42,618 പേർക്ക്കൂടി കോവിഡ്; 330 മരണം

ന്യൂഡൽഹി: രാജ്യത്ത് 42,618 പേർക്ക്കൂടി കോവിഡ് ബാധിച്ചതായി കേന്ദ്ര ആരോഗ്യമന്ത്രാലയം അറിയിച്ചു. 24 മണിക്കൂറിനിടെ 330 കോവിഡ് മരണങ്ങളും സ്ഥിരീകരിച്ചു.

ഇതോടെ ഇതുവരെ കോവിഡ് ബാധിച്ചവരുടെ എണ്ണം 3,29,45,907 ആയി. കോവിഡിൽ ജീവൻ നഷ്ടപ്പെട്ടവരുടെ എണ്ണം 4,40,225 ആയും ഉയർന്നു.

അതേസമയം, 36,385 പേർ കൂടി കഴിഞ്ഞ ദിവസം രോഗമുക്തരായി. നിലവിൽ 4,05,681 പേരാണ് രാജ്യത്താകമാനം കോവിഡ് ബാധിച്ച് ചികിത്സയിലുള്ളതെന്നും ആരോഗ്യ മന്ത്രാലയത്തിൻെറ കണക്കുകൾ പറയുന്നു.

ഇന്നലെ 58,85,687 പേർക്കാണ് കോവിഡ് പ്രതിരോധ വാക്സിൻ നൽകിയത്.

കേരളത്തിൽ മാത്രം ഇന്നലെ 29,322 പേർക്കാണ് കോവിഡ് ബാധിച്ചത്. 17.91 ആണ് കേരളത്തിലെ ടി.പി.ആർ.