ആ ​പി​ഞ്ചു​ഹൃ​ദ​യം മി​ടി​ക്കും, ഈ ​കു​ഞ്ഞു​നെ​ഞ്ച​ക​ത്തി​ൽ

ദു​ബൈ: റി​യാ​ദി​ലെ കി​ങ് ഫൈ​സ​ൽ ആ​ശു​പ​ത്രി​യി​ൽ ന​ട​ന്ന ശ​സ്ത്ര​ക്രി​യ വി​ജ​യ​ക​ര​മാ​യി പൂ​ർ​ത്തി​യാ​യി​രി​ക്കു​ന്നു. ആ​റു മാ​സം പ്രാ​യ​മു​ള്ള കു​ഞ്ഞി​നാ​ണ്​ ഹൃ​ദ​യ​മാ​റ്റ ശ​സ്ത്ര​ക്രി​യ ന​ട​ന്ന​ത്. പ​ശ്ചി​മേ​ഷ്യ​യു​ടെ ച​രി​ത്ര​ത്തി​ലെ ഏ​റ്റ​വും പ്രാ​യം കു​റ​ഞ്ഞ വ്യ​ക്​​തി​യു​ടെ ഹൃ​ദ​യ​മാ​റ്റ ശ​സ്ത്ര​ക്രി​യ എ​ന്ന പ്ര​ത്യേ​ക​ത ഇ​തി​നു​ണ്ടാ​യി​രു​ന്നു. യു.​എ.​ഇ സ്വ​ദേ​ശി​ക​ളു​ടെ മ​ക​ളാ​യ പി​ഞ്ചു​കു​ഞ്ഞി​ന്​ ഹൃ​ദ​യം ന​ൽ​കി​യ​താ​ക​ട്ടെ ഒ​മ്പ​തു മാ​സം പ്രാ​യ​മു​ള്ള യു.​എ.​ഇ താ​മ​സ​ക്കാ​രു​ടെ കു​ഞ്ഞി​ന്‍റെ കു​ടും​ബ​മാ​ണ്. ത​ങ്ങ​ളു​ടെ മ​ക​ൾ വി​ട​പ​റ​ഞ്ഞെ​ങ്കി​ലും ആ ​ഹൃ​ദ​യം മ​റ്റൊ​രാ​ളി​ൽ തു​ടി​ക്കു​ന്നു​വെ​ന്ന അ​റി​വ്​ ഈ ​മാ​താ​പി​താ​ക്ക​ളെ ഇ​ന്ന്​ സ​ന്തോ​ഷി​പ്പി​ക്കു​ന്നു.

ഹൃ​ദ​യ​വാ​ൽ​വു​ക​ൾ​ക്ക് ജ​ന്മ​നാ ത​ക​രാ​റു​ണ്ടാ​യി​രു​ന്ന ആ​റു​മാ​സം പ്രാ​യ​മു​ള്ള കു​ഞ്ഞി​ന്‍റെ ജീ​വ​ൻ ഹൃ​ദ​യ​ത്തി​ലേ​ക്ക് ര​ക്തം കൃ​ത്രി​മ​മാ​യി പ​മ്പി​ങ് ന​ട​ത്തി​യാ​ണ് നി​ല​നി​ർ​ത്തി​യി​രു​ന്ന​ത്. യു.​എ.​ഇ​യി​ൽ മ​രി​ച്ച കു​ഞ്ഞി​ന്‍റെ ഹൃ​ദ​യം സ്വീ​ക​രി​ക്കു​ന്ന​തി​നാ​യി ശ​സ്ത്ര​ക്രി​യാ​സം​ഘം റി​യാ​ദി​ൽ​നി​ന്ന്​ ദു​ബൈ​യി​ലെ​ത്തി. ന​ട​പ​ടി​ക​ൾ പൂ​ർ​ത്തി​യാ​ക്കി മ​ണി​ക്കൂ​റു​ക​ൾ​ക്കു​ള്ളി​ൽ വ്യോ​മ​മാ​ർ​ഗം ഹൃ​ദ​യം റി​യാ​ദി​ൽ എ​ത്തി​ച്ചാ​ണ്​ ശ​സ്ത്ര​ക്രി​യ പൂ​ർ​ത്തി​യാ​ക്കി​യ​ത്. ദാ​താ​വി​​ന്‍റെ കു​ടും​ബ​ത്തി​ൽ​നി​ന്ന് അം​ഗീ​കാ​രം വാ​ങ്ങു​ന്ന​ത​ട​ക്ക​മു​ള്ള നി​യ​മ​പ​ര​മാ​യ ന​ട​പ​ടി​ക്ര​മ​ങ്ങ​ളും അ​തി​വേ​ഗം പൂ​ർ​ത്തി​യാ​ക്കി.ശ​സ്ത്ര​ക്രി​യ​ക്ക്​ ശേ​ഷം കു​ഞ്ഞി​ന്‍റെ ആ​രോ​ഗ്യ​നി​ല പു​രോ​ഗ​തി പ്രാ​പി​ച്ചു​വ​രു​ക​യാ​ണെ​ന്ന്​ ആ​ശു​പ​ത്രി​വൃ​ത്ത​ങ്ങ​ൾ അ​റി​യി​ച്ചു. ഹൃ​ദ​യം ദാ​നം​ചെ​യ്ത കു​ഞ്ഞി​ന്‍റെ വൃ​ക്ക​ക​ളും ക​ര​ളും കൂ​ടി ദാ​നം​ചെ​യ്യാ​ൻ കു​ടും​ബം സ​ന്ന​ദ്ധ​മാ​യി​ട്ടു​ണ്ട്. മൂ​ന്നു​പേ​ർ​ക്ക്​ ജീ​വി​തം തി​രി​ച്ചു​പി​ടി​ക്കാ​ൻ അ​വ​സ​ര​മൊ​രു​ക്കി​യ കു​ഞ്ഞി​ന്‍റെ കു​ടും​ബ​ത്തെ യു.​എ.​ഇ നാ​ഷ​ന​ൽ ട്രാ​ൻ​സ്​​പ്ലാ​ന്‍റ്​ ക​മ്മി​റ്റി ചെ​യ​ർ​മാ​ൻ ഡോ. ​അ​ലി അ​ൽ ഉ​ബൈ​ദി കൃ​ത​ജ്ഞ​ത അ​റി​യി​ച്ചു.

