രാജ്യത്ത് 44,658 പേർക്ക്കൂടി കോവിഡ്; 496 മരണം

ന്യൂഡൽഹി: 24 മണിക്കൂറിനിടെ രാജ്യത്ത് 44,658 പേർക്ക്കൂടി കോവിഡ് ബാധിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 496 കോവിഡ് മരണങ്ങളും സ്ഥിരീകരിച്ചു.

കേരളത്തിൽ 30,007 പേർക്കും മഹാരാഷ്ട്രയിൽ 5,108 പേർക്കുമാണ് കോവിഡ് സ്ഥികീരിച്ചത്. ഇതോടെ ഇതുവരെ കോവിഡ് ബാധിച്ചവരുടെ എണ്ണം 3,26,03,188 ആയി. കോവിഡിൽ ജീവൻ നഷ്ടപ്പെട്ടവരുടെ എണ്ണം 4,36,861 ഉം ആയി.

32,988 പേർ രോഗമുക്തരാകുകയും ചെയ്തു. രോഗമുക്തി നേടിയവരുടെ എണ്ണം 3,18,21,428 ആയി. 3,44,899 പേരാണ് നിലവിൽ ചികിത്സയിൽ കഴിയുന്നത്.

ഇന്നലെ 79,48,439 പേർക്ക് വാക്സിൻ നൽകിയതായും അധികൃതർ അറിയിച്ചു.