Begin typing your search above and press return to search.
exit_to_app
exit_to_app
Homechevron_rightHealth & Fitnesschevron_rightHealth Newschevron_rightകോവിഡ്​: മണവും രുചിയും ...

കോവിഡ്​: മണവും രുചിയും തിരിച്ചുകിട്ടാൻ എളുപ്പമാർഗവുമായി ഇ.എൻ.ടി സർജന്മാർ

text_fields
bookmark_border
smell
cancel

കോഴിക്കോട്: കോവിഡ് കാരണം നഷ്ട​മായ മണവും രുചിയും തിരിച്ചു കിട്ടാന്‍ ലളിതമായ ചികിത്സാ രീതിയുമായി ഇ.എൻ.ടി സര്‍ജന്മാര്‍. നാരങ്ങ, റോസ്, കറയാമ്പു, യൂക്കാലിപ്റ്റസ് എന്നിവ മണക്കുകയാണ് ചികിത്സാ രീതി. ഈ ചികിത്സ ഏറെ ഫലപ്രദമാണെന്ന് ഇ.എൻ.ടി സര്‍ജന്മാരുടെ വാര്‍ഷിക സമ്മേളനമായ 'കെൻറ്​ കോണ്‍ -2021' വിലയിരുത്തി.

കോവിഡ് ചികിത്സാ കാലയളവിലും കോവിഡ് നെഗറ്റീവായ ശേഷവും ദിവസേന രണ്ടുനേരം ഇരുപത് സെക്കൻഡ്​ വീതം റോസ്, നാരങ്ങ, കറയാമ്പൂ, യൂക്കാലിപ്റ്റസ് എന്നിവ മണക്കണമെന്ന് ഡോക്ടർമാർ വ്യക്തമാക്കി.

ശ്വസന സംവിധാനത്തെ പ്രതികൂലമായി ബാധിക്കുന്ന തരത്തിൽ കോവിഡ് നിലനില്‍ക്കുന്ന സാഹചര്യത്തില്‍ ചികിത്സാ രംഗത്ത് ഇ.എന്‍.ടി സര്‍ജന്മാര്‍ സ്വീകരിക്കേണ്ട നടപടികളെ കേന്ദ്രീകരിച്ചായിരുന്നു കടവ് റിസോര്‍ട്ടില്‍ രണ്ടു ദിവസമായി നടന്ന 'കെൻറ്​ കോണ്‍ 2021'ലെ പ്രധാന ചര്‍ച്ച. രാജ്യത്തിനകത്തും പുറത്തുമുള്ള അഞ്ഞൂറിലേറെ ഓട്ടോലാറിങ്ങ്‌ഗോളജിസ്റ്റുകള്‍ പങ്കെടുത്ത സമ്മേളനം നൂറിലേറെ ശാസ്ത്രീയ ചികിത്സാ രീതികളുടെ അവതരണങ്ങള്‍ക്കും ചര്‍ച്ചകള്‍ക്കും സാക്ഷ്യം വഹിച്ചു .



(ഡോ. സി. പ്രഭാകരന്‍, ഡോ. പി. ഷാജിദ്, ഡോ. മന്‍സൂർ കുരിക്കള്‍)

ഓട്ടോലാറിങ്ങ്‌ഗോളജിസ്റ്റ് അസോസിയേഷന്‍ ഓഫ് ഇന്ത്യ കേരള ഘടകത്തി​ന്‍റെ പുതിയ ഭാരവാഹികളായി ഡോ. സി. പ്രഭാകരന്‍ (പ്രസി.), ഡോ. പി. ഷാജിദ് (സെക്ര.), ഡോ. മന്‍സൂർ കുരിക്കള്‍ (ട്രഷ.) എന്നിവരെ തിരഞ്ഞെടുത്തു.

Show Full Article
TAGS:covid 19 smell loss ENT 
News Summary - covid ENT surgeons with an easy way to regain smell and taste
Next Story