105.7 കോടി ​വാക്​സിൻ ഡോസുകൾ ​ നൽകിയെന്ന്​ കേന്ദ്രം

ന്യൂഡൽഹി: കേന്ദ്ര സർക്കാർ സൗജന്യമായി ലഭ്യമാക്കിയതും സംസ്ഥാനങ്ങൾ നേരിട്ട് സംഭരിച്ചതുമുൾപ്പടെ ഇതുവരെ 105.7 കോടിയിലധികം (1,05,78,05,425) വാക്സിൻ ഡോസുകൾ സംസ്ഥാനങ്ങൾക്ക്​ കൈമാറിയതായി കേന്ദ്ര ആരോഗ്യ മന്ത്രാലയം. 12 കോടിയിൽ അധികം (12,02,54,104) കോവിഡ് വാക്സിൻ ഡോസുകൾ സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും പക്കൽ ഇപ്പോഴും ലഭ്യമാണെന്നും മന്ത്രാലയം അറിയിച്ചു.

തിങ്കളാഴ്​ച രാവിലെ ഏഴുവരെയുള്ള 24 മണിക്കൂറിൽ 12,30,720 ഡോസ് വാക്സിനുകൾ മാത്രമാണ്​ വിതരണം ചെയ്​തത്​. രാജ്യത്തിതുവരെ നൽകിയ ആകെ വാക്സിനുകളുടെ എണ്ണം 102.27 കോടി (1,02,27,12,895) പിന്നിട്ടു.

14,306 പേർക്ക്​ പുതുതായി കോവിഡ്​ ബാധിച്ചു​. നിലവിൽ രാജ്യത്തു ചികിത്സയിലുള്ളത് 1,67,695 പേരാണ്. 239 ദിവസത്തെ ഏറ്റവും കുറഞ്ഞ നിരക്കാണിത്​. 18,762 പേർ സുഖം പ്രാപിച്ചു. 443 പേർ മരിച്ചു.