നിപ: രോഗി അതിഗുരുതരാവസ്ഥയിൽ, ബന്ധുവായ കുട്ടിക്ക് പനി

കോ​ഴി​ക്കോ​ട്: നി​പ ബാ​ധി​ച്ച് പെ​രി​ന്ത​ൽ​മ​ണ്ണ സ്വ​കാ​ര്യ ആ​ശു​പ​ത്രി​യി​ൽ​നി​ന്ന് കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി​യ പാ​ല​ക്കാ​ട് സ്വ​ദേ​ശി​നി​യാ​യ 38കാ​രി​യു​ടെ ആ​രോ​ഗ്യ​സ്ഥി​തി അ​തി​ഗു​രു​ത​രാ​വ​സ്ഥ​യി​ൽ തു​ട​രു​ന്നു. രോ​ഗി അ​ബോ​ധാ​വ​സ്ഥ​യി​ലാ​ണ്. ഇ​വ​ർ​ക്ക് തി​ങ്ക​ളാ​ഴ്ച മോ​ണോ​ക്ലോ​ണ​ൽ സെ​ക്ക​ൻ​ഡ് ഡോ​സ് ന​ൽ​കു​മെ​ന്ന് ഡോ​ക്ട​ർ​മാ​ർ അ​റി​യി​ച്ചു. ആ​ദ്യ ഡോ​സ് പെ​രി​ന്ത​ൽ​മ​ണ്ണ സ്വ​കാ​ര്യ ആ​ശു​പ​ത്രി​യി​ൽ​നി​ന്ന് ന​ൽ​കി​യി​രു​ന്നു.

രോഗിയുടെ സമ്പർക്കപ്പട്ടികയിലുള്ള ബന്ധുവായ കുട്ടിക്കും പനി തുടങ്ങിയിട്ടുണ്ട്. കുട്ടിയെ പാലക്കാട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പാ​ല​ക്കാ​ട്ടുകാരനായ​ 28കാ​ര​നെ നി​പ ല​ക്ഷ​ണ​ങ്ങ​ളോ​ടെ കോഴിക്കോട് ഐ​സൊ​ലേ​ഷ​ൻ വാ​ർ​ഡി​ൽ പ്ര​വേ​ശി​പ്പി​ച്ചിട്ടുണ്ട്. യു​വ​തി​ക്ക് കൂ​ട്ടി​രി​പ്പി​നാ​യി എ​ത്തി​യ ആ​ളാ​ണ്. ഇ​യാ​ളു​ടെ സ്ര​വം പ​രി​ശോ​ധ​ന​ക്ക് എ​ടു​ത്തി​ട്ടു​ണ്ട്.

നിപ സമ്പര്‍ക്ക പട്ടികയില്‍ ആകെ 383 പേര്‍

തി​രു​വ​ന​ന്ത​പു​രം: സം​സ്ഥാ​ന​ത്ത് നി​പ സ​മ്പ​ര്‍ക്ക​പ്പ​ട്ടി​ക​യി​ല്‍ നി​ല​വി​ല്‍ ആ​കെ 383 പേ​ർ. മ​ല​പ്പു​റം ജി​ല്ല​യി​ല്‍ നി​പ ബാ​ധി​ച്ച വ്യ​ക്തി​യു​ടെ സ​മ്പ​ര്‍ക്ക പ​ട്ടി​ക​യി​ലു​ള്ള 241 പേ​ര്‍ നി​രീ​ക്ഷ​ണ​ത്തി​ലാ​ണ്. പാ​ല​ക്കാ​ട്ടെ, രോ​ഗി​യു​ടെ സ​മ്പ​ര്‍ക്ക​പ്പ​ട്ടി​ക​യി​ലു​ള്ള 142 പേരും നി​രീ​ക്ഷ​ണ​ത്തി​ലാ​ണ്. ആ​കെ സ​മ്പ​ര്‍ക്ക പ​ട്ടി​ക​യി​ലു​ള്ള​വ​രി​ല്‍ 94 പേ​ര്‍ കോ​ഴി​ക്കോ​ട് ജി​ല്ല​യി​ലും ര​ണ്ടു​പേ​ര്‍ എ​റ​ണാ​കു​ളം ജി​ല്ല​യി​ലു​മാ​ണ് നി​രീ​ക്ഷ​ണ​ത്തി​ലു​ള്ള​ത്. മ​ല​പ്പു​റ​ത്ത് 12 പേ​രാ​ണ് ചി​കി​ത്സ​യി​ലു​ള്ള​ത്. പാ​ല​ക്കാ​ട് നാ​ലു​പേ​ര്‍ ഐ​സൊ​ലേ​ഷ​നി​ലാ​ണ്.

കേന്ദ്ര സംഘം കേരളത്തിലേക്ക്

നിപയുടെ സാഹചര്യത്തില്‍ സംസ്ഥാനത്ത് കേന്ദ്ര സംഘം പരിശോധനയ്ക്ക് എത്തും. നാഷണല്‍ ഔട്ട്‌ബ്രേക്ക് റെസ്‌പോണ്‍സ് ടീമാണ് കേരളത്തില്‍ എത്തുക. തച്ചനാട്ടുകര, ഗ്രാമപഞ്ചായത്തുകളില്‍ ഏര്‍പ്പെടുത്തിയിട്ടുള്ള പ്രവേശന നിരോധനം തുടരും.