സ്റ്റെ​ന്‍റ്, കോ​യി​ൽ വി​ത​ര​ണം നി​ർ​ത്തി; ഇ​ന്റ​ർ​വെ​ൻ​ഷ​ൻ റേ​ഡി​യോ​ള​ജി ചി​കി​ത്സ മു​ട​ങ്ങി

കോ​ഴി​ക്കോ​ട്: സ്റ്റെ​ന്‍റ്, കോ​യി​ൽ തു​ട​ങ്ങി​യ സാ​ധ​ന​ങ്ങ​ളു​ടെ വി​ത​ര​ണം ‍ഏ​ജ​ൻ​സി​ക​ൾ നി​ർ​ത്തി​യ​തോ​ടെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ഇ​ന്റ​ർ​വെ​ൻ​ഷ​ൻ റേ​ഡി​യോ​ള​ജി യൂ​നി​റ്റി​ൽ വി​വി​ധ ചി​കി​ത്സ​ക​ൾ മു​ട​ങ്ങി. സ്റ്റെ​ന്‍റ്, കോ​യി​ൽ വി​ത​ര​ണ​ക്കാ​ർ​ക്ക് 11 മാ​സ​ത്തെ കു​ടി​ശ്ശി​ക​യാ​യി ആ​റു​കോ​ടി രൂ​പ​യാ​ണ് ആ​ശു​പ​ത്രി​യി​ൽ​നി​ന്ന് ല​ഭി​ക്കാ​നു​ള്ള​ത്. ഇ​തോ​ടെ ഏ​ജ​ൻ​സി​ക​ൾ വി​ത​ര​ണം നി​ർ​ത്തി​വെ​ക്കു​ക​യാ​യി​രു​ന്നു. ഇ​വ ല​ഭി​ക്കാ​താ​യ​തോ​ടെ ചി​കി​ത്സ കാ​ത്തു​കി​ട​ക്കു​ന്ന രോ​ഗി​ക​ളെ ഡി​സ്ചാ​ർ​ജ് ചെ​യ്ത​താ​യി കൂ​ട്ടി​രി​പ്പു​കാ​ർ അ​റി​യി​ച്ചു.

അ​യോ​ർ​ട്ടി​ക് അ​ന്യൂ​റി​സ​ത്തി​നു​ള്ള എ​ൻ​ഡോ​വാ​സ്കു​ലാ​ർ ചി​കി​ത്സ, പെ​രി​ഫ​റ​ൽ വാ​സ്കു​ലാ​ർ ഇ​ന്റ​ർ​വെ​ൻ​ഷ​ൻ, ത​ല​ച്ചോ​റി​ലെ ര​ക്ത​സ്രാ​വ​ത്തി​നു​ള്ള അ​നൂ​റി​സം കോ​യി​ലി​ങ്, ഡ​യാ​ലി​സി​സി​നാ​യി സ്ഥാ​പി​ച്ച ഫി​സ്റ്റു​ല​യി​ലെ ത​ട​സ്സം നീ​ക്കാ​നു​ള്ള നൂ​ത​ന ചി​കി​ത്സ തു​ട​ങ്ങി​യ​വ​യാ​ണ് മു​ട​ങ്ങി​യ​ത്. സ്വ​കാ​ര്യ ആ​ശു​പ​ത്രി​ക​ളി​ൽ അ​ഞ്ചും ആ​റും ല​ക്ഷം രൂ​പ ചെ​ല​വു വ​രു​ന്ന ചി​കി​ത്സ​ക​ളാ​ണ് മു​ട​ങ്ങി​യ​ത്. ത​ല​ച്ചോ​റി​ലേ​ക്കു​ള്ള ര​ക്ത​ക്കു​ഴ​ലു​ക​ളി​ൽ കു​മി​ള​ക​ൾ വ​ന്ന് ര​ക്ത​സ്രാ​വ​മു​ണ്ടാ​യി ഗു​രു​ത​രാ​വ​സ്ഥ​യി​ലെ​ത്തു​ന്ന രോ​ഗി​ക​ൾ​ക്കാ​ണ് അ​നൂ​റി​സം കോ​യ​ലി​ങ് ചി​കി​ത്സ ന​ട​ത്തു​ന്ന​ത്. നേ​ര​ത്തെ ത​ല​യോ​ട്ടി തു​റ​ന്നു​ള്ള സ​ങ്കീ​ർ​ണ​മാ​യ ശ​സ്ത്ര​ക്രി​യ​ക​ൾ മാ​ത്ര​മാ​ണ് ഇ​തി​നാ​യി ന​ട​ത്തി​യി​രു​ന്ന​ത്. എ​ന്നാ​ൽ, അ​നൂ​റി​സം കോ​യി​ലി​ങ് ചി​കി​ത്സ ന​ട​ത്തു​ന്ന​തി​ലൂ​ടെ മ​റ്റു സ​ങ്കീ​ർ​ണ​ത​ക​ൾ ഒ​ഴി​വാ​ക്കാ​നും വേ​ഗ​ത്തി​ൽ രോ​ഗ​മു​ക്തി നേ​ടാ​നും ക​ഴി​ഞ്ഞി​രു​ന്നു. ദി​നം​പ്ര​തി മൂ​ന്നും നാ​ലും എ​ൻ​ഡോ​വാ​സ്കു​ലാ​ർ ശ​സ്ത്ര​ക്രി​യ​ക​ൾ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ന​ട​ന്നി​രു​ന്നു.

