ക്യാ​മ്പി​ങ് സീ​സ​ണാ​യി; സീ​ലൈ​നി​ൽ വി​ളി​പ്പു​റ​ത്ത് ആ​ശു​പ​ത്രി​യു​മു​ണ്ട്

ദോ​ഹ: ത​ണു​പ്പ് കാ​ല​ത്തി​ന്റെ വി​ളം​ബ​ര​മാ​യി ശൈ​ത്യ​കാ​ല ക്യാ​മ്പി​ങ് സീ​സ​ണി​ന് തു​ട​ക്ക​മാ​യ​തി​നു പി​ന്നാ​ലെ, അ​ടി​യ​ന്ത​ര ഘ​ട്ട​ങ്ങ​ളി​ൽ ആ​രോ​ഗ്യ​പ​രി​ച​ര​ണ​ത്തി​ന് സ​ജ്ജ​മാ​യി സീ​ലൈ​നി​ൽ ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ന്റെ മെ​ഡി​ക്ക​ൽ ക്ലി​നി​ക്കി​നും തു​ട​ക്ക​മാ​യി. തു​ട​ർ​ച്ച​യാ​യി 14ാം വ​ർ​ഷ​മാ​ണ് ക്യാ​മ്പി​ങ് സീ​സ​ണു​വേ​ണ്ടി​യു​ള്ള എ​ച്ച്.​എം.​സി മെ​ഡി​ക്ക​ൽ ക്ലി​നി​ക്ക് സീ​ലൈ​നി​ൽ സ​ജ്ജ​മാ​കു​ന്ന​ത്.

2024 ഏ​പ്രി​ൽ 30ന് ​സീ​സ​ൺ അ​വ​സാ​നി​ക്കു​ന്ന​തു​വ​രെ പ്ര​വ​ർ​ത്ത​നം തു​ട​രും. സീ​സ​ണി​ലു​ട​നീ​ളം എ​ല്ലാ വ്യാ​ഴാ​ഴ്ച​യും ഉ​ച്ച ക​ഴി​ഞ്ഞ് മൂ​ന്നു മ​ണി​ക്ക് ക്ലി​നി​ക്ക് പ്ര​വ​ർ​ത്ത​ന​മാ​രം​ഭി​ക്കും. ശ​നി​യാ​ഴ്ച പു​ല​ർ​ച്ച മൂ​ന്നു​വ​രെ തു​ട​ർ​ച്ച​യാ​യ 36 മ​ണി​ക്കൂ​ർ ക്ലി​നി​ക്ക് പ്ര​വ​ർ​ത്തി​ക്കു​മെ​ന്നും എ​ച്ച്.​എം.​സി വ്യ​ക്ത​മാ​ക്കി.

സീ​ലൈ​നി​ലെ ബീ​ച്ചി​നോ​ട് ചേ​ർ​ന്നു​ത​ന്നെ​യാ​ണ് ക്ലി​നി​ക്ക് പ്ര​വ​ർ​ത്തി​ക്കു​ന്ന​ത്. ക്യാ​മ്പി​ങ് സീ​സ​ണി​ൽ സീ​ലൈ​ൻ, ഖോ​ർ അ​ൽ ഉ​ദൈ​ദ് പ്ര​ദേ​ശ​ങ്ങ​ളി​ൽ​നി​ന്നു​ള്ള സ​ന്ദ​ർ​ശ​ക​ർ​ക്കും മെ​ഡി​ക്ക​ൽ, എ​മ​ർ​ജ​ൻ​സി സേ​വ​ന​ങ്ങ​ൾ ല​ഭ്യ​മാ​ക്കു​ന്ന​തി​ന് ഈ ​സ്ഥ​ലം സൗ​ക​ര്യ​മാ​കു​മെ​ന്ന് എ​ച്ച്.​എം.​സി ചീ​ഫ് ക​മ്യൂ​ണി​ക്കേ​ഷ​ൻ​സ് ഓ​ഫി​സ​റും സീ​ലൈ​ൻ മെ​ഡി​ക്ക​ൽ ക്ലി​നി​ക് പ്രോ​ജ​ക്ട് മാ​നേ​ജ​റു​മാ​യ ഹ​സ​ൻ മു​ഹ​മ്മ​ദ് അ​ൽ ഹൈ​ൽ പ​റ​ഞ്ഞു.

