ഹൃദയവാൽവിലെ തകരാർ; ശസ്ത്രക്രിയ കൂടാതെ പരിഹരിച്ച് മെഡിക്കൽ സംഘം

തി​രു​വ​ന​ന്ത​പു​രം: ഹൃ​ദ​യ വാ​ൽ​വ് ത​ക​രാ​റി​ലാ​വു​ന്ന അ​യോ​ർ​ട്ടി​ക് വാ​ൽ​വ് സ്റ്റീ​നോ​സി​സ് എ​ന്ന രോ​ഗാ​വ​സ്ഥ ബാ​ധി​ച്ച ത​മി​ഴ്നാ​ട് സ്വ​ദേ​ശി​ക്ക് (30) നൂ​ത​ന ചി​കി​ത്സ രീ​തി വി​ജ​യ​ക​ര​മാ​ക്കി തി​രു​വ​ന​ന്ത​പു​രം കിം​സ്ഹെ​ൽ​ത്ത്. ബ​ലൂ​ൺ വാ​ൽ​വു​ലോ​പ്ലാ​സ്റ്റി​യി​ലൂ​ടെ​യാ​ണ് ഗു​രു​ത​രാ​വ​സ്ഥ ഭേ​ദ​മാ​ക്കി​യ​ത്. ക​ത്തീ​റ്റ​റി​ന്റെ സ​ഹാ​യ​ത്തോ​ടെ ര​ക്ത​ക്കു​ഴ​ലി​ലേ​ക്ക് ബ​ലൂ​ൺ ക​ട​ത്തി​വി​ടു​ന്ന രീ​തി​യാ​ണ് ബ​ലൂ​ൺ വാ​ൽ​വു​ലോ​പ്ലാ​സ്റ്റി.

ഹൃ​ദ​യം മി​ടി​ക്കു​മ്പോ​ൾ ത​ന്നെ​യാ​ണ് ബ​ലൂ​ൺ വാ​ൽ​വു​ലോ​പ്ലാ​സ്റ്റി പ്രൊ​സീ​ജി​യ​ർ പൂ​ർ​ത്തി​യാ​ക്കി​യ​തെ​ന്നും ബ​ലൂ​ൺ വി​ക​സി​പ്പി​ച്ച​തി​നെ​ത്തു​ട​ർ​ന്ന് പ്ര​വ​ർ​ത്ത​ന​ര​ഹി​ത​മാ​യ വാ​ൽ​വ് ഉ​ട​ൻ പ്ര​വ​ർ​ത്തി​ച്ചു തു​ട​ങ്ങി​യെ​ന്നും നേ​തൃ​ത്വം ന​ൽ​കി​യ കാ​ർ​ഡി​യോ​ള​ജി വി​ഭാ​ഗം സീ​നി​യ​ർ ക​ൺ​സ​ൾ​ട്ട​ന്റ് ഡോ. ​എ​സ്. ബി​ജു​ലാ​ൽ പ​റ​ഞ്ഞു. സീ​നി​യ​ർ ക​ൺ​സ​ൾ​ട്ട​ന്റ് ഡോ. ​ര​മേ​ശ് ന​ട​രാ​ജ​ൻ, കാ​ർ​ഡി​യോ അ​ന​സ്തീ​ഷ്യ വി​ഭാ​ഗം ക​ൺ​സ​ൾ​ട്ട​ന്റു​മാ​രാ​യ ഡോ. ​അ​നി​ൽ രാ​ധാ​കൃ​ഷ്ണ​ൻ പി​ള്ള, ഡോ.​എ​സ്. സു​ഭാ​ഷ് എ​ന്നി​വ​രും ര​ണ്ട് മ​ണി​ക്കൂ​ർ നീ​ണ്ട ചി​കി​ത്സ​യി​ൽ ഭാ​ഗ​മാ​യി.