ഡോക്ടർമാരുൾപ്പെടെ ഒഴിവുകൾ നിരവധി; കാസർകോടിലെ സർക്കാർ ആശുപത്രികളിൽ നിയമനങ്ങൾ വേഗത്തിലാക്കണം

കാ​ഞ്ഞ​ങ്ങാ​ട്: ജി​ല്ല ആ​ശു​പ​ത്രി​യി​ൽ ഡോ​ക്ട​ർ​മാ​രുടേതടക്കം അ​ടി​യ​ന്ത​ര​മാ​യി പ​രി​ഹ​രി​ക്കേണ്ട നി​ര​വ​ധി ഒ​ഴി​വു​ക​ൾ. ഹെ​ഡ് ന​ഴ്സു​മാ​രു​ടെ​യും ന​ഴ്സി​ങ് അ​സി​സ്റ്റ​ന്റുമാ​റുടെയും ക്ലീ​നി​ങ് സ്റ്റാ​ഫു​ക​ളു​ടെയും ഏറെ ഒ​ഴി​വു​ക​ൾ നി​ക​ത്താ​നു​ണ്ട്.

ആ​രോ​ഗ്യ​വ​കു​പ്പ് മ​ന്ത്രി വീ​ണ ജോ​ർ​ജ് വ്യാ​ഴാ​ഴ്ച ജി​ല്ല ആ​ശു​പ​ത്രി​യി​ൽ എ​ത്തു​മ്പോ​ൾ ഒ​ഴി​ഞ്ഞു കി​ട​ക്കു​ന്ന ത​സ്തി​ക​ക​ൾ നി​ക​ത്തു​ന്ന​തി​ന് പ​രി​ഹാ​ര​മു​ണ്ടാ​കു​മോ എ​ന്ന​ ചോ​ദ്യമുയരുന്നു. ജ​ന​റ​ൽ ട്രാ​ൻ​സ്ഫ​ർ മൂ​ലം ജി​ല്ല ആ​ശു​പ​ത്രി​യി​ൽനി​ന്ന് നി​ര​വ​ധി ഡോ​ക്ട​ർ​മാ​ർ സ്ഥ​ലംമാ​റി പോ​യ​പ്പോ​ൾ പ​ക​രം ഡോ​ക്ട​ർ​മാ​ർ എ​ത്തി​യി​ട്ടില്ല. ര​ണ്ട് സീ​നി​യ​ർ ഡോ​ക്ട​ർ​മാ​രു​ടെ ഒ​ഴി​വ് വ​ർ​ഷ​ങ്ങ​ളാ​യി നി​ക​ത്താ​തെ​യു​ണ്ട്. ഇ​തി​ന് പ​രി​ഹാ​രം കാ​ണേ​ണ്ട​ത് അ​ത്യാ​വ​ശ്യ​മാ​ണ്.

ജ​ന​റ​ൽ ട്രാ​ൻ​സ്ഫ​ർ മൂ​ലം സ്ഥ​ലം മാ​റി നി​ര​വ​ധി ന​ഴ്സു​മാ​ർ ജി​ല്ല ആ​ശു​പ​ത്രി വി​ട്ടി​ട്ടു​ണ്ട്. ഇ​വ​ർ​ക്കു പ​ക​രവും ആളെത്തി​യി​ട്ടി​ല്ല. ന​ഴ്സി​ങ് അ​സി​സ്റ്റ​ന്റുമാ​രു​ടെ കു​റ​വും ക്ലീ​നി​ങ് സ്റ്റാ​ഫി​ന്റെ കു​റ​വും മൂ​ല​മാ​ണ് കൂ​ടു​ത​ൽ ബു​ദ്ധി​മു​ട്ട് . ജി​ല്ല ആ​ശു​പ​ത്രി​യി​ൽ നി​ല​വി​ൽ 37 ന​ഴ്സി​ങ് അ​സി​സ്റ്റ​ന്റുമാ​രാ​ണുള്ള​ത്. 20 ന​ഴ്സി​ങ് അ​സി​സ്റ്റ​ന്റ്മാ​രെ​യെ​ങ്കി​ലും അ​ടി​യ​ന്ത​ര​മാ​യി നി​യ​മി​ക്കേ​ണ്ട​തു​ണ്ട്. ക്ലീ​നി​ങ് സ്റ്റാ​ഫു​ക​ളായി 37 പേ​രാ​ണു​ള്ള​ത്.

