രാജ്യത്ത് 31,222 പേർക്ക്കൂടി കോവിഡ്; 290 മരണം

ന്യൂഡൽഹി: രാജ്യത്ത് 31,222 പേർക്ക്കൂടി കോവിഡ് ബാധിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 24 മണിക്കൂറിനിടെ 290 കോവിഡ് മരണങ്ങളും റിപ്പോർട്ട് ചെയ്തു.

ഇതോടെ, രാജ്യത്ത് ഇതുവരെ കോവിഡ് ബാധിച്ചവരുടെ എണ്ണം 3,30,58,842 ആയി. മരണ സംഖ്യ 4,41,042 ആയും ഉയർന്നു.

42,942 പേർ ഇന്നലെ രോഗമുക്തി നേടിയിട്ടുണ്ട്. നിലവിൽ 3,92,864 പേരാണ് കോവിഡ് ബാധിച്ച് ചികിത്സയിൽ കഴിയുന്നത്.

കേരളത്തിൽ 19,688 പേർക്കും, മഹാരാഷ്ട്രയിൽ 3,626 പേർക്കുമാണ് കോവിഡ് ബാധിച്ചത്. മഹാരാഷ്ട്രയിൽ ഫെബ്രുവരി 15ന് ശേഷമുള്ള ഏറ്റവും കുറവ് രോഗികളുടെ എണ്ണമാണിത്.