ഒമിക്രോൺ കണ്ടെത്താൻ പുതിയ സാ​ങ്കേതിക വിദ്യയുമായി കൊറിയൻ ഗവേഷകർ

സിയോൾ: കൊറോണ വൈറസിന്‍റെ ഏറ്റവും പുതിയ വകഭേദമായ ഒമിക്രോൺ കണ്ടെത്തുന്നതിനായി മോളിക്യുലാർ ഡയഗനോസ്റ്റിക്​സ്​ ടെക്​നോളജി വികസിപ്പിച്ചെടുത്ത്​ കൊറിയൻ ഗവേഷകർ. ഗവേഷണം പൂർത്തിയാക്കിയെങ്കിലും വാണിജ്യാടിസ്​ഥാനത്തിൽ വിപണിയിലെത്തിക്കാൻ കൂടുതൽ സമയമെടുക്കും. 20-30 മിനിറ്റിനകം ഒമിക്രോൺ വകഭേദം തിരിച്ചറിയാൻ സാധിക്കും. ഡിപ്പാർട്ട്​മെന്‍റ്​ ഓഫ്​ കെമിക്കൽ എൻജിനീയറിങ്ങിലെ പ്രഫ. ലീ ജങ്ങിന്‍റെ നേതൃത്വത്തിലുള്ള ഗവേഷക സംഘമാണ്​ സാ​േങ്കതിക വിദ്യ വികസിപ്പിച്ചത്​.

മോളിക്യുലാർ സാ​േങ്കതിക വിദ്യയിലൂടെ സിംഗിൾ ന്യൂക്ലിയോടൈഡ്​ ​േബസിലെ മ്യൂ​േട്ടഷനുകൾ തിരിച്ചറിയാൻ കഴിയും. അതിനാൽ പി.സി.ആർ പരിശോധന വഴി തിരിച്ചറിയാൻ പ്രയാസമുള്ള ഒമിക്രോൺ വകഭേദം ഇതിലൂടെ കണ്ടെത്താനാകുമെന്ന്​ ​ഗവേഷകർ പറയുന്നു.

നിലവിൽ കോവിഡ്​ സ്​ഥിരീകരിക്കുന്നതിനായി കൊറിയ സെ​േന്‍റർസ്​ ഫോർ ഡിസീസ്​ കൺട്രോൾ ആൻഡ്​ പ്രിവൻഷൻ മൂന്ന്​ രീതികളാണ്​ ഉപയോഗിച്ചുവരുന്നത്​. ജനിതക ശ്രേണീകരണം, ഡി.എൻ.എ അനാലിസിസ്​, പി.സി.ആർ പരിശോധന എന്നിവയാണവ. പി.സി.ആർ പരിശോധനയിലൂടെ ഡെൽറ്റ വകഭേദം കണ്ടെത്താൻ സാധിക്കും. എന്നാൽ ഒമിക്രോൺ തിരിച്ചറിയാൻ സാധ്യമല്ല. എന്നാൽ പുതുതായി കണ്ടെത്തിയ സാ​ങ്കേതികവിദ്യയിലൂടെ ഡി.എൻ.എ/ആർ.എൻ.എ പരിശോധന മാത്രമല്ല, മോളിക്യുലാർ പരിശോധനയും സാധ്യമാക്കും. പുതിയ സാ​ങ്കേതികവിദ്യയിലൂ​െട 30 മിനിറ്റിൽ 125 സാമ്പിളുകൾ പരിശോധിക്കാൻ സാധിക്കുമെന്നും പ്രഫ. ലീ പറയുന്നു.