കോവിഡ് വീണ്ടും കുതിക്കുന്നു; ഇന്ന് 11,000 പുതിയ കേസുകൾ

ന്യൂഡൽഹി: കോവിഡ് കേസുകൾ വീണ്ടും കുതിച്ചുയരുന്നു. ഇന്ന് 11,000 പുതിയ കേസുകളാണ് രജിസ്റ്റർ ചെയ്തിരിക്കുന്നത്. ഇന്നലെ 10,000ലേറെ കേസുകളുണ്ടായിരുന്നു. ഇതോടെ രാജ്യത്ത് കോവിഡ് ചികിത്സയിലുള്ളവരുടെ എണ്ണം 49,622 ആയി മാറി. ഒമി​ക്രോണിന്റെ XBB.1.16 ഉപവകഭേദമാണ് നിലവിൽ വ്യാപിക്കുന്നതെന്നാണ് വിദഗ്ധർ വ്യക്തമാക്കുന്നത്.

എന്നാൽ പരിഭ്രാന്തരാകേണ്ടതില്ലെന്നും കോവിഡ് പെരുമാറ്റച്ചട്ടങ്ങൾ പാലിക്കുകയും വാക്സിൻ ബൂസ്റ്റർ ഡോസുകൾ സ്വീകരിക്കുകയും ചെയ്താൽ മതിയെന്നാണ് അധികൃതർ വ്യക്തമാക്കിയത്.

പനി ബാധിച്ച നിരവധി പേർ സ്വയേമേവ കോവിഡ് പരിശോധനക്ക് വിധേയമാകുന്നുണ്ടെന്നും അധികൃതർ പറഞ്ഞു.