20 ക്ലീ​നി​ങ് സ്റ്റാ​ഫു​ക​ളെ കൂ​ടു​ത​ലാ​യി നി​യ​മി​ക്കേ​ണ്ട​തു​ണ്ട്. നി​ര​വ​ധി കെ​ട്ടി​ട​ങ്ങ​ളും സൗ​ക​ര്യ​ങ്ങ​ളും വ​ർ​ധി​ക്കു​മ്പോ​ഴും ക്ലീ​നി​ങ് സ്റ്റാ​ഫു​ക​ളു​ടെ എ​ണ്ണ​ത്തി​ൽ വ​ർ​ധ​ന​വ് ഉ​ണ്ടാ​കു​ന്നി​ല്ല. ശു​ചീ​ക​ര​ണ പ്ര​വൃത്തി​യി​ൽ ദേ​ശീ​യ അ​വാ​ർ​ഡ് ല​ഭി​ച്ച ജി​ല്ല ആ​ശു​പ​ത്രി​യി​ൽ ശു​ചീ​ക​ര​ണ പ്ര​വ​ർ​ത്തി താ​ളംതെ​റ്റി​യ അ​വ​സ്ഥ​യി​ലാ​യ​ത് സ്റ്റാ​ഫു​ക​ളു​ടെ എ​ണ്ണ​ത്തി​ലെ കു​റ​വ് കാ​ര​ണ​മാ​ണ്. ശു​ചീ​ക​ര​ണ പ്ര​വൃത്തി​ക​ൾ പൂ​ർ​ണനി​ല​യി​ൽ സാ​ധ്യ​മാ​കു​ന്നി​ല്ല.

ഫോ​റ​ൻ​സി​ക് സ​ർ​ജ​നെ അ​ടി​യ​ന്ത​ര​മാ​യി ജി​ല്ല ആ​ശു​പ​ത്രി​യി​ൽ നി​യ​മി​ക്ക​ണ​മെ​ന്നാ​ണ് മ​ന്ത്രി​ക്ക് മു​ന്നി​ലെത്തു​ന്ന മ​റ്റൊ​രു പ്ര​ധാ​ന ആ​വ​ശ്യം. നി​ല​വി​ൽ കാ​സ​ർ​കോ​ട് ജ​ന​റ​ൽ ആ​ശു​പ​ത്രി​യി​ൽ ഫോ​റ​ൻ​സി​ക് സ​ർ​ജ​ൻ ഉ​ണ്ടെ​ങ്കി​ലും ജി​ല്ല​യി​ലെ ഏ​റ്റ​വും വ​ലി​യ ആ​തു​രാ​ല​യ​മാ​യ കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ൽ ഈ ​സൗ​ക​ര്യം ല​ഭ്യ​മാ​യി​ട്ടി​ല്ല.

ഫോ​റ​ൻ​സി​ക് സ​ർ​ജ​ൻ ഇ​ല്ലെ​ന്ന കാ​ര​ണ​ത്താ​ൽ മൃ​ത​ദേ​ഹം പ​രി​യാ​രം മെ​ഡി​ക്ക​ൽ കോ​ള​ജി​ലേ​ക്കും കാ​സ​ർ​കോ​ട് ജ​ന​റ​ൽ ആ​ശു​പ​ത്രി​യി​ലേ​ക്കും കൊ​ണ്ടു​പോ​കേ​ണ്ട സാ​ഹ​ച​ര്യ​മാണ്. മ​ല​യോ​ര മേ​ഖ​ല​യി​ൽ നി​ന്നുമു​ള്ള നി​ർ​ധ​ന കു​ടും​ബ​ങ്ങ​ൾ​ക്ക് മൃ​ത​ദേ​ഹം ഇ​ത്ര​യുംദൂ​രം കൊ​ണ്ടു​പോ​വു​ക എ​ന്നത് ബു​ദ്ധി​മു​ട്ടാ​ണ്. രാ​ത്രി​കാ​ല പോ​സ്റ്റു​മോ​ർ​ട്ടം ആ​രം​ഭി​ക്കണം എ​ന്ന​താ​ണ് ആ​വ​ശ്യം.

നി​ല​വി​ൽ ജ​ന​റ​ൽ ആ​ശു​പ​ത്രി​യി​ൽ ഈ ​സൗ​ക​ര്യം ഉ​ണ്ടെ​ങ്കി​ലും ജി​ല്ല ആ​ശു​പ​ത്രി​യി​ൽ സൗ​ക​ര്യം എ​ത്തി​യി​ട്ടി​ല്ല. നാ​ലു​മ​ണി വ​രെ മാ​ത്ര​മാ​ണ് ജി​ല്ല ആ​ശു​പ​ത്രി​യി​ൽ പോ​സ്റ്റ് മോ​ർ​ട്ടം ന​ട​ക്കു​ന്ന​ത്. പ​ക​ൽ നേ​ര​ങ്ങ​ളി​ൽ പ​ല​പ്പോ​ഴും പോ​സ്റ്റ് മോ​ർ​ട്ടം മ​ണി​ക്കൂ​റു​ക​ളോ​ളം വൈ​കു​ന്നു. ഇ​തി​നും പ​രി​ഹാ​ര​മു​ണ്ടാ​കേ​ണ്ട​തു​ണ്ട്.

