97 ദിവസത്തിന് ശേഷം ഇന്ത്യയിൽ 300ലേറെ പുതിയ കോവിഡ് കേസുകൾ

ന്യൂഡൽഹി: 97 ദിവസത്തിന് ശേഷം ഇന്ത്യയിൽ 300ലേറെ പുതിയ കോവിഡ് കേസുകൾ രേഖപ്പെടുത്തി. നിലവിലുള്ള കേസുകൾ 2,686 ആയി ഉയർന്നതായും കേന്ദ്ര ആരോഗ്യ മന്ത്രാലയം അറിയിച്ചു. രാജ്യത്ത് ഒറ്റ ദിവസം കൊണ്ട് 334 പുതിയ കേസുകളാണ് റിപ്പോർട്ട് ചെയ്തത്.

മരണനിരക്ക് 5,30,775 ആയും ഉയർന്നു. 24 മണിക്കൂറിനിടെ മഹാരാഷ്ട്രയിൽ രണ്ട് മരണവും കേരളത്തിൽ ഒരു മരണവുമാണ് റിപ്പോർട്ട് ചെയ്തത്.

രോഗമുക്തി നേടിയവരുടെ എണ്ണം 4,41,54,035 ആയി ഉയർന്നപ്പോൾ മരണനിരക്ക് 1.19 ശതമാനമാണ്. മന്ത്രാലയത്തിന്റെ കണക്കനുസരിച്ച് ഇതുവരെ 220.63 കോടി ഡോസ് കോവിഡ് വാക്‌സിൻ രാജ്യത്ത് വിതരണം ചെയ്തിട്ടുണ്ട്.