മാ​ന​വി​ക​ത​യു​ടെ ഐ​ക്യ​ദാ​ർ​ഢ്യ​ത്തി​ന്‍റെ തി​ള​ങ്ങു​ന്ന പ്ര​തീ​ക​മാ​ണ് അ​വ​യ​വ​ദാ​ന​മെ​ന്നും 200ല​ധി​കം രാ​ജ്യ​ക്കാ​ർ താ​മ​സി​ക്കു​ന്ന യു.​എ.​ഇ​യു​ടെ സ​ഹി​ഷ്ണു​ത​യു​ടെ​യും സ​ഹ​വ​ർ​ത്തി​ത്വ​ത്തി​ന്‍റെ​യും മ​ഹ​ത്താ​യ അ​ട​യാ​ള​മാ​ണി​തെ​ന്നും അ​ദ്ദേ​ഹം പ്ര​സ്താ​വി​ച്ചു. ഹ​യാ​ത്ത് പ്രോ​ഗ്രാ​മി​ലൂ​ടെ അ​വ​യ​വ ദാ​താ​ക്ക​ൾ​ക്ക്​ ര​ജി​സ്റ്റ​ർ ചെ​യ്ത് ഇ​ത്ത​രം പ​ദ്ധ​തി​ക​ളെ പി​ന്തു​ണ​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. സാ​ധു​വാ​യ എ​മി​റേ​റ്റ്സ് ഐ​ഡി​യു​ള്ള, 21 വ​യ​സ്സ്​ പി​ന്നി​ട്ട ആ​ർ​ക്കും ഹ​യാ​ത്ത് ആ​പ് വ​ഴി ര​ജി​സ്റ്റ​ർ ചെ​യ്യാം. രാ​ജ്യ​ത്ത്​ ക​ഴി​ഞ്ഞ വ​ർ​ഷം 55 പേ​ർ 204 അ​വ​യ​വ​ങ്ങ​ൾ ദാ​നം​ചെ​യ്തി​ട്ടു​ണ്ട്. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും വേ​ണ്ടി​യു​ള്ള പ​ശ്ചി​മേ​ഷ്യ​യി​ലെ ഏ​റ്റ​വും വ​ലി​യ ഹൃ​ദ​യ​ശ​സ്ത്ര​ക്രി​യ സം​വി​ധാ​ന​മാ​ണ് റി​യാ​ദ്​ കി​ങ് ഫൈ​സ​ൽ ആ​ശു​പ​ത്രി​യി​ലു​ള്ള​ത്. 1989ൽ ​ഈ സം​വി​ധാ​നം നി​ല​വി​ൽ​വ​ന്ന​ശേ​ഷം ഇ​തു​വ​രെ 431 ഹൃ​ദ​യ​മാ​റ്റ ശ​സ്ത്ര​ക്രി​യ​ക​ളാ​ണ് ഇ​വി​ടെ ന​ട​ന്ന​ത്.