വവ്വാലുകളുടെ പ്രജനന കാലം; ജാഗ്രത വേണമെന്ന് നി​പ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട്

കോ​ഴി​ക്കോ​ട്: വ​വ്വാ​ലു​ക​ളു​ടെ പ്ര​ജ​ന​ന കാ​ല​മാ​യ​തോ​ടെ വ​ട​ക്ക​ൻ ജി​ല്ല​ക​ളി​ൽ തു​ട​ർ​ച്ച​യാ​യി നി​പ റി​പ്പോ​ർ​ട്ട് ചെ​യ്യ​പ്പെ​ടു​ന്ന സാ​ഹ​ച​ര്യ​ത്തി​ൽ മു​ൻ​ക​രു​ത​ൽ ന​ട​പ​ടി​ക​ളു​മാ​യി കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ നി​പ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട്. ഇ​തി​ന്‍റെ ഭാ​ഗ​മാ​യി സം​സ്ഥാ​ന​ത്ത് നി​പ ഹോ​ട്ട് സ്പോ​ട്ടാ​യി നി​ർ​ണ​യി​ക്ക​പ്പെ​ട്ട അ​ഞ്ച് ജി​ല്ല​ക​ളി​ൽ ബോ​ധ​വ​ത്ക​ര​ണ​ത്തി​ന് ന​ട​പ​ടി​ക​ൾ സ്വീ​ക​രി​ച്ചു​തു​ട​ങ്ങി​യ​താ​യി നി​പ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട് നോ​ഡ​ൽ ഓ​ഫി​സ​ർ ഡോ. ​ടി.​എ​സ്. അ​നീ​ഷ് പ​റ​ഞ്ഞു.

പ്ര​ഭ​വകേ​ന്ദ്രം വ​യ​നാ​ടോ ?

സം​സ്ഥാ​ന​ത്ത് ആ​റു​ത​വ​ണ വ​വ്വാ​ലു​ക​ളി​ൽ നി​ന്ന് നി​പ വൈ​റ​സ് മ​നു​ഷ്യ​രി​ലേ​ക്ക് പ​ക​ർ​ന്ന​പ്പോ​ൾ (നി​പ സ്പി​ൽ ഓ​വ​ർ) ര​ണ്ടു ത​വ​ണ​യാ​ണ് മ​നു​ഷ്യ​രി​ൽ നി​ന്ന് മ​നു​ഷ്യ​രി​ലേ​ക്ക് വ്യാ​പ​നം (നി​പ ഔ​ട്ട്ബ്രൈ​ക്ക്) ഉ​ണ്ടാ​യ​ത്. നാ​ലു​ത​വ​ണ​യും മ​നു​ഷ്യ​രി​ൽ നി​ന്ന് മ​നു​ഷ്യ​രി​ലേ​ക്ക് രോ​ഗം വ്യാ​പ​നം ഉ​ണ്ടാ​യി​രു​ന്നി​ല്ല.

മൂ​ന്നു​ത​വ‍ണ​യും കോ​ഴി​ക്കോ​ട്ടാ​ണ് രോ​ഗം പൊ​ട്ടി​പ്പു​റ​പ്പെ​ട്ട​ത്. ര​ണ്ടു​ത​വ​ണ​യും രോ​ഗം ക​ണ്ടെ​ത്തി​യ​തും വ്യാ​പ​നം ഉ​ണ്ടാ​യ​തും ജാ​ന​കി​ക്കാ​ടി​ന് സ​മീ​പ പ്ര​ദേ​ശ​ങ്ങ​ളാ​യ പേ​രാ​മ്പ്ര, കു​റ്റ്യാ​ടി മേ​ഖ​ല​യി​ലാ​ണ്. കോ​ഴി​ക്കോ​ട് ജി​ല്ല​യു​ടെ വ​ട​ക്ക്-​കി​ഴ​ക്ക് വ​യ​നാ​ടി​നോ​ട് ചേ​ർ​ന്ന് കി​ട​ക്കു​ന്ന പ്ര​ദേ​ശ​മാ​ണി​ത്. നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് വൈ​റോ​ള​ജി ന​ട​ത്തി​യ പ​ഠ​ന​ത്തി​ൽ മാ​ന​ന്ത​വാ​ടി​യി​ലെ വ​വ്വാ​ലു​ക​ളി​ൽ വ്യാ​പ​ക​മാ​യി നി​പ വൈ​റ​സ് സാ​ന്നി​ധ്യം ക​ണ്ടെ​ത്തി​യി​രു​ന്നു.

മാ​ത്ര​മ​ല്ല വ​യ​നാ​ടു​മാ​യി ചേ​ർ​ന്നു കി​ട​ക്കു​ന്ന ഭാ​ഗ​ത്താ​യി​രു​ന്നു 2024ൽ ​മ​ല​പ്പു​റ​ത്ത് നി​പ ബാ​ധി​ച്ച് കു​ട്ടി മ​രി​ച്ച​ത്. അ​തി​നാ​ൽ ത​ന്നെ വ​യ​നാ​ടാ​യി​രി​ക്കാം നി​പ വൈ​റ​സ് വാ​ഹ​ക​രാ​യ വ​വ്വാ​ലു​ക​ളു​ടെ പ്ര​ധാ​ന കേ​ന്ദ്ര​മെ​ന്നാ​ണ് ഗ​വേ​ഷ​ക​രു​ടെ നി​ഗ​മ​നം.

