കൈമുട്ടിലെ വേദന ടെന്നിസ് എല്‍ബോ ആകാം

പ്രായം കൂടുംതോറും പലരിലും കണ്ടുവരുന്നതാണ് കൈ -കാൽ മുട്ടുവേദന. നടക്കാൻ പ്രയാസം തോന്നുന്നതിനാൽ കാൽമുട്ട് വേദനക്ക് പലരും ചികിത്സ​ തേടും. എന്നാൽ, വേദന കൂടുതലായാൽ ​മാത്രമാണ് മിക്കവരും കൈമുട്ട് വേദനക്ക് ചികിത്സ തേടുക. കൈമുട്ടുകളിൽ അസഹനീയമായ വേദന അനുഭവപ്പെടുന്ന അവസ്ഥകളിലൊന്നാണ് ടെന്നിസ് എൽബോ. ടെന്നിസ് കളിക്കുന്നവരില്‍ കൂടുതലായി കണ്ടുവന്നിരുന്നതിനാലാണ് രോഗത്തിന് ഈ പേരു വന്നതും.

ഒരേ രീതിയില്‍ കൈകളുടെ ചലനം ആവശ്യമായി വരുന്ന തരത്തിലുള്ള ജോലി ചെയ്യുന്നവരിലാണ് കൂടുതലായും ടെന്നിസ് എൽബോ കണ്ടുവരുന്നത്. ക്രിക്കറ്റ്, ബാഡ്മിന്റൺ തുടങ്ങിയ കായിക ഇനങ്ങളിൽ ഏർപ്പെടുന്നവരിലും മെക്കാനിക്ക്, കാര്‍പെന്റ്രി, പെയ്ന്റിങ്, വീട്ടുജോലികള്‍ തുടങ്ങിയവ ചെയ്യുന്നവരിലും ടെന്നിസ് എൽബോ അനുഭവപ്പെടാനുള്ള സാധ്യത കൂടും.

കൈമുട്ടിന്റെ പുറംഭാഗത്ത് വേദന അനുഭവപ്പെടുന്നതാണ് ആദ്യ ലക്ഷണം. കൈമുട്ടുകളുടെ സുഗമമായ ചലനം സാധ്യമാക്കുന്ന പേശികള്‍ക്ക് പല വിധത്തിലുള്ള പരിക്കുകള്‍ സംഭവിക്കുന്നതാണ് വേദനക്ക് കാരണം. കൈമുട്ടിനു താഴെയുള്ള ഭാഗത്താണ് വേദന കൂടുതലായി അനുഭവപ്പെടുക. നിരന്തരമായി ഒരേ രീതിയിൽ ഈ ഭാഗം ചലി​പ്പിക്കേണ്ടി വരുമ്പോൾ ഈ ഭാഗങ്ങളിലെ പേശികൾക്ക് പരിക്കുകൾ സംഭവിക്കാം.

ആദ്യഘട്ടത്തിൽ ജോലികളിൽ ഏർപ്പെടുമ്പോൾ മാത്രമാണ് വേദനയും നീരും അനുഭവപ്പെടുക. കൃത്യമായ ചികിത്സ തേടിയില്ലെങ്കിൽ നീര് കുറയാതിരിക്കുകയും വേദന കൂടുകയും ചെയ്യും. രോഗം മൂർച്ഛിച്ചാൽ ദൈനംദിന ജീവിത​ത്തെ പോലും ബാധിക്കുന്ന തരത്തിലേക്ക് മാറും. ചെറിയ ഭാരമുള്ള വസ്തുക്കള്‍പോലും കൈയിലെടുക്കുന്ന സമയങ്ങളില്‍ വേദന അനുഭവപ്പെടുന്നതും കൈകള്‍ ആവശ്യാനുസരണം ചലിപ്പിക്കാന്‍ സാധിക്കാതെ വരുന്നതും ടെന്നിസ് എല്‍ബോയുടെ ലക്ഷണങ്ങളാണ്. അതിനാൽ വേദന അനുഭവപ്പെടുന്നുണ്ടെങ്കിൽ ഡോക്ടറുടെ സേവനം തേടണം.

കൈപ്പത്തി, വിരലുകള്‍ തുടങ്ങിയവയുടെ ചലനങ്ങള്‍ പരിശോധിച്ചും എക്സ്റേ വഴിയും രോഗനിര്‍ണയം സാധ്യമാണ്. ചുരുക്കം രോഗികളില്‍ മാത്രമാണ് എം.ആർ.ഐ പോലുള്ള പരിശോധനകള്‍ ആവശ്യമായി വരിക. മരുന്നുകള്‍, ഫിസിയോ തെറപ്പി എന്നിവയിലൂടെ ഈ രോഗാവസ്ഥക്ക് പരിഹാരം കാണാനാകും.

