കോവിഡ്: 'വിരാഫിൻ' അടിയന്തര ഉപയോഗത്തിന് അനുമതി

ന്യൂഡൽഹി: കോവിഡ് ചികിത്സക്ക് വിരാഫിൻ മരുന്ന് ഉപയോഗിക്കാൻ ഡി.സി.ജി.ഐ അനുമതി നൽകി. വിരാഫിൻ മരുന്നിെൻറ അടിയന്തര ഉപയോഗത്തിന് നിബന്ധനകളോടെയാണ് ഡ്രഗ് കൺട്രോളർ ജനറൽ ഓഫ് ഇന്ത്യ അനുമതി നൽകിയിരിക്കുന്നത്.

ഹൈദരാബാദിലെ സൈഡസ് കാഡില എന്ന കമ്പനിയാണ് ആൻറി വൈറൽ മരുന്നായ വിരാഫിൻ വികസിപ്പിച്ചത്. 91.15 ശതമാനം രോഗികൾക്കും ഏഴ് ദിവസം കൊണ്ട് രോഗം ഭേദമായെന്ന് നിർമാതാക്കളായ സൈഡസ് കാഡില അവകാശപ്പെടുന്നു.

അതേസമയം, രാജ്യത്ത് കോവിഡ് രോഗികളുടെ എണ്ണം കുതിച്ചുയരുന്നതിനിടെ കോവിഡ് വാക്സിൻ നിർമാതാക്കളുമായി ചർച്ച നടത്താനിരിക്കുകയാണ് പ്രധാനമന്ത്രി നരേന്ദ്ര മോദി. കൂടുതൽ വിഭാഗക്കാർക്ക് വാക്സിൻ നൽകുന്നതോടെ കോവിഡിനെതിരായ പോരാട്ടം ശക്തിപ്പെടുത്താനാകുമെന്നാണ് കേന്ദ്ര സർക്കാറിെൻറ പ്രതീക്ഷ.