വീണ്ടും അഭിമാനനേട്ടം; ​സർക്കാർ മേഖലയിൽ ആദ്യമായി ​ കീഴ്താടിയെല്ലിന്‍റെ സന്ധി മാറ്റിവെക്കല്‍

ഗാ​ന്ധി​ന​ഗ​ർ(​​കോ​ട്ട​യം): സ​ര്‍ക്കാ​ര്‍ മെ​ഡി​ക്ക​ല്‍ കോ​ള​ജു​ക​ളി​ല്‍ ആ​ദ്യ​മാ​യി കോ​ട്ട​യ​ത്ത്​ കീ​ഴ്താ​ടി​യെ​ല്ലി​ന്‍റെ സ​ന്ധി മാ​റ്റി​വെ​ക്ക​ല്‍ ശ​സ്ത്ര​ക്രി​യ. കോ​ട്ട​യം മെ​ഡി​ക്ക​ല്‍- ഡെ​ന്‍റ​ല്‍ കോ​ള​ജി​ലെ ഓ​റ​ല്‍ ആ​ന്‍ഡ്​​ മാ​ക്‌​സി​ലോ​ഫേ​ഷ്യ​ല്‍ സ​ര്‍ജ​റി വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ലാ​യി​രു​ന്നു വി​ജ​യ​ക​ര​മാ​യ ശ​സ്ത്ര​ക്രി​യ. കോ​ട്ട​യം സ്വ​ദേ​ശി​യാ​യ 56കാ​ര​നാ​ണ് ശ​സ്ത്ര​ക്രി​യ ന​ട​ത്തി​യ​ത്. രോ​ഗി സു​ഖം പ്രാ​പി​ച്ചു​വ​രു​ന്ന​താ​യി ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.

കീ​ഴ്താ​ടി​യെ​ല്ലി​ൽ ട്യൂ​മ​ര്‍ ബാ​ധി​ച്ചാ​ണ്​ രോ​ഗി ചി​കി​ത്സ തേ​ടി​യെ​ത്തി​യ​ത്. തു​ട​ർ​ന്ന്​ കീ​ഴ്താ​ടി​യെ​ല്ലും അ​തി​ന്​ അ​നു​ബ​ന്ധി​ച്ചു​ള്ള സ​ന്ധി​യും ശ​സ്ത്ര​ക്രി​യ വ​ഴി നീ​ക്കം ചെ​യ്ത് പ​ക​രം പു​തി​യ കൃ​ത്രി​മ സ​ന്ധി ശ​സ്ത്ര​ക്രി​യ​യി​ലൂ​ടെ വെ​ച്ചു​പി​ടി​പ്പി​ക്കു​ക​യാ​ണ് ചെ​യ്ത​ത്. ട്യൂ​മ​ര്‍ ബാ​ധി​ച്ച താ​ടി​യെ​ല്ല് എ​ടു​ത്തു​ക​ള​ഞ്ഞാ​ല്‍ ക​വി​ളൊ​ട്ടി​യി​രി​ക്കും.

ഭ​ക്ഷ​ണം ക​ഴി​ക്കാ​നും ബു​ദ്ധി​മു​ട്ടാ​യി​രി​ക്കും. അ​തി​നാ​ലാ​ണ് കൃ​ത്രി​മ സ​ന്ധി വെ​ച്ചു​പി​ടി​പ്പി​ക്കു​ന്ന​തി​ന്‍റെ സാ​ധ്യ​ത ആ​രാ​ഞ്ഞ​ത്. ചെ​ന്നൈ​യി​ലെ ലാ​ബി​ല്‍ സി.​ടി സ്‌​കാ​ന്‍ അ​യ​ച്ചു​കൊ​ടു​ത്ത് മാ​തൃ​ക​യു​ണ്ടാ​ക്കി​യ ശേ​ഷ​മാ​ണ് ആ​ര്‍ട്ടി​ഫി​ഷ്യ​ല്‍ സ​ന്ധി​യു​ണ്ടാ​ക്കി ശ​സ്ത്ര​ക്രി​യ ന​ട​ത്തി വെ​ച്ചു​പി​ടി​പ്പി​ച്ച​ത്. മു​ഖ​ഭാ​വ​ങ്ങ​ളും മു​ഖ​ത്തെ വി​വി​ധ പേ​ശി​ക​ളു​ടെ പ്ര​വ​ര്‍ത്ത​ന​വും സാ​ധ്യ​മാ​കു​ന്ന ഞ​ര​മ്പു​ക​ള്‍ക്ക് ക്ഷ​തം സം​ഭ​വി​ക്കു​ന്ന​ത് ഈ ​ശ​സ്ത്ര​ക്രി​യ​യു​ടെ സ​ങ്കീ​ര്‍ണ​ത​യാ​ണ്. എ​ന്നാ​ല്‍, ഒ​രു പാ​ര്‍ശ്വ​ഫ​ല​വും കൂ​ടാ​തെ ഈ ​ശ​സ്ത്ര​ക്രി​യ വി​ജ​യ​ക​ര​മാ​യി പൂ​ര്‍ത്തീ​ക​രി​ച്ചു. ക​ഴി​ഞ്ഞ ബു​ധ​നാ​ഴ്ച ന​ട​ന്ന ശ​സ്ത്ര​ക്രി​യ ഏ​ഴു​മ​ണി​ക്കൂ​ര്‍ നീ​ണ്ടു.

ഒ.​എം.​എ​ഫ്.​എ​സ് മേ​ധാ​വി ഡോ. ​എ​സ്. മോ​ഹ​ന്‍റെ​യും അ​ന​സ്‌​തേ​ഷ്യ വി​ഭാ​ഗ​ത്തി​ലെ ഡോ. ​ശാ​ന്തി, ഡോ. ​ഷീ​ലാ വ​ര്‍ഗീ​സ് എ​ന്നി​വ​രു​ടെ നേ​തൃ​ത്വ​ത്തി​ല്‍ ഡോ. ​ദീ​പ്തി സൈ​മ​ണ്‍, ഡോ. ​ബോ​ബി ജോ​ണ്‍, ഡോ. ​പി.​ജി. ആ​ന്‍റ​ണി, ഡോ. ​ജോ​ര്‍ജ് ഫി​ലി​പ് എ​ന്നി​വ​ര്‍ ശ​സ്ത്ര​ക്രി​യ​യി​ല്‍ പ​ങ്കാ​ളി​ക​ളാ​യി. ശ​സ്ത്ര​ക്രി​യ​ക്ക്​ നേ​തൃ​ത്വം വ​ഹി​ച്ച മു​ഴു​വ​ന്‍ ടീ​മി​നെ​യും ആ​രോ​ഗ്യ മ​ന്ത്രി വീ​ണ ജോ​ര്‍ജ് അ​ഭി​ന​ന്ദി​ച്ചു.