സംസ്ഥാനത്ത്​ ഡെങ്കിപ്പനി കൂടുന്നു, മൂന്നുവർഷത്തെ ഉയർന്ന വ്യാപനം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ഡെ​ങ്കി​പ്പ​നി കേ​സു​ക​ൾ പ​രി​ധി​വി​ട്ട്​ കൂ​ടു​ന്നെ​ന്ന്​ ക​ണ​ക്കു​ക​ൾ. സ​ർ​ക്കാ​ർ ആ​ശു​പ​ത്രി​ക​ളി​ൽ ഇ​ക്കൊ​ല്ലം ന​വം​ബ​ർ എ​ട്ടു​വ​രെ 3652 പേ​രി​ൽ രോ​ഗം സ്ഥി​രീ​ക​രി​ച്ചു. 2020ൽ 2722​ഉം 2021ൽ 3251​ഉം കേ​സ്​ റി​പ്പോ​ർ​ട്ട്​ ചെ​യ്ത സാ​ഹ​ച​ര്യ​ത്തി​ലാ​ണി​ത്. ഡെ​ങ്കി​പ്പ​നി​മൂ​ലം ഈ​വ​ർ​ഷം 22 മ​ര​ണം റി​പ്പോ​ർ​ട്ട്​ ചെ​യ്​​തു.

ഇ​ത​നു​സ​രി​ച്ച്​ രാ​ജ്യ​ത്ത് ഏ​റ്റ​വും കൂ​ടു​ത​ല്‍ ഡെ​ങ്കി​പ്പ​നി മ​ര​ണം റി​പ്പോ​ര്‍ട്ട് ചെ​യ്ത​ത്​ കേ​ര​ള​ത്തി​ലാ​ണ്.​ ന​വം​ബ​ർ ആ​ദ്യ​വാ​രം മാ​ത്രം 131 ഡെ​ങ്കി കേ​സു​ക​ൾ സ്ഥി​രീ​ക​രി​ച്ചു. കേ​സു​ക​ൾ ഉ​യ​രു​മ്പോ​ഴും നി​ർ​ദേ​ശ​ങ്ങ​​ളും അ​വ​ലോ​ക​ന​ങ്ങ​ളു​മ​ല്ലാ​തെ താ​​ഴേ​ത്ത​ട്ടി​ൽ കാ​ര്യ​മാ​യ ഇ​ട​പെ​ട​ൽ ഉ​ണ്ടാ​കു​ന്നി​ല്ല.

എ​റ​ണാ​കു​ളം, തി​രു​വ​ന​ന്ത​പു​രം ജി​ല്ല​യി​ലാ​ണ്​ കേ​സു​ക​ൾ കൂ​ടു​ത​ൽ. ഇ​വി​ട​ങ്ങ​ളെ പ്ര​ത്യേ​ക പ​രി​ഗ​ണ​ന​യോ​ടെ ശ്ര​ദ്ധി​ക്കാ​നാ​ണ്​ ആ​രോ​ഗ്യ​വ​കു​പ്പി​​ന്‍റെ തീ​രു​മാ​നം. ന​വം​ബ​ർ ആ​ദ്യ​ത്തെ ക​ണ​ക്കു​പ്ര​കാ​രം കൊ​ല്ല​ത്തും നേ​രി​യ വ​ർ​ധ​ന​യു​ണ്ട്. തി​രു​വ​ന​ന്ത​പു​ര​ത്ത്​ രോ​ഗ​വ്യാ​പ​നം കൂ​ടു​ത​ലു​ള്ള ഹോ​ട്​​സ്​​പോ​ട്ടു​ക​ൾ മാ​റ്റ​മി​ല്ലാ​തെ തു​ട​രു​ക​യാ​ണ്.

സം​സ്ഥാ​ന​ത്തെ മൊ​ത്തം കേ​സു​ക​ളി​ൽ 60 ശ​ത​മാ​ന​വും ത​ല​സ്ഥാ​ന ജി​ല്ല​യി​ലാ​ണ്. സി​റ്റി​യി​ലും ന​ഗ​ര​പ്രാ​ന്ത​ങ്ങ​ളി​ലു​മാ​ണ്​ കേ​സെ​ണ്ണം കൂ​ടു​ത​ൽ. ഡെ​ങ്കി വ്യാ​പ​ന പ​ശ്ചാ​ത്ത​ല​ത്തി​ൽ മ​ന്ത്രി വീ​ണ ജോ​ർ​ജ്​​ അ​വ​ലോ​ക​ന യോ​ഗം വി​ളി​ച്ചി​രു​ന്നു. ത​ദ്ദേ​ശ വ​കു​പ്പു​മാ​യി ചേ​ർ​ന്ന്​ പ്ര​തി​രോ​ധ പ്ര​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കാ​നാ​ണ്​ നി​ർ​ദേ​ശം. ഫീ​ൽ​ഡ്​​ത​ല പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്താ​നും കൊ​തു​ക്​ നി​യ​ന്ത്ര​ണ​ത്തി​ന്​ സ​ന്ന​ദ്ധ സം​ഘ​ട​ന​ക​ളു​ടെ​യും റ​സി​ഡ​ന്‍റ്​​സ്​ അ​സോ​സി​യേ​ഷ​നു​ക​ളു​ടെ​യും സ​ഹ​ക​ര​ണം ഉ​റ​പ്പാ​ക്കാ​നും ആ​വ​ശ്യ​പ്പെ​ട്ടി​രു​ന്നു.