കേരളത്തിൽ ഒമിക്രോൺ സമൂഹ വ്യാപനം ഇതുവരെ ഉണ്ടായിട്ടില്ല -ആരോഗ്യ മന്ത്രി

തിരുവനന്തപുരം: കേരളത്തിൽ ഒമിക്രോൺ സമൂഹ വ്യാപനം ഇതുവരെ ഉണ്ടായിട്ടില്ലെന്ന് ആരോഗ്യ മന്ത്രി വീണാ ജോർജ്. ഇത് തടയാനുള്ള കരുതൽ നടപടികളാണ് വ്യക്തിപരമായി ഓരോരുത്തരും സ്വീകരിക്കേണ്ടതെന്നും മന്ത്രി പറഞ്ഞു.

കോവിഡ് കാലഘട്ടത്തിൽ സ്വീകരിച്ച സ്ട്രാറ്റജി വ്യാപനത്തിന്‍റെ വേഗത കുറക്കുക, തടയുക എന്നതാണ്. ഈ ഘട്ടത്തിലും ഒമിക്രോൺ വകഭേദം കാരണമുള്ള കോവിഡ് വ്യാപനം തടയുകയാണ് ചെയ്യുന്നത് -മന്ത്രി വ്യക്തമാക്കി.

കുട്ടികൾക്കുള്ള വാക്സിൻ നടപടികൾ നാളെ ആരംഭിക്കും. രജിസ്ട്രേഷൻ നടത്താൻ കഴിയാത്തവർക്ക് വിദ്യാഭ്യാസ വകുപ്പ് സൗകര്യമൊരുക്കും. മുതിർന്നവർക്കുള്ള ബൂസ്റ്റർ ഡോസ് 10-ാം തീയതി മുതൽ വിതരണം ആരംഭിക്കുമെന്നും മന്ത്രി അറിയിച്ചു.