എന്നാല്‍, കൃത്യസമയത്ത് ചികിത്സ തേടാതിരുന്നാല്‍ രോഗം ഗുരുതരമാകുകയും ശസ്ത്രക്രിയ ആവശ്യമാകുകയും ചെയ്യും. രോഗാവസ്ഥയില്‍നിന്ന് മുക്തിനേടാന്‍ വേദനക്ക് കാരണമാകുന്ന ജോലികളില്‍നിന്ന് ആവശ്യമായത്ര സമയം വിട്ടുനില്‍ക്കേണ്ടതും ജോലിചെയ്യുന്ന സമയം കുറക്കേണ്ടതും അത്യാവശ്യമാണ്. വേദനയുള്ള ഭാഗത്ത് ഐസ് പാക്ക്, ചൂടുവെള്ളത്തില്‍ തുണി നനച്ച് ചൂടുപിടിക്കുക തുടങ്ങിയവ താല്‍ക്കാലികാശ്വാസം നല്‍കും.

ശ്രദ്ധിക്കണം അൾസറിനെ

അശ്രദ്ധമായ ജീവിത ​ശൈലിയും തെറ്റായ ഭക്ഷണക്രമവും മൂലം ഒരു പ്രായമെത്തുമ്പോൾ കണ്ടുവരുന്ന രോഗമാണ് അൾസർ. തിരക്കുപിടിച്ച ജീവിത ​ശൈലിക്കിടയിൽ ഭക്ഷണക്രമം പാലിക്കാൻ സാധിക്കാതെ വരുന്നതോടെ അൾസർ രോഗികളുടെ എണ്ണവും കൂടി. കു​ട​ലി​ന്‍റെ ഭി​ത്തി​യും ഉ​ള്‍വ​ശ​വും ത​മ്മി​ല്‍ വേ​ര്‍തി​രി​ക്കു​ന്ന മ്യൂ​ക്കോ​സ എ​ന്ന ആ​വ​ര​ണ​ത്തി​ല്‍ ആ​സി​ഡ് അ​മി​ത​മാ​യി ഉ​ൽ​പാ​ദി​പ്പി​ക്ക​പ്പെ​ടു​ന്ന​തി​നാ​ല്‍ ഉ​ണ്ടാ​കു​ന്ന ചെ​റി​യ വി​ള്ള​ലു​ക​ളാ​ണ് അ​ള്‍സ​ര്‍. ദ

​ഹ​ന​വ്യ​വ​സ്ഥ​യു​ടെ ഏ​തു​ഭാ​ഗ​ത്ത് വേ​ണ​മെ​ങ്കി​ലും അ​ള്‍സ​ര്‍ ബാ​ധി​ക്കാം. ആ​മാ​ശ​യ അ​ള്‍സ​ര്‍, ചെ​റു​കു​ട​ലി​ന്‍റെ ആ​രം​ഭ​ഭാ​ഗ​ത്ത് ക​ണ്ടു​വ​രു​ന്ന അ​ള്‍സ​ര്‍ എ​ന്നി​വ​യാ​ണ് സാ​ധാ​ര​ണ ക​ണ്ടു​വ​രു​ന്ന​ത്. തെറ്റായ ഭക്ഷണരീതിയാണ് അൾസറിന്റെ പ്രധാന കാരണം. സമയക്രമം പാലിക്കാതെ ഭക്ഷണം കഴിക്കുന്നതാണ് ഇതിൽ പ്രധാനം. എരിവ്, മസാല തുടങ്ങിയവ ധാരാളമായി അടങ്ങിയ ഭക്ഷണ സാധനങ്ങൾ കഴിക്കുന്നതുവഴിയും അൾസർ ബാധയുണ്ടാകാം. അസിഡിക് സ്വഭാവമുള്ള ഭക്ഷണങ്ങളും ഇതിന് കാരണമാകും.

സ​ന്ധി​വേ​ദ​ന, ഹൃ​ദ്രോ​ഗം, സ്ട്രോക്ക്​ തു​ട​ങ്ങി​യ രോ​ഗാ​വ​സ്ഥ​ക​ള്‍ അ​നു​ഭ​വി​ക്കു​ന്ന​വ​ര്‍ ക​ഴി​ക്കു​ന്ന മ​രു​ന്നു​ക​ള്‍, മ​റ്റു വേ​ദ​ന​സം​ഹാ​രി​ക​ള്‍ എ​ന്നി​വ​യു​ടെ ദീ​ര്‍ഘ​നാ​ള​ത്തെ ഉ​പ​യോ​ഗ​വും അൾസറിന് കാ​ര​ണ​മാ​കാ​റു​ണ്ട്. മ​ദ്യ​പാ​നം,പു​ക​വ​ലി തു​ട​ങ്ങി​യ ല​ഹ​രി വ​സ്തു​ക്ക​ളു​ടെ ഉ​പ​ഭോ​ഗ​വും മാ​ന​സി​ക സ​മ്മ​ർ​ദം അ​നു​ഭ​വി​ക്കു​ന്ന​തും അ​ള്‍സ​റി​ന് കാ​ര​ണ​മാ​കാം. സാധാരണയായി കണ്ടുവരാറില്ലെങ്കിലും ഭ​ക്ഷ​ണം, വെ​ള്ളം എ​ന്നി​വ​യി​ലൂ​ടെ​യെ​ത്തു​ന്ന അ​ണു​ബാ​ധയിലൂടെയും അൾസർ ബാധിക്കാം.

