വാക്​സിൻ ഇടവേള 84 ദിവസമാക്കിയത്​ മികച്ച ​പ്രതിരോധത്തിനെന്ന്​ കേ​ന്ദ്രസർക്കാർ

കൊച്ചി: കോവിഷീൽഡ്​ വാക്​സിൻ ഡോസുകൾ തമ്മിൽ 84 ദിവസത്തെ ഇടവേള നിശ്ചയിച്ചത്​ മികച്ച ​പ്രതിരോധ സംരക്ഷണം ഉറപ്പുവരുത്താനെന്ന്​ കേന്ദ്രസർക്കാർ ഹൈകോടതിയിൽ. ശാസ്​ത്രീയപഠനത്തി​െൻറ അടിസ്ഥാനത്തിലും വിദഗ്​ധാഭിപ്രായം പരിഗണിച്ചുമാണ്​​ രണ്ടാം ഡോസ്​ 84 ദിവസം കഴിഞ്ഞുമതിയെന്ന്​ തീരുമാനമെടുത്തത്​.

ആദ്യ ഡോസെടുത്ത 12,000ത്തോളം തൊഴിലാളികൾക്ക് 45 ദിവസത്തിനുശേഷം രണ്ടാം ഡോസ്​ നൽകാൻ അനുമതി തേടി കിറ്റെക്​സ്​ കമ്പനി നൽകിയ ഹരജിയിലാണ്​ കേന്ദ്ര സർക്കാർ വിശദീകരണപത്രിക നൽകിയത്​. രണ്ടാം ഡോസ് വാക്സിനെടുക്കാൻ അനുമതി തേടി കമ്പനി ഹരജി നൽകിയതല്ലാതെ തൊഴിലാളികളാരും ഈ ആവശ്യം ഉന്നയിച്ചിട്ടില്ലെന്നും കേന്ദ്രത്തി​െൻറ വിശദീകരണത്തിൽ പറയുന്നു.

വെള്ളിയാഴ്​ച വിധി പറയാൻ വെച്ചിരുന്നെങ്കിലും കേന്ദ്ര വിശദീകരണത്തെത്തുടർന്ന്​ ജസ്​റ്റിസ്​ പി.ബി. സുരേഷ്​കുമാർ കേസിൽ വാദം തുടരുകയും വീണ്ടും വിധി പറയാൻ മാറ്റുകയും ചെയ്​തു.

84 ദിവസത്തിനുമുമ്പ് രണ്ടാം ഡോസ് എടുക്കുന്നത് ഫലപ്രാപ്തിയെ കാര്യമായി ബാധിക്കില്ലെന്ന്​ ഹരജിക്കാർ വാദിച്ചു. വിദേശത്തേക്ക് പോകുന്നവർക്ക് 84 ദിവസം ഇടവേള വ്യവസ്ഥയിൽ ഇളവനുവദിക്കുന്ന സർക്കാർ ഉത്തരവും ഹാജരാക്കി. എന്നാൽ, അടിയന്തര സാഹചര്യങ്ങളിലാണ് ഇത്​ അനുവദിക്കുന്നതെന്ന്​ കേന്ദ്രസർക്കാർ വിശദീകരിച്ചു.