ഹൃ​ദ​യ​ത്തി​ൽ​നി​ന്ന് ര​ക്തം പ​മ്പ് ചെ​യ്യു​ന്ന അ​യോ​ർ​ട്ട ധ​മ​നി ശ​ക്തി കു​റ​ഞ്ഞ് വീ​ർ​ത്തു​വ​രു​ന്ന അ​യോ​ർ​ട്ടി​ക് അ​ന്യൂ​റി​സ​ത്തി​ന് ശ​സ്ത്ര​ക്രി​യ കൂ​ടാ​തെ കാ​ലി​ലെ ര​ക്ത​ധ​മ​നി വ​ഴി സ്റ്റെ​ന്റ് ക​ട​ത്തി​വി​ട്ടാ​ണ് എ​ൻ​ഡോ​വാ​സ്കു​ലാ​ർ അ​യോ​ർ​ട്ടി​ക് റി​പ്പ​യ​ർ ന​ട​ത്തി​യി​രു​ന്ന​ത്. കാ​സ്പ്, മെ​ഡി​സെ​പ് തു​ട​ങ്ങി​യ​വ ഉ​ള്ള​വ​ർ​ക്ക് ഇ​ൻ​ഷു​റ​ൻ​സ് ആ​നു​കൂ​ല്യം ല​ഭി​ച്ചി​രു​ന്നു. ഇ​ത് പാ​വ​പ്പെ​ട്ട രോ​ഗി​ക​ൾ​ക്ക് ഏ​റെ ആ​ശ്വാ​സ​ക​ര​മാ​യി​രു​ന്നു.

സം​സ്ഥാ​ന​ത്ത് ഗ​വ. മെ​ഡി​ക്ക​ൽ കോ​ള​ജി​ൽ കോ​ഴി​ക്കോ​ട്, കോ​ട്ട​യം എ​ന്നി​വി​ട​ങ്ങ​ളി​ലാ​ണ് ഇ​ത്ത​രം ചി​കി​ത്സ​ക​ൾ ന​ട​ത്തി​യി​രു​ന്ന​ത്. അ​തി​നാ​ൽ​ത​ന്നെ മ​ല​ബാ​റി​ലെ വി​വി​ധ ജി​ല്ല​ക​ളി​ൽ നി​ന്നു​ള്ള രോ​ഗി​ക​ളാ​ണ് ഇ​വി​ടെ ചി​കി​ത്സ തേ​ടി​യി​രു​ന്ന​ത്. കു​ടി​ശ്ശി​ക ല​ഭി​ച്ച ശേ​ഷം മാ​ത്ര​മേ ഇ​നി സാ​ധ​ന​ങ്ങ​ൾ ന​ൽ​കാ​ൻ സാ​ധി​ക്കൂ​വെ​ന്ന നി​ല​പാ​ടി​ലാ​ണ് വി​ത​ര​ണ​ക്കാ​ർ.