വ​യ​റി​ന്‍റെ മു​ക​ള്‍ഭാ​ഗ​ത്തോ നെ​ഞ്ചി​ന്‍റെ താ​ഴ്ഭാ​ഗ​ത്തോ അ​നു​ഭ​വ​പ്പെ​ടു​ന്ന വേ​ദ​ന​യാ​ണ് അ​ള്‍സ​റി​ന്റെ പ്ര​ധാ​ന ല​ക്ഷ​ണം. തു​ട​ര്‍ച്ച​യാ​യ ഏ​മ്പ​ക്കം, വ​യ​ര്‍സ്തം​ഭ​നം, നെ​ഞ്ചെ​രി​ച്ചി​ല്‍, പു​ളി​ച്ചുതി​ക​ട്ട​ല്‍, വ​യ​ര്‍ വീ​ര്‍ത്തു​വ​രുക, ഭ​ക്ഷ​ണം ക​ഴി​ച്ച​യു​ട​ന്‍ മ​ല​വി​സ​ര്‍ജ​നം ന​ട​ത്തേ​ണ്ടി​വ​രു​ക തു​ട​ങ്ങി​യ​വ​യെ​ല്ലാം അ​ള്‍സ​റി​ന്‍റെ ല​ക്ഷ​ണങ്ങളാണ്.

അ​ള്‍സ​ര്‍ ഗു​രു​ത​ര​മാ​വുക​യും കൃ​ത്യ​മാ​യ ചി​കി​ത്സ സ്വീ​ക​രി​ക്കാ​തി​രി​ക്കു​ന്ന​തും ഈ ​ഭാ​ഗ​ത്ത് ട്യൂ​മ​ര്‍ അ​ല്ലെ​ങ്കി​ല്‍ കാ​ന്‍സ​ര്‍ സാ​ധ്യ​ത​യി​ലേ​ക്ക് വ​ഴി​മാ​റു​ക​യും ചെ​യ്യും. അ​ള്‍സ​ര്‍ ക​ണ്ടെ​ത്തി​ക്ക​ഴി​ഞ്ഞാ​ല്‍ തുടർച്ചയായി ര​ണ്ടോ മൂ​ന്നോ മാ​സം മരുന്ന് കഴിച്ചാൽ വ്യത്യാസം കാണാനാകും. ഗുരുതരമാണെങ്കിൽ ബ​യോ​പ്സി പ​രി​ശോ​ധ​ന ന​ട​ത്തി കാ​ന്‍സ​ര്‍ സാ​ന്നി​ധ്യവും പരിശോധിക്കണം.

ഭക്ഷണ രീതിയിൽ മാറ്റം വരുത്തുന്നതിലൂടെ അൾസറിനെ ഒരു പരിധിവരെ തടയാം. കൃത്യസമയത്ത് കഴിക്കുക, ആരോഗ്യകരമായ ഭക്ഷണം എന്നിവയിൽ ശ്രദ്ധ നൽകണം. എ​രി​വ്, മ​സാ​ല, എ​ണ്ണ തു​ട​ങ്ങി​യ​വ​യു​ടെ അ​മി​ത ഉ​പ​യോ​ഗ​വും ജ​ങ്ക് ഫു​ഡ് ഇ​ന​ങ്ങ​ളും ഒ​ഴി​വാ​ക്കു​ന്നത് നന്നാകും. ദി​വ​സ​വും കു​റ​ഞ്ഞ​ത് 30 മി​നി​റ്റെ​ങ്കി​ലും വ്യാ​യാ​മം ചെ​യ്യു​ന്ന​ത് ന​ല്ല​താ​ണ്. കൂ​ടാ​തെ മ​ദ്യ​പാ​നം, പു​ക​വ​ലി തു​ട​ങ്ങി​യ ശീ​ല​ങ്ങ​ള്‍ പൂ​ര്‍ണ​മാ​യും ഉ​പേ​ക്ഷി​ക്കുകയും വേണം.