ക്കോ​ട്: ക്ഷ​യ​രോ​ഗ നി​ർ​മാ​ർ​ജ​ന​ത്തി​ന്റെ ഭാ​ഗ​മാ​യു​ള്ള 100 ദി​ന കാ​മ്പ​യി​നി​ൽ ജി​ല്ല​യി​ൽ 2,27,091 പേ​രി​ൽ ക്ഷ​യ​രോ​ഗ പ​രി​ശോ​ധ​ന ന​ട​ത്തി​യ​തി​ൽ 619 രോ​ഗി​ക​ളെ ക​ണ്ടെ​ത്തി​യ​താ​യി ആ​രോ​ഗ്യ​വ​കു​പ്പ്. ക​ല​ക്ട​ർ സ്നേ​ഹി​ൽ കു​മാ​ർ സി​ങ്ങി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന ക്ഷ​യ​രോ​ഗ നി​ർ​മാ​ർ​ജ​ന​ത്തി​ന്റെ​യും എ​യ്​​ഡ്സ് രോ​ഗ​പ്ര​തി​രോ​ധ, നി​യ​ന്ത്ര​ണ​ത്തി​ന്റെ​യും അ​വ​ലോ​ക​ന യോ​ഗ​ത്തി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്.

ക​ഴി​ഞ്ഞ ഡി​സം​ബ​ർ ഏ​ഴി​നാ​ണ് നൂ​റു ദി​ന പ​രി​പാ​ടി ജി​ല്ല​യി​ൽ ആ​രം​ഭി​ച്ച​ത്. മാ​ർ​ച്ച്‌ 24 ന് ​അ​വ​സാ​നി​ക്കും. ജി​ല്ല ടി.​ബി ഓ​ഫി​സ​റും എ​യ്ഡ്‌​സ് ക​ൺ​ട്രോ​ൾ ഓ​ഫി​സ​റു​മാ​യ ഡോ. ​കെ.​വി. സ്വ​പ്‍ന വി​വ​ര​ങ്ങ​ൾ വി​ശ​ദീ​ക​രി​ച്ചു. ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​എ​ൻ. രാ​ജേ​ന്ദ്ര​ൻ, ആ​രോ​ഗ്യ കേ​ര​ളം ജി​ല്ല പ്രോ​ഗ്രാം മാ​നേ​ജ​ർ ഡോ. ​സി.​കെ. ഷാ​ജി, ലോ​കാ​രോ​ഗ്യ സം​ഘ​ട​ന ക​ൺ​സ​ൽട്ട​ന്റ് ഡോ. ​അ​നൂ​പ് കു​മാ​ർ തു​ട​ങ്ങി​യ​വ​ർ പ​ങ്കെ​ടു​ത്തു.