തിരുത്തിനാണ്​ കരുത്ത്​; നിലപാടിൽ തലയുയർത്തി ഡോ. ഹാരിസ്

തി​രു​വ​ന​ന്ത​പു​രം: സം​വി​ധാ​ന​ത്തി​നെ​തി​രെ​യു​ള്ള തു​റ​ന്നു​പ​റ​ച്ചി​ലു​ക​ൾ അ​പ​രാ​ധ​മാ​യി കാ​ണു​ന്ന കാ​ല​ത്ത്​ മു​മ്പി​ലെ​ത്തു​ന്ന രോ​ഗി​ക​ളു​ടെ ക​ണ്ണീ​രി​ൽ കാ​ലു​റ​പ്പി​ച്ച്​ സ​ത്യം വി​ളി​ച്ചു​പ​റ​ഞ്ഞ ഡോ​ക്ട​റാ​ണ്​ ഇ​പ്പോ​ൾ ‘സൂ​പ്പ​ർ’ സ്റ്റാ​ർ. കൂ​സ​ലി​ല്ലാ​ത്ത ശൈ​ലി​യും ക​ല​ർ​പ്പി​ല്ലാ​ത്ത നി​ല​പാ​ടു​മാ​ണ്​ ഡോ. ​ഹാ​രി​സ്​ ചി​റ​ക്ക​ലി​നെ ഡോ​ക്​​ടേ​ഴ്​​സ്​ ദി​ന​ത്തി​ൽ വ്യ​ത്യ​സ്​​ത​നാ​ക്കു​ന്ന​തെ​ങ്കി​ൽ ആ ​ഉ​റ​ച്ച വാ​ക്കു​ക​ളി​ൽ മു​ഴ​ങ്ങു​ന്ന​ത്​ രോ​ഗി​ക​ളു​ടെ നി​സ്സ​ഹാ​യാ​വ​സ്ഥ​ക്കു​ മു​ന്നി​ൽ ക​ണ്ണ​ട​ച്ച​വ​രോ​ടു​ള്ള അ​മ​ർ​ഷ​മാ​ണ്.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലെ യൂ​റോ​ള​ജി വി​ഭാ​ഗം മേ​ധാ​വി​യാ​യ ഡോ. ​ഹാ​രി​സ്, ഉ​പ​ക​ര​ണ​ങ്ങ​ളി​ല്ലാ​ത്ത​തി​നാ​ൽ പാ​വ​പ്പെ​ട്ട രോ​ഗി​ക​ളു​ടേ​ത​ട​ക്കം ശ​സ്ത്ര​ക്രി​യ​ക​ൾ പ്ര​തി​സ​ന്ധി​യി​ലാ​യ​ത്​ സ​മൂ​ഹ​ത്തോ​ട്​ തു​റ​ന്നു​പ​റ​ഞ്ഞ​ത്​ വ​ലി​യ വാ​ർ​ത്ത​യാ​യി.

വ​രാ​നി​രി​ക്കു​ന്ന പ്ര​ത്യാ​ഘാ​ത​ങ്ങ​ളോ ക​ട​ന്നാ​ക്ര​മ​ണ​ങ്ങ​ളോ കൂ​സാ​തെ​യാ​യി​രു​ന്നു വെ​ളി​പ്പെ​ടു​ത്ത​ലു​ക​ൾ. ആ​ദ്യം ഒ​റ്റ​പ്പെ​ടു​ത്തി നേ​രി​ടാ​നാ​യി​രു​ന്നു അ​ധി​കാ​രി​ക​ളു​ടെ നീ​ക്കം. ചാ​ഞ്ച​ല്യ​ത്തി​ന്‍റെ ലാ​ഞ്​ഛ​ന​യി​ല്ലാ​ത്ത നി​ല​പാ​ടി​നോ​ട്​ നാ​ടൊ​ന്നാ​കെ ഐ​ക്യ​പ്പെ​ട്ട​തോ​ടെ, അ​ധി​കൃ​ത​ർ ചു​വ​ടു​മാ​റ്റി, ഹാ​രി​സ്​ സ​ത്യ​സ​ന്ധ​നും ക​ഠി​നാ​ധ്വാ​നി​യു​മാ​ണെ​ന്ന്​ ആ​രോ​ഗ്യ​മ​​ന്ത്രി​ക്കു​വ​രെ പ​റ​യേ​ണ്ടി​വ​ന്നു.

നി​സ്സ​ഹാ​യ​ത​യാ​ണ്​ മ​​ന്ത്രി​യു​ടെ വാ​ക്കു​ക​ളെ​ങ്കി​ലും സം​ഗ​തി വ​സ്തു​ത​യാ​ണ്. പ​ല​പ്പോ​ഴും ഉ​ച്ച​നേ​ര​ത്തെ ഭ​ക്ഷ​ണം ക​ഴി​ക്കു​ന്ന​ത്​ വൈ​കീ​ട്ട്​ ആ​റി​നാ​ണ്. വി​വാ​ദം ക​ത്തി​നി​ൽ​ക്കു​ന്ന ഞാ​യ​റാ​ഴ്ച​യും ബൈ​ക്കി​ൽ രോ​ഗി​ക​ളെ കാ​ണാ​ൻ മെ​ഡി​ക്ക​ൽ കോ​ള​ജി​ലേ​ക്ക്​ മാ​ധ്യ​മ​കാ​മ​റ​ക​ൾ വ​ക​ഞ്ഞു​മാ​റ്റി അ​ദ്ദേ​ഹ​മി​റ​ങ്ങു​ന്ന​തും കേ​ര​ളം ക​ണ്ടു.

