കുഷ്ഠരോഗത്തെ തുടച്ചുനീക്കാൻ അശ്വമേധം 6.0

കൊ​ച്ചി: ജി​ല്ല​യി​ലു​ൾ​പ്പെ​ടെ സം​സ്ഥാ​ന​ത്ത് കു​ഷ്ഠ​രോ​ഗി​ക​ൾ ഇ​പ്പോ​ഴു​മു​ള്ള സാ​ഹ​ച​ര്യ​ത്തി​ൽ കു​ഷ്ഠ​രോ​ഗ നി​ര്‍മാ​ര്‍ജ​ന​മെ​ന്ന ല​ക്ഷ്യ​വു​മാ​യി ആ​രോ​ഗ്യ വ​കു​പ്പ് അ​ശ്വ​മേ​ധം 6.0 എ​ന്ന പേ​രി​ൽ കാ​മ്പ​യി​ൻ സ​ജീ​വ​മാ​ക്കു​ന്നു. ഇ​തു​മാ​യി ബ​ന്ധ​പ്പെ​ട്ട് ക​ല​ക്ട​ര്‍ എ​ന്‍.​എ​സ്.​കെ. ഉ​മേ​ഷി​ന്റെ അ​ധ്യ​ക്ഷ​ത​യി​ല്‍ അ​വ​ലോ​ക​ന​യോ​ഗം ചേ​ർ​ന്നു. കാ​മ്പ​യി​ൻ ന​ട​ത്തി​പ്പി​ന് ബ​ന്ധ​പ്പെ​ട്ട വ​കു​പ്പു​ക​ളു​ടെ ഏ​കോ​പ​ന​ത്തോ​ടെ​യു​ള്ള പ്ര​വ​ര്‍ത്ത​നം അ​നി​വാ​ര്യ​മെ​ന്ന് യോ​ഗ​ത്തി​ല്‍ വി​ല​യി​രു​ത്തി.

പ​രി​ശോ​ധ​ന 9,81,657 വീ​ടു​ക​ളി​ൽ

ജ​നു​വ​രി 30 മു​ത​ല്‍ ഫെ​ബു​വ​രി 12 വ​രെ 14 ദി​വ​സ​മാ​ണ് അ​ശ്വ​മേ​ധം 6.0 കാ​മ്പ​യി​ന്‍ സം​ഘ​ടി​പ്പി​ക്കു​ന്ന​ത്. കു​ഷ്ഠ​രോ​ഗ​ത്തെ​ക്കു​റി​ച്ചു​ള്ള ബോ​ധ​വ​ത്​​ക​ര​ണം, പ്രാ​ഥ​മി​ക പ​രി​ശോ​ധ​ന, രോ​ഗ​ബാ​ധി​ത​ര്‍ക്ക് വി​ദ​ഗ്ധ പ​രി​ശോ​ധ​ന, ചി​കി​ത്സ എ​ന്നി​വ ല​ഭ്യ​മാ​ക്കു​ക​യാ​ണ് കാ​മ്പ​യി​ന്റെ ല​ക്ഷ്യം. ര​ണ്ടു വ​യ​സ്സി​നു മു​ക​ളി​ലു​ള്ള​വ​രി​ലാ​ണ് പ​രി​ശോ​ധ​ന ന​ട​ത്തു​ക.

ജി​ല്ല​യി​ലെ 9,81,657 വീ​ടു​ക​ളി​ലും ആ​രോ​ഗ്യ വ​കു​പ്പ്​ ജീ​വ​ന​ക്കാ​രു​ടെ നേ​തൃ​ത്വ​ത്തി​ല്‍ പ​രി​ശീ​ല​നം ല​ഭി​ച്ച വ​ള​ന്‍റി​യ​ര്‍മാ​ര്‍ സ​ന്ദ​ര്‍ശി​ക്കും. അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ടെ 381 സ്ഥ​ല​ങ്ങ​ളി​ലും പ​രി​ശോ​ധ​ന സം​ഘ​ടി​പ്പി​ക്കും. ക​ഴി​ഞ്ഞ വ​ർ​ഷ​ത്തെ ക​ണ​ക്ക്​ പ്ര​കാ​രം എ​റ​ണാ​കു​ളം ജി​ല്ല​യി​ൽ കു​ഷ്ഠ​രോ​ഗ​ത്തി​ന് ചി​കി​ത്സ​യി​ലു​ള്ള​ത് 29 പേ​രാ​ണ്. ഇ​തി​ൽ 15 പേ​രും മ​റ്റു സം​സ്ഥാ​ന​ക്കാ​രാ​ണ്. ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​ആ​ശാ​ദേ​വി, ദേ​ശീ​യ ആ​രോ​ഗ്യ​ദൗ​ത്യം ജി​ല്ല പ്രോ​ഗ്രാം മാ​നേ​ജ​ര്‍ ഡോ. ​ശി​വ​പ്ര​സാ​ദ്, അ​ഡി​ഷ​ന​ല്‍ ജി​ല്ല മെ​ഡി​ക്ക​ല്‍ ഓ​ഫി​സ​ര്‍, ഡോ. ​കെ.​ആ​ര്‍. രാ​ജ​ന്‍ വി​വി​ധ വ​കു​പ്പ് മേ​ധാ​വി​ക​ൾ തു​ട​ങ്ങി​യ​വ​ര്‍ പ​ങ്കെ​ടു​ത്തു.

