കോവിഡ്: സൗദിയിൽ ചികിത്സയിലുള്ളത് 5,858 പേർ മാത്രം

ജിദ്ദ: സൗദിയിൽ നിലവിൽ ചികിത്സയിലുള്ളത് 5,858 കോവിഡ് രോഗികൾ മാത്രം. ഇന്ന് 499 പുതിയ രോഗികളും 877 രോഗമുക്തി റിപ്പോർട്ട് ചെയ്തു. ഇതോടെ രാജ്യത്തെ ആകെ കോവിഡ് ബാധിച്ചവരുടെ എണ്ണം 5,40,743 ഉം രോഗമുക്തി നേടിയവരുടെ എണ്ണം 5,26,436 ഉം ആയി.

രോഗികളിൽ 10 പേർ ഇന്ന് മരിച്ചു. ഇതോടെ രാജ്യത്തെ ആകെ മരണം 8,449 ആയി. ചികിത്സയിലുള്ള രോഗികളിൽ 1,234 പേർ ഗുരുതരാവസ്ഥയിലാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്.

രാജ്യത്തെ ആകെ രോഗമുക്തി നിരക്ക് 97.35 ഉം മരണനിരക്ക് 1.56 ഉം ശതമാനമാണ്.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 145, മക്ക 84, ജീസാൻ 49, കിഴക്കൻ പ്രവിശ്യ 46, അസീർ 43, അൽ ഖസീം 34, മദീന 28, നജ്റാൻ 17, ഹായിൽ 14, വടക്കൻ അതിർത്തി മേഖല 12, അൽ ജൗഫ് 11, തബൂക്ക് 9, അൽബാഹ 7. ഇതുവരെ രാജ്യത്ത് 3,30,09,365 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.