ടാ​റ്റൂ ഒ​ഴി​വാ​ക്കാം; കാ​ത്തി​രി​ക്കു​ന്ന​ത് അ​ർ​ബു​ദ​മാ​ണ്...

ആ​ൽ​ഫാ ജ​ന​റേ​ഷ​ന് ടാ​റ്റൂ ഇ​ന്നൊ​രു ഫാ​ഷ​നും ട്രെ​ൻ​ഡു​മാ​ണ്. സം​ഗ​തി ഭം​ഗി​യൊ​ക്കെ​യാ​ണെ​ങ്കി​ലും അ​തു ശാ​രീ​രി​കാ​രോ​ഗ്യ​ത്തെ ദോ​ഷ​ക​ര​മാ​യി ബാ​ധി​ക്കു​മെ​ന്നാ​ണ് പു​തി​യ ക​ണ്ടെ​ത്ത​ൽ. ടാ​റ്റൂ ചെ​യ്യു​ന്ന​ത് പ​ല​ത​രം അ​ർ​ബു​ദ​ങ്ങ​ൾ​ക്ക് വ​ഴി​വെ​ക്കു​മെ​ന്നാ​ണ് ബി​.എം.​സി പ​ബ്ലി​ക് ഹെ​ല്‍ത്ത് ജേ​ണ​ലി​ല്‍ പ്ര​സി​ദ്ധീ​ക​രി​ച്ച പ​ഠ​ന​ത്തി​ല്‍ പ​റ​യു​ന്ന​ത്.

ടാ​റ്റൂ ചെ​യ്ത​വ​രും അ​ല്ലാ​ത്ത​വ​രു​മാ​യ രണ്ടായിരത്തി​ല​ധി​കം ഇ​ര​ട്ട സ​ഹോ​ദ​ര​ങ്ങ​ളി​ൽ ന​ട​ത്തി​യ പ​ഠ​ന​ത്തി​ലാ​ണ് ക​ണ്ടെ​ത്ത​ൽ. ര​ണ്ടു​കൂ​ട്ട​രി​ലെ​യും അർബുദ സാ​ധ്യ​ത നി​രീ​ക്ഷി​ക്കു​ക​യാ​യി​രു​ന്നു പ​ഠ​നസം​ഘം.

ടാ​റ്റൂ ചെ​യ്ത​വ​രി​ല്‍ അ​ർ​ബു​ദ​സാ​ധ്യ​ത 62 ശ​ത​മാ​നം കൂ​ടു​ത​ലാ​ണെ​ന്ന് പ​ഠ​നം​വ്യ​ക്ത​മാ​ക്കു​ന്നു. ത്വ​ക്കി​ൽ വ​ലി​യ രീ​തി​യി​ല്‍ ടാ​റ്റൂ ഉ​ള്ള​വ​രി​ല്‍ സ്‌​കി​ന്‍ കാ​ന്‍സ​റി​നു​ള്ള സാ​ധ്യ​ത 137 ശ​ത​മാ​ന​വും, ര​ക്താ​ര്‍ബു​ദ​മാ​യ ലിം​ഫോ​മ​യ്ക്കു​ള​ള സാ​ധ്യ​ത 173 ശ​ത​മാ​ന​വു​മാ​ണ്. ടാ​റ്റൂ ചെ​യ്യു​മ്പോ​ൾ സ​മീ​പ കോ​ശ​ങ്ങ​ളി​ലേ​ക്ക് ടാ​റ്റൂ മ​ഷി ഇ​ട​പ​ഴ​കു​ന്ന​ത് ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ള്‍ ഉ​ണ്ടാ​ക്കു​ന്നു.

ടാ​റ്റൂ മ​ഷി ര​ക്ത​പ്ര​വാ​ഹ​ത്തി​ലൂ​ടെ മ​റ്റ് അ​വ​യ​വ​ങ്ങ​ളി​ലേ​ക്ക് സ​ഞ്ച​രി​ക്കു​ക​യും ചെ​യ്യും. ഈ ​ടാ​റ്റൂ മ​ഷി​യി​ലാ​ക​ട്ടെ, കാ​ര്‍ബ​ണ്‍ ബ്ലാ​ക്ക് പോ​ലെ​യു​ള്ള അ​ർ​ബു​ദ​കാ​രി​യാ​യ രാ​സ​വ​സ്തു​ക്ക​ളും അ​ട​ങ്ങി​യി​ട്ടു​ണ്ട്.