Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightസംസ്ഥാനത്ത് ജീവിതശൈലി...

സംസ്ഥാനത്ത് ജീവിതശൈലി രോഗ രജിസ്ട്രി തയാറാക്കുന്നു

text_fields
bookmark_border
സംസ്ഥാനത്ത് ജീവിതശൈലി രോഗ രജിസ്ട്രി തയാറാക്കുന്നു
cancel

തിരുവനന്തപുരം: സംസ്ഥാനത്ത് ജീവിതശൈലി രോഗങ്ങള്‍ വര്‍ധിച്ചുവരുന്ന സാഹചര്യത്തില്‍ ജീവിതശൈലി രോഗ രജിസ്ട്രി തയാറാക്കാൻ ആരോഗ്യവകുപ്പി​െൻറ തീരുമാനം. ആശാ പ്രവര്‍ത്തകരുടെ സഹകരണത്തോടെ വീടുകൾ സന്ദര്‍ശിച്ച് 30 വയസ്സിന് മുകളിലുള്ള എല്ലാവരുടെയും ജീവിതശൈലി രോഗങ്ങളെക്കുറിച്ചും അവയിലേക്ക് നയിക്കുന്ന അപകട സൂചകങ്ങളെക്കുറിച്ചും ഡേറ്റ ശേഖരിക്കും. വിവരസമാഹരണത്തിനായി മൊബൈല്‍ ആപ്പും തയാറാക്കും. വീടുകളില്‍നിന്ന്​ ശേഖരിക്കുന്ന ഡേറ്റ പഞ്ചായത്ത്, ജില്ല, സംസ്ഥാനതലത്തിൽ ക്രോഡീകരിച്ചാണ്​ രജിസ്ട്രി തയാറാക്കുന്നത്​.


പ്രമേഹം ഉള്‍പ്പെടെ ജീവിതശൈലി രോഗങ്ങളുടെ വ്യാപനം കണ്ടെത്താനും ഈ രോഗങ്ങളെക്കുറിച്ച അവബോധം ജനങ്ങളില്‍ സൃഷ്​ടിക്കാനും രോഗം കണ്ടെത്തിയവര്‍ക്ക് വിദഗ്ധ ചികിത്സ നല്‍കാനും സര്‍വേ സഹായകരമാകുമെന്നാണ്​ കരുതുന്നത്​. പ്രമേഹം, രക്താതിമര്‍ദം, സി.ഒ.പി.ഡി തുടങ്ങിയ രോഗങ്ങളും ഓറല്‍ കാന്‍സര്‍, സ്തനാര്‍ബുദം, സർവിക്കല്‍ കാന്‍സര്‍ തുടങ്ങിയവയുടെയും നിര്‍ണയമാണ് കാമ്പയിനിലൂടെ ഉദ്ദേശിക്കുന്നത്.

സര്‍വേയിലൂടെ കണ്ടെത്തുന്ന രോഗികള്‍ക്ക്​ മതിയായ ചികിത്സ ഉറപ്പുവരുത്തുകയും ഇതുവരെ രോഗനിര്‍ണയം നടത്താത്തവർക്കായി പ്രത്യേക ക്യാമ്പുകള്‍ സംഘടിപ്പിക്കുകയും ചെയ്യും.

'പ്രമേഹ പരിരക്ഷക്കുള്ള പ്രാപ്യത ഇപ്പോഴല്ലെങ്കില്‍ എപ്പോള്‍' എന്നതാണ് ഈ വര്‍ഷത്തെ പ്രമേഹദിന സന്ദേശം. കേരളത്തില്‍ മുമ്പ് നടന്ന പഠനങ്ങളില്‍ പ്രമേഹം വര്‍ധിച്ചുവരുന്നതായാണ് കണക്കുകള്‍ സൂചിപ്പിക്കുന്നത്. ഐ.സി.എം.ആറും ഇന്ത്യന്‍ ഇൻസ്​റ്റിറ്റ്യൂട്ട് ഓഫ് ഡയബറ്റീസും ചേര്‍ന്ന് നടത്തിയ പഠനത്തില്‍ കേരളത്തിലെ 35 ശതമാനത്തോളം പേര്‍ക്ക് പ്രമേഹമുണ്ടെന്നാണ് കണ്ടെത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Lifestyle DiseaseDiabetes
News Summary - Health Department Prepares Lifestyle Disease Registry
Next Story