Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightഒ...

ഒ രക്തഗ്രൂപ്പിലുള്ളവർക്ക്​ കോവിഡ്​ സാധ്യത കുറവെന്ന്​ പഠനം

text_fields
bookmark_border
ഒ രക്തഗ്രൂപ്പിലുള്ളവർക്ക്​ കോവിഡ്​ സാധ്യത കുറവെന്ന്​ പഠനം
cancel

ലണ്ടൻ: ഒ രക്തഗ്രൂപ്പുള്ളവർക്ക്​ കോവിഡ് രോഗബാധ സാധ്യത കുറവാ​െണന്ന്​ പുതിയ പഠന​ം. ​ ബ്ലഡ്​ അഡ്​വാൻസ്​ എന്ന ജേർണലിൽ പ്രസിദ്ധീകരിച്ച രണ്ട്​ പഠനത്തിലാണ് കോവിഡ് ബാധയും രക്തഗ്രൂപ്പും തമ്മില്‍ ബന്ധമുണ്ടെന്ന് തെളിയിക്കുന്നത്. മറ്റ് രക്തഗ്രൂപ്പുകാരുമായി താരതമ്യം ചെയ്യു​േമ്പാൾ ഒ ബ്ലഡ് ഗ്രൂപ്പുകാരെ ർക്ക്​ കോവിഡ് ബാധിക്കാനുള്ള സാധ്യത കുറവവാണെന്ന്​ ഗവേഷകര്‍ ചൂണ്ടിക്കാണിക്കുന്നു. ഈ ​ഗ്രൂപ്പുകാരിൽ കോവിഡ്​ ബാധയുണ്ടായാലും രോഗ തീവ്രത കുറവായിരിക്കുമെന്നും റിപ്പോർട്ടിൽ പറയുന്നു. വിഷയത്തില്‍ കൂടുതല്‍ പഠനം വേണമെന്നാണ് ഗവേഷകരുടെ ആവശ്യം.

എ,ബി, എബി രക്ത ഗ്രൂപ്പിലുള്ളവർ ഒ രക്തഗ്രൂപ്പിലുള്ളവരേക്കാൾ കോവിഡ്​ ബാധിതരാകുന്നു. ഡെന്‍മാര്‍ക്കില്‍ കോവിഡ് പോസിറ്റീവ് ആയ 7,422 പേരില്‍ നടത്തിയ പഠനമനുസരിച്ച് ഇവരില്‍ 34.4 ശതമാനം പേര്‍ മാത്രമാണ് ഒ രക്ത ഗ്രൂപ്പിലുള്ളവര്‍. എന്നാല്‍ 44.4 ശതമാനം പേര്‍ എ രക്തഗ്രൂപ്പുകാരാണ്. മൊത്തം ജനസംഖ്യയില്‍ പരിശോധിക്കപ്പെട്ട 62% ആളുകളുടെ രക്തഗ്രൂപ്പ് വിവരങ്ങൾ മാത്രമാണ് ലഭ്യമായത്. അതിനാൽ പഠനത്തിലെ കണ്ടെത്തലുകൾ പരിമിതമാണെന്ന് ഗവേഷകര്‍ പറയുന്നു.

കാനഡയില്‍ ഗുരുതരമായി കോവിഡ് ബാധിച്ച് 95 പേരെയാണ് പഠനവിധേയമാക്കിയത്. ഇവരില്‍ 84 ശതമാനം പേരും എ രക്തഗ്രൂപ്പുകാരോ, എ.ബി രക്തഗ്രൂപ്പിലുള്ളവരോ ആണ്. മാത്രമല്ല, ഈ രക്ത ഗ്രൂപ്പുകാര്‍ ഒ ഗ്രൂപ്പുകാരെ അപേക്ഷിച്ച് കൂടുതല്‍ ദിവസം വെന്‍റിലേറ്ററില്‍ കഴിയേണ്ടിവന്നുവെന്നും പഠനത്തിലുണ്ട്. കൂടാതെ എ, എ.ബി രക്തഗ്രൂപ്പുകാരിൽ കൂടുതലും വൃക്ക അപചയം കണ്ടുവരുന്നതായും പറയുന്നു.

നേരത്തെ ക്ലിനിക്കൽ ഇൻഫെക്റ്റിയസ് ഡിസീസസ് എന്ന ജേണലിൽ പ്രസിദ്ധീകരിച്ച മറ്റൊരു പഠനത്തിൽ എ രക്തഗ്രൂപ്പ് ഉള്ളവർക്ക് കോവിഡ് ബാധക്കുള്ള സാധ്യത കൂടുതലാണെന്നും ഒ ഗ്രൂപ്പുകാരിൽ വൈറസ് ബാധക്കുള്ള സാധ്യത കുറവാണെന്നും ചൂണ്ടിക്കാട്ടിയിരുന്നു.

Show Full Article
TAGS:O blood group Covid Infection 
Next Story