കുട്ടികളിൽ കോവിഡ്​ ഗുരുതരമാകില്ലെന്ന്​ പഠനം

ലണ്ടൻ: കോവിഡ്​ ബാധ ക​ുട്ടികളെയും കൗമാരക്കാരെയും മരണത്തിലേക്കോ ഗുരുതരാവസ്​ഥയിലേക്കോ തള്ളിവിടില്ലെന്ന്​ പഠനറിപ്പോർട്ട്​. 18 വയസ്സിൽ താഴെയുള്ളവരിൽ നടത്തിയ പഠനത്തി​‍െൻറ അടിസ്​ഥാനത്തിലാണ്​ വിലയിരുത്തൽ. എന്നാൽ, ഗുരുതരമായ രോഗം ബാധിച്ചവർ ജാഗ്രത കൈവിടരുതെന്നും പഠനറിപ്പോർട്ട്​ പറയുന്നു.

യൂനിവേഴ്​സിറ്റി കോളജ്​ ഓഫ്​ ലണ്ടൻ, യൂനിവേഴ്​സിറ്റി ഓഫ്​ ബ്രിസ്​റ്റൾ, യൂനിവേഴ്​സിറ്റി ഓഫ്​ യോർക്​, യൂനിവേഴ്​സിറ്റി ഓഫ്​ ലിവർപൂൾ എന്നീ സർവകലാശാലകളാണ്​ 18 വയസ്സിൽ താഴെയുള്ളവരിൽ പഠനം നടത്തിയത്​. വൈറസ്​ ബാധയുണ്ടായാൽതന്നെ 47,903ൽ ഒരാൾക്ക്​ മാത്രം ഗുരുതരമാകാൻ സാധ്യതയെന്നാണ്​ ഒരു പഠനത്തിലെ കണ്ടെത്തൽ. ഐ.സി.യുവിൽ പ്രവേശിപ്പിക്കപ്പെട്ട 251 പേരിൽ പഠനം നടത്തിയാണ്​ ഈ ഫലത്തിലെത്തിയത്​.

ഈ വർഷം ഫെബ്രുവരി വരെയുള്ള പഠന ഫലമാണത്​. 309 പേര​ുടെ ആരോഗ്യവിവരങ്ങൾ ഉപയോഗിച്ചുള്ള മറ്റൊരു പഠനത്തിൽ 38,911ൽ ഒരാൾക്ക്​ മാത്രമേ ഗുരുതരമാകാൻ സാധ്യതയുള്ളു എന്നാണ്​ വിശദീകരണം.

കോവിഡ്​ ബാധിച്ച്​ മരിച്ച കൗമാരക്കാരും കുട്ടികളുമടങ്ങുന്ന 25 പേരിലെ പരീക്ഷണത്തിൽപോലും 4.81 ലക്ഷം പേരിൽ ഒരാൾക്ക്​ മാത്രമേ രോഗം മൂർഛിക്കാൻ സാധ്യതയുള്ളു. അതായത്​, പത്തുലക്ഷം പേരിൽ രണ്ടുപേർക്ക്​ മാത്രം ഗുരുതരമാകാൻ സാധ്യത. കൗമാരക്കാർക്കും കുട്ടികൾക്കും അതിവേഗം വാക്​സിൻ നൽകി അവരെ സുരക്ഷിതരാക്കണമെന്നാണ്​ പഠനം മുന്നോട്ടുവെക്കുന്ന പ്രായോഗിക കാര്യ​െമന്ന്​​ റിപ്പോർട്ട്​ തയാറാക്കിയവരിൽ ഒരാളായ പ്രഫ. റസ്സൽ വൈനർ പ​റഞ്ഞു.