ജോ​ലി​ക്ക്​ ക​യ​റി​യ അ​ന്നു​മു​ത​ലു​ള്ള അ​വ​ധി​ക​ൾ അ​ക്കൗ​ണ്ടി​ലു​ണ്ട്. എ​ടു​ക്കാ​നു​ള്ള അ​വ​സ​ര​ങ്ങ​ളും നി​ര​വ​ധി. പ​ക്ഷേ, മു​ന്നി​ലെ​ത്തു​ന്ന രോ​ഗി​ക​ളു​ടെ കാ​ര്യ​മോ​ർ​ക്കു​മ്പോ​ൾ അ​തെ​ല്ലാം മാ​റ്റി​വെ​ക്കു​മെ​ന്നാ​ണ്​ ​ഡോ. ​ഹാ​രി​സ്​ പ​റ​യു​ന്ന​ത്.

ഒ​പ്പം ​സ​ർ​ക്കാ​ർ സ​ർ​വി​സി​ൽ ക​യ​റി​യ​വ​​രെ​ല്ലാം ജോ​ലി ഉ​പേ​ക്ഷി​ച്ച്​ സ്വ​കാ​ര്യ മേ​ഖ​ല​യി​ലേ​ക്ക്​ പ​റ​ന്ന്​ കോ​ടീ​ശ്വ​ര​ന്മാ​രാ​യ​പ്പോ​ൾ പ​രി​മി​തി​ക​ൾ​ക്ക്​ ന​ടു​വി​ൽ പാ​വ​ങ്ങ​ൾ​ക്കു​വേ​ണ്ടി ജീ​വി​തം മാ​റ്റി​വെ​ക്കു​ക​യാ​യി​രു​ന്നു അ​ദ്ദേ​ഹം. സ​ർ​ക്കാ​ർ സം​വി​ധാ​ന​ങ്ങ​ളു​ടെ ബാ​ലാ​രി​ഷ്ട​ത​ക​ൾ കാ​ര​ണം സാ​ധാ​ര​ണ​ക്കാ​ര​ന്​ അ​ർ​ഹ​ത​പ്പെ​ട്ട അ​വ​കാ​ശ​ങ്ങ​ൾ പോ​ലും ഹ​നി​ക്ക​പ്പെ​ടു​ന്നെ​ന്നാ​ണ്​ ഡോ​ക്ട​റു​ടെ വെ​ളി​പ്പെ​ടു​ത്ത​ലി​ലൂ​ടെ പു​റ​ത്തു​വ​ന്ന​ത്.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ വി​ദ്യാ​ർ​ഥി​യോ ഡോ​ക്ട​റോ ആ​യ​ല്ല, വൃ​ക്ക​രോ​ഗി​യാ​യാ​ണെ​ത്തി​യ​ത്. ഒ​ന്ന​ര​മാ​സ​​ത്തോ​ളം മ​രു​ന്നു​മ​ണ​ക്കു​ന്ന വാ​ർ​ഡി​ൽ ക​ഴി​ഞ്ഞു​കൂ​ടി​യ​തി​ന്‍റെ പ​ച്ച​യാ​യ ഓ​ർ​മ​ക​ൾ ഹാ​രി​സി​ന്‍റെ മ​ന​സ്സി​ലു​ണ്ട്. പി​ന്നീ​ടാ​ണ്​ പ്രീ​ഡി​ഗ്രി എ​ഴു​തി​യെ​ടു​ത്ത​ത്. താ​ൻ രോ​ഗി​യാ​യി എ​ത്തി​യ അ​തേ പ്രാ​യ​ത്തി​ലു​ള്ള വി​ദ്യാ​ർ​ഥി​യു​ടെ ശ​സ്ത്ര​ക്രി​യ മു​ട​ങ്ങി​യ​ത്​ വേ​ദ​ന​യാ​യ​തും അ​ത്​ രോ​ഷ​ത്തി​ന്​ വ​ഴി​മാ​റി​യ​തും തു​റ​ന്നു​പ​റ​ച്ചി​ലി​ൽ ക​ലാ​ശി​ച്ച​തും യാ​ദൃ​ച്ഛി​കം.

സ​ർ​ക്കാ​റി​ന്‍റെ സം​വി​ധാ​ന​ങ്ങ​ൾ പ്ര​യോ​ജ​ന​പ്പെ​ടു​ത്തി തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ​നി​ന്ന്​ മെ​ഡി​ക്ക​ൽ ബി​രു​ദ​വും ബി​രു​ദാ​ന​ന്ത​ര ബി​രു​ദ​വും നേ​ടി സ​ർ​ക്കാ​ർ സ​ർ​വി​സി​ൽ സേ​വ​ന​ത്തി​നാ​യി ക​യ​റി​യ​പ്പോ​ൾ ഒ​റ്റ തീ​രു​മാ​ന​മേ​യു​ണ്ടാ​യി​രു​ന്നു​ള്ളൂ, സ​ർ​ക്കാ​റി​ന്‍റെ നി​കു​തി​പ്പ​ണം വാ​ങ്ങു​ന്നെ​ങ്കി​ൽ അ​തി​ന്​ സ​ത്യ​സ​ന്ധ​മാ​യി സ​ർ​ക്കാ​ർ സേ​വ​നം ചെ​യ്യ​ണ​മെ​ന്നു​മാ​​ത്രം.