മസ്​തിഷ്​കത്തി​െൻറ ​പ്രവർത്തനം മരുന്നുകൊണ്ട്​ മെച്ചപ്പെടുത്താനാവില്ലെന്ന്​ വിദഗ്​ധർ

10:36 AM
17/06/2019
HUMAN BRAIN

ലണ്ടൻ: ഒാർമശക്​തിയടക്കം മസ്​തിഷ്​കത്തി​​െൻറ പ്രവർത്തനം മെച്ചപ്പെടുത്താനായി ഇന്ന്​ ഉപയോഗിച്ചുവരുന്ന മരുന്നുകൾ ഒട്ടും ഫലപ്രദമല്ലെന്ന്​ വിദഗ്​ധർ. ആഗോളതലത്തിൽ പ്രവർത്തിക്കുന്ന ‘​േഗ്ലാബൽ കൗൺസിൽ ഒാൺ ബ്രെയിൻ ഹെൽത്ത്​’ എന്ന ഡോക്​ടർമാരുടെയും ശാസ്​ത്രജ്​ഞന്മാരുടെയും സംഘടന നടത്തിയ പഠനത്തിലാണ്​ ഇക്കാര്യം വ്യക്​തമായത്​. 50 വയസ്സ്​ കഴിഞ്ഞാൽ മസ്​തിഷ്​കത്തിന്​ സംഭവിക്കുന്ന പ്രവർത്തനമാന്ദ്യം സ്വാഭാവികമാണെന്നും അതിന്​ ചികിത്സയില്ലെന്നുമാണ്​ പഠനം പറയുന്നത്​. 

ഒാർമക്കുറവ്​, ചിന്താശേഷിയിൽവരുന്ന മാറ്റം, കാര്യങ്ങൾ ഗ്രഹിക്കാനും പുതിയ കാര്യങ്ങൾ പഠിക്കാനുമുള്ള ​കഴിവു​ കുറവ്​ എന്നിങ്ങനെ പ്രായവുമായി ബന്ധപ്പെട്ട്​ മസ്​തിഷ്​കത്തി​​െൻറ പ്രവർത്തനശേഷിക്ക്​ സംഭവിക്കുന്ന മാന്ദ്യത്തി​​െൻറ ചികിത്സക്കായി ചെലവിടുന്ന പണം തികച്ചും പാഴാണെന്നാണ്​ സംഘടനയുടെ ഡയറക്​ടറും ജെറിയാട്രിക്​ സൈക്യാട്രി ഡിവിഷൻ മേധാവിയുമായ ഡോ. ഗ്രേ സ്​മാൾ പറയുന്നത്​. കാലിഫോർണിയയിലെ സ്​റ്റാൻഫോർഡ്​ യൂനിവേഴ്​സിറ്റിയിലെ ന്യൂറോളജി വിഭാഗം പ്രഫസർ ജേക്കബ്​ ഹാളി​​െൻറ നേത​ൃത്വത്തിലാണ്​ ഇതുസംബന്ധിച്ച ഗവേഷണം നടന്നത്​. 

മരുന്നുകൾ കഴിക്കു​േമ്പാൾ അനുഭവപ്പെടുന്ന മാറ്റം വെറും മാനസിക കാരണങ്ങളാലുള്ള തോന്നലാണെന്നും ഭക്ഷണത്തിലൂടെയോ മരുന്നിലൂടെയോ തലച്ചോറി​​െൻറ പ്രവർത്തനം മെച്ചപ്പെടുത്താനാവില്ലെന്നും അദ്ദേഹം പറഞ്ഞു. നിലവിൽ ആഗോള മരുന്നുവിപണിയിൽ ഇത്തരം മരുന്നുകളുടെ വിൽപന കുത്തനെ ഉയർന്നുവരുന്ന സാഹചര്യത്തിലാണ്​ പുതിയ പഠനറിപ്പോർട്ട്​ പുറത്തുവന്നിരിക്കുന്നത്​.

2006 മുതൽ 2016 വരെയുള്ള പത്തു​ വർഷത്തിനിടയിൽ ഒാർമശക്​തി വർധിപ്പിക്കുന്നതിനും മറ്റുമുള്ള മരുന്നുകളുടെ ഉൽ​പാദനവും വിൽപനയും ഇരട്ടിയായിട്ടുണ്ട്​. നിലവിൽ പ്രതിവർഷം 300 കോടി ഡോളറി​​െൻറ വിപണിയാണ്​ ഇൗ മരുന്നുകൾക്ക്​ മാത്രമുള്ളത്​. 2023 ആകു​േമ്പാഴേക്കും ഇത്​ 580 കോടി ഡോളറായി വർധിക്കുമെന്നും കണക്കുകൾ പറയുന്നു. 
 

Loading...
COMMENTS