തെ​റ്റി​ദ്ധാ​ര​ണ​ക​ൾ ഒ​ട്ടേ​റെ

കു​ഷ്ഠ​രോ​ഗ​ത്തെ​ക്കു​റി​ച്ച് ന​മു​ക്കി​ട​യി​ൽ തെ​റ്റി​ദ്ധാ​ര​ണ​ക​ൾ ഏ​റെ​യു​ണ്ട്. കു​ഷ്ഠ​രോ​ഗം സ്പ​ർ​ശ​ന​ത്തി​ലൂ​ടെ പ​ക​രും, ‍രോ​ഗി​ക​ളെ അ​ക​റ്റി​നി​ർ​ത്ത​ണം എ​ന്നി​ങ്ങ​നെ​യാ​ണ് പ​ല​രും ധ​രി​ച്ചി​രി​ക്കു​ന്ന​ത്. എ​ന്നാ​ൽ, വാ​യു​വി​ലൂ​ടെ പ​ക​രു​ന്ന രോ​ഗ​മാ​യ​തി​നാ​ൽ തൊ​ടു​ന്ന​തി​ലൂ​ടെ പ​ക​രി​ല്ല. പാ​ര​മ്പ​ര്യ​മാ​യി കൈ​മാ​റ്റം ചെ​യ്യ​പ്പെ​ടു​ന്ന രോ​ഗ​വു​മ​ല്ല. തൊ​ലി​പ്പു​റ​ത്ത് നി​റം മ​ങ്ങി​യ​തും ചു​വ​ന്ന​തു​മാ​യ പാ​ടു​ക​ളി​ല്‍ സ്പ​ര്‍ശ​നം, ചൂ​ട്, ത​ണു​പ്പ്, വേ​ദ​ന എ​ന്നി​വ അ​റി​യാ​തി​രി​ക്ക​ല്‍, പ​രി​ധീ​യ നാ​ഡി​ക​ളി​ല്‍ തൊ​ട്ടാ​ല്‍ വേ​ദ​ന, കൈ​കാ​ല്‍ മ​ര​വി​പ്പ് എ​ന്നി​വ​യാ​ണ് രോ​ഗ​ത്തി​ന്റെ പ്രാ​ഥ​മി​ക ല​ക്ഷ​ണ​ങ്ങ​ള്‍.

ശ​രീ​ര​ത്തി​ലെ ചെ​റി​യ അ​സ്വാ​ഭാ​വി​ക വെ​ള്ള​പ്പാ​ടു​ക​ൾ​പോ​ലും ചി​ല​പ്പോ​ൾ കു​ഷ്ഠ​രോ​ഗ​ത്തി​ലേ​ക്കു ന​യി​ച്ചേ​ക്കാം. എ​ന്നാ​ൽ, നേ​ര​ത്തേ ക​ണ്ടെ​ത്തി ചി​കി​ത്സ തേ​ടി​യാ​ൽ പൂ​ർ​ണ​മാ​യും ഭേ​ദ​മാ​ക്കാ​നു​മാ​വും. രോ​ഗ​ത്തി​ന്‍റെ ഇ​ൻ​കു​ബേ​ഷ​ൻ പി​രീ​ഡ് ര​ണ്ടു​മു​ത​ൽ അ​ഞ്ച്​ വ​ർ​ഷം വ​രെ​യാ​ണ്.

അ​താ​യ​ത്, രോ​ഗ​കാ​രി​യാ​യ മൈ​ക്രോ​ബാ​ക്ടീ​രി​യം ലെ​പ്രേ ശ​രീ​ര​ത്തി​ൽ ക​യ​റി​യാ​ലും പെ​ട്ടെ​ന്നൊ​ന്നും രോ​ഗം തി​രി​ച്ച​റി​ഞ്ഞേ​ക്കി​ല്ല. സ​ര്‍ക്കാ​ര്‍ ആ​ശു​പ​ത്രി​ക​ളി​ല്‍ കു​ഷ്ഠ​രോ​ഗ ചി​കി​ത്സ സൗ​ജ​ന്യ​മാ​ണ്.