ജി​ല്ല ആ​ശു​പ​ത്രി സൂ​പ്ര​ണ്ട് ത​സ്തി​ക​യി​ലും ആ​ർ.​എം.​ഒ ത​സ്തി​ക​യി​ലും സ്ഥി​രനി​യ​മ​നം ഇ​നി​യും ഉ​ണ്ടാ​യി​ട്ടി​ല്ല. ഇ​രു ത​സ്തി​ക​ക​ളി​ലും താ​ൽ​ക്കാ​ലി​ക ഡോ​ക്ട​ർ​മാ​രാ​ണ് സേ​വ​ന​മ​നു​ഷ്ഠി​ക്കു​ന്ന​ത്. കാ​ത്ത്ലാ​ബി​ന്റെ പ്ര​വ​ർ​ത്ത​നം ആ​രം​ഭി​ച്ചി​ട്ടു​ണ്ടെ​ങ്കി​ലും നി​ല​വി​ൽ ഇ​വി​ടെ ര​ണ്ട് ഡോ​ക്ട​ർ മാ​ത്ര​മാ​ണുള്ള​ത്. ഒ​രാ​ൾ അ​വ​ധി​യി​ൽ പോ​യാ​ൽ ഇ​വി​ടെ​യും പ്ര​തി​സ​ന്ധി​യാ​ണ്. കാ​ത്ത്ലാ​ബി​ൽ​ കി​ട​ത്തി ചി​കി​ത്സ ഉ​ൾ​പ്പെ​ടെ സൗ​ക​ര്യം ഒ​രു​ക്കേ​ണ്ട​തും അ​ത്യാ​വ​ശ്യ​മാ​ണ്

. പാ​ർ​ക്കി​ങ് സൗ​ക​ര്യ​മി​ല്ലാ​ത്ത​താ​ണ് ജി​ല്ല ആ​ശു​പ​ത്രി നേ​രി​ടു​ന്ന മറ്റൊരു പ്ര​തി​സ​ന്ധി. ആ​ശു​പ​ത്രി കോം​പ്ല​ക്സി​ൽ കൂ​ടു​ത​ൽ കെ​ട്ടി​ട​ങ്ങ​ൾ വ​ന്ന​തോ​ടെ പാ​ർ​ക്കി​ങ് സൗ​ക​ര്യ​മി​ല്ലാ​തെ​യാ​യി. ആം​ബു​ല​ൻ​സു​ക​ളും രോ​ഗി​ക​ളു​മാ​യി എ​ത്തു​ന്ന സ്വ​കാ​ര്യ വാ​ഹ​ന​ങ്ങ​ളും നി​ർ​ത്തി​യി​ടാ​ൻ ഇ​ട​മി​ല്ലാ​ത്ത അ​വ​സ്ഥ​യി​ലാ​യി.

ഒ.​പി വി​ഭാ​ഗ​ത്തി​ന്റെ പ്ര​വ​ർ​ത്ത​ന​വും മ​ന്ദ​ഗ​തി​യി​ലാ​ണ്. മ​ണി​ക്കൂ​റു​ക​ളോ​ളം ക്യൂ ​നി​ന്ന് ന​ടു​വൊ​ടി​ഞ്ഞാ​ൽ മാ​ത്ര​മേ ഡോ​ക്ട​ർ​മാ​രെ കാ​ണാ​ൻ സാ​ധി​ക്കൂ. പ​നിരോ​ഗ​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഒ.​പി​ക്ക് മു​ന്നി​ലെ ക്യൂ ​അ​റ്റ​മി​ല്ലാ​തെ നീ​ളു​ന്ന​തും കാ​ണാം. മ​ന്ത്രി​യു​ടെ ഭാ​ഗ​ത്തു​നി​ന്നും പ്ര​ധാ​ന​പ്പെ​ട്ട ആ​വ​ശ്യ​ങ്ങ​ൾ​ക്കെ​ങ്കി​ലും പ​രി​ഹാ​ര​മു​ണ്ടാ​ക​ുമെന്നാണ് രോ​ഗി​ക​ളു​ടെ പ്ര​തീ​ക്ഷ.