ആ​ശു​പ​ത്രി​ക​ളി​ൽ ക​രു​ത​ൽ ​വേ​ണം

വ​വ്വാ​ലു​ക​ളി​ൽനി​ന്നാ​ണ് മ​നു​ഷ്യ​രി​ലേ​ക്ക് രോ​ഗം പ​ക​ർ​ന്ന​ത് എ​ന്ന് പ​ഠ​ന​ങ്ങ​ളി​ൽ വ്യ​ക്ത​മാ​യി​ട്ടു​ണ്ട്. എ​ന്നാ​ൽ രോ​ഗ വ്യാ​പ​നം കൂ​ടു​ത​ലും മ​നു​ഷ്യ​നി​ൽ നി​ന്നു മ​നു​ഷ്യ​രി​ലേ​ക്കാ​യി​രു​ന്നു. അ​തി​നാ​ൽ വ്യാ​പ​നം കു​റ​ക്കു​ക എ​ന്ന​തി​ന് കൂ​ടു​ത​ൽ ഊ​ന്ന​ൽ ന​ൽ​ക​ണം. കു​ടം​ബ​ത്തി​ൽ നി​ന്നും ആ​ശു​പ​ത്രി​യി​ൽ നി​ന്നു​മാ​ണ് രോ​ഗ വ്യാ​പ​ന​മു​ണ്ടാ​വു​ക. ഇ​തി​ൽ കൂ​ടു​ത​ൽ വ്യാ​പ​ന​മു​ണ്ടാ​യ​ത് ആ​ശു​പ​ത്രി​ക​ളി​ൽ നി​ന്നാ​ണ്.

അ​തി​നാ​ൽ ആ​ശു​പ​ത്രി​ക​ളി​ൽ നി​ന്ന് രോ​ഗ​വ്യാ​പ​നം ത​ട​യ​ൽ പ്ര​ധാ​ന​മാ​ണ്. ആ​ശു​പ​ത്രി​സ​ന്ദ​ർ​ശ​നം പ​ര​മാ​വ​ധി ഒ​ഴി​വാ​ക്ക​ണം. അ​ത്യാ​വ​ശ്യ​ത്തി​ന് പോ​വു​ന്ന​വ​ർ നി​ർ​ബ​ന്ധ​മാ​യും മാ​സ്ക് ധ​രി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. ശ​ക്ത​മാ​യ ചു​മ, ച​ർ​ദി, തു​മ്മ​ൽ എ​ന്നീ രോ​ഗ​ല​ക്ഷ​ണ​ങ്ങ​ൾ ക​ണ്ടെ​ത്തു​ന്ന​വ​രി​ൽ നി​ന്നാ​ണ് രോ​ഗം മ​റ്റു​ള്ള​വ​രി​ലേ​ക്ക് പ​ക​രാ​ൻ സാ​ധ്യ​ത​കൂ​ടു​ത​ൽ. രോ​ഗ​ല​ക്ഷ​ണ​ങ്ങ​ൾ കാ​ണു​ന്ന​വ​രു​ടെ സാ​മ്പി​ളു​ക​ൾ പ​രി​ശോ​ധി​ക്ക​​ണം എ​ന്ന​ത​ട​ക്ക​മു​ള്ള മാ​ർ​ഗ നി​ർ​ദേ​ശ​ങ്ങ​ൾ ആ​ശു​പത്രി അ​ധി​കൃ​ത​ർ​ക്കു ന​ൽ​കി​ക്ക​ഴി​ഞ്ഞു.

കോ​ഴി​ക്കോ​ട്ട് പ്ര​ത്യേ​ക ശ്ര​ദ്ധ​വേ​ണം

മേ​യ് മു​ത​ൽ സെ​പ്റ്റം​ബ​ർ വ​രെ​യാ​ണ് കേ​ര​ള​ത്തി​ൽ നി​പ സാ​ധ്യ​താ കാ​ല​മാ​യി പ​രി​ഗ​ണി​ക്കു​ന്ന​ത്. സം​സ്​ഥാ​ന​ത്ത് 2018 മു​ത​ൽ 2024 വ​രെ ആ​റു ത​വ​ണ​യാ​യി 33 പേ​ർ​ക്ക് രോ​ഗം സ്ഥി​രീ​ക​രി​ച്ചു. ഇ​തി​ൽ 88 ശ​ത​മാ​ന​വും കോ​ഴി​ക്കോ​ട് ജി​ല്ല​യി​ലാ​യി​രു​ന്ന​തി​നാ​ൽ നി​പ പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ ജി​ല്ല ഏ​റെ പ്ര​ധാ​ന്യ​മ​ർ​ഹി​ക്കു​ന്നു​ണ്ടെ​ന്നും ഡോ ​അ​നീ​ഷ് പ​റ​ഞ്ഞു.

ആ​രോ​ഗ്യ​വ​കു​പ്പ് നി​പ ഹോ​ട്ട്സ്പോ​​ട്ടു​ക​ളാ​യി പ​രി​ഗ​ണി​ക്കു​ന്ന മ​ല​പ്പു​റം, വ​യ​നാ​ട്, ക​ണ്ണൂ​ർ, എ​റ​ണാ​കു​ളം എ​ന്നീ​ ജി​ല്ല​ക​ളി​ലും പ്ര​തി​രോ​ധ​​ത്തി​നു​ള്ള മു​ന്നൊ​രു​ക്ക​ങ്ങ​ൾ ന​ട​ത്തും.