സീ​ലൈ​ൻ പ്ര​ദേ​ശ​ത്തെ ബീ​ച്ച് യാ​ത്ര​ക്കാ​ർ​ക്കും സ​ന്ദ​ർ​ശ​ക​ർ​ക്കും ക്യാ​മ്പ് അം​ഗ​ങ്ങ​ൾ​ക്കും മെ​ഡി​ക്ക​ൽ സേ​വ​നം ന​ൽ​കു​ന്ന​തി​ൽ ക്ലി​നി​ക്ക് നി​ർ​ണാ​യ​ക പ​ങ്ക് വ​ഹി​ക്കു​ന്നു​വെ​ന്ന് വ്യ​ക്ത​മാ​ക്കി​യ അ​ദ്ദേ​ഹം, പ്ര​ദേ​ശ​ത്തെ​ത്തു​ന്ന എ​ല്ലാ സ​ന്ദ​ർ​ശ​ക​രോ​ടും സു​ര​ക്ഷാ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്നും അ​പ​ക​ട​ങ്ങ​ൾ, പ​രി​ക്കു​ക​ൾ, രോ​ഗ​ങ്ങ​ൾ എ​ന്നി​വ ത​ട​യു​ന്ന​തി​നു​ള്ള മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്നും വി​ശ​ദീ​ക​രി​ച്ചു.

എ​ല്ലാ മെ​ഡി​ക്ക​ൽ കേ​സു​ക​ൾ​ക്കും അ​നു​യോ​ജ്യ​മാ​യ മ​രു​ന്നു​ക​ളും മ​റ്റു മെ​ഡി​ക്ക​ൽ ഉ​പ​ക​ര​ണ​ങ്ങ​ളും ക്ലി​നി​ക്കി​ൽ സ​ജ്ജ​മാ​ക്കി​യി​ട്ടു​ണ്ടെ​ന്ന് എ​മ​ർ​ജ​ൻ​സി വി​ഭാ​ഗം മേ​ധാ​വി​യും ക്യാ​മ്പി​ങ് സീ​സ​ണി​ലെ എ​ച്ച്.​എം.​സി മെ​ഡി​ക്ക​ൽ ഡ​യ​റ​ക്ട​റു​മാ​യ ഡോ. ​അ​ഫ്താ​ബ് മു​ഹ​മ്മ​ദ് ആ​സാ​ദ് പ​റ​ഞ്ഞു. സാ​ധാ​ര​ണ രോ​ഗ​ങ്ങ​ൾ​ക്കു പു​റ​മെ അ​ടി​യ​ന്ത​ര സാ​ഹ​ച​ര്യ​ങ്ങ​ൾ കൈ​കാ​ര്യം ചെ​യ്യു​ന്ന​തി​നും ഇ​വി​ടെ സൗ​ക​ര്യ​ങ്ങ​ളൊ​രു​ക്കി​യി​ട്ടു​ണ്ട്.

കേ​സു​ക​ളു​ടെ ഗൗ​ര​വം ക​ണ​ക്കി​ലെ​ടു​ത്ത് ആ​ശു​പ​ത്രി​യി​ലെ​ത്തി​ക്കു​ന്ന​തി​ന് ആം​ബു​ല​ൻ​സ് അ​ല്ലെ​ങ്കി​ൽ എ​യ​ർ ആം​ബു​ല​ൻ​സ് എ​ന്നി​വ​യും സ​ജ്ജ​മാ​ണ്. ആ​ഴ്ച​യി​ൽ ഏ​ഴു ദി​വ​സ​വും 24 മ​ണി​ക്കൂ​റും പ്ര​വ​ർ​ത്ത​ന​സ​ജ്ജ​മാ​യ ആം​ബു​ല​ൻ​സ് സേ​വ​ന​വും പ്ര​ദേ​ശ​ത്ത് ഒ​രു​ക്കി​യി​ട്ടു​ണ്ടെ​ന്ന് ഡെ​പ്യൂ​ട്ടി എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ സാ​ലി​ഹ് അ​ൽ മ​റി പ​റ​ഞ്ഞു.

മ​ണ​ൽ​ത്തി​ട്ട പ്ര​ദേ​ശ​ങ്ങ​ളി​ൽ​നി​ന്ന് സീ​ലൈ​ൻ ക്ലി​നി​ക്കി​ലേ​ക്കോ സാ​ധാ​ര​ണ ആം​ബു​ല​ൻ​സ് ലൊ​ക്കേ​ഷ​നി​ലേ​ക്കോ എ​യ​ർ ആം​ബു​ല​ൻ​സ് ലാ​ൻ​ഡി​ങ് സൈ​റ്റി​ലേ​ക്കോ ആ​വ​ശ്യാ​നു​സ​ര​ണം രോ​ഗി​ക​ളെ എ​ത്തി​ക്കു​ന്ന​തി​ന് ര​ണ്ട് ഫോ​ർ​വീ​ൽ ഡ്രൈ​വ് ആം​ബു​ല​ൻ​സു​ക​ളും ര​ണ്ട് സാ​ധാ​ര​ണ ആം​ബു​ല​ൻ​സു​ക​ളും ഉ​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.