കുട്ടി എപ്പോഴും ഫോണിലാണോ... ഒാർക്കുക, സ്​ക്രീൻ ടൈം കൂടിയാൽ ചിന്താശേഷി കുറയും

പുതുതലമുറ ജനിച്ചു വീഴുന്ന​ത്​ തന്നെ സ്​മാർട്ട്​ ഫോണിലേക്കാണ് എന്നാണ്​ പറയുന്നത്​​. വളരുന്നത്​ സ്​മാർട്ട് ​ ഫോൺ, ടാബ്​ലെറ്റ്​, മറ്റ്​ ഇൻറനെറ്റ്​ സംവിധാനങ്ങൾ എന്നിവയിലൂടെയും. ഏതു സമയവും കുട്ടികൾക്ക്​ ഫോണും കമ്പ്യൂട ്ടറും വേണം. ചെറിയ കുട്ടികൾ വരെ കരച്ചിലും വാശിയും നിർത്തുന്നത്​ ഫോൺ കൈയിൽ കിട്ടു​േമ്പാഴാണ്​.

കുട്ടികളുടെ വാശി അവസാനിപ്പിക്കാനും ‘ശല്യം’ ഒഴിയാനും രക്ഷിതാക്കൾക്കും എളുപ്പ വഴി ഫോണിൽ ഗെയിം കൊടുക്കുക എന്നതാണ്​. എന്നാ ൽ ഇത്​ അത്ര നല്ല പ്രവണതയല്ലെന്നാണ്​ പഠനങ്ങൾ തെളിയിക്കുന്നത്​.

ഒമ്പത്​, പത്ത്​ വയസുള്ള 11000 കുട്ടികളിൽ നാഷണൽ ​ഇൻസ്​റ്റിറ്റ്യൂട്ട്​ ഒാഫ്​ ഹെൽത്ത്​ നടത്തിയ പഠനത്തിൽ പ്രധാനമായും രണ്ടു കാര്യങ്ങളാണ്​ തെളിഞ്ഞത്​.

• ഒര ു ദിവസം ഏഴുമണിക്കൂറിലേറെ സ്​മാർട്ട്​ ഫോൺ, ടാബ്​ലെറ്റ്​, വിഡിയോ ഗെയിം എന്നിവ ഉപയോഗിക്കുന്ന കുട്ടികൾക്ക്​ എം.ആർ.​െഎ സ്​കാനിങ്ങ്​ എടുത്തപ്പോൾ തലച്ചോറി​ൽ വലിയ വ്യത്യാസങ്ങൾ കണ്ടെത്താൻ കഴിഞ്ഞു.
• ദിവസം രണ്ടു മണിക്കൂറിലേറെ ഇത്തരം ഇലക്​ട്രോണിക്​ സംവിധാനങ്ങൾ ഉപയോഗിക്കുന്ന കുട്ടികൾ ചിന്താശേഷിയിലും ഭാഷാശേഷിയിലും പിറകിലാണെന്നും​ തെളിഞ്ഞു.

കൂടുതൽ സ്​ക്രീൻ ടൈം എടുക്കുന്ന കുട്ടികളുടെ മസ്​തിഷ്​കം സ്​കാനിങ്ങിന്​ വിധേയമാക്കിയപ്പോൾ മസ്​തിഷ്​കാവരണം അകാലത്തിൽ ചുരുങ്ങുന്ന അവസ്​ഥ കണ്ടെത്താനായിട്ടുണ്ട്​. അനുഭവത്തിൽ നിന്ന്​ ലഭിക്കുന്ന വിവരങ്ങൾ കൈകാര്യം ചെയ്യുന്നത്​ മസ്​തിഷ്​കത്തി​​െൻറ ഇൗ ആവരണമാണ്​. കുട്ടികൾക്ക്​ പക്വത വരുന്നത്​ ഇൗ പ്രവർത്തി യഥാവിധി നടക്കുന്നതുകൊണ്ടാണ്​.

മസ്​തിഷ്​ക ആവരണം ചുരുങ്ങുന്ന പ്രശ്​നങ്ങൾ കാണുന്നവർ കൂടുതൽ സമയം സ്​ക്രീനിൽ ചെലവിടുന്നതായും ക​െണ്ടത്താനായിട്ടുണ്ട്​. എന്നാൽ മസ്​തികഷ്​കാവരണം ചുരുങ്ങുന്നത്​ സ്​ക്രീൻ ടൈം കൂട്ടുകയാണോ അതോ സ്​ക്രീൻ ടൈം കൂടുന്നത്​ മസ്​തിഷ്​കാവരണത്തെ ബാധിക്കുകയാണോ എന്ന്​ വ്യക്​തമായിട്ടില്ല.

അതേസമയം, കൂടുതൽ സമയം സ്​ക്രീനിൽ ചെലവിടുന്നതുകൊണ്ട്​ പഠന നിലവാരത്തിൽ കുറവുണ്ടാകുമെന്ന്​ തെളിഞ്ഞിട്ടുണ്ട്​. സ്​ക്രീൻ ടൈം കൂടുന്നത്​ കുട്ടികളിൽ അമിത വണ്ണത്തിനും ഉറക്കക്കുറവിനും ഇടയാക്കുമെന്നും കണ്ടെത്തിയിട്ടുണ്ട്​. ഒരു ദിവസം 30 മിനുട്ടിൽ​ താഴെ മാത്രമായി ഫോൺ ഉപയോഗം ചുരുക്കിയവർക്ക്​ മൂന്നാഴ്​ചക്കുള്ളിൽ തന്നെ ഏകാന്തത, വിഷാദം തുടങ്ങിയ പ്രശ്​നങ്ങളിൽ നിന്ന്​ മുക്​തി നേടാൻ സാധിച്ചുവെന്നും പഠനം പറയുന്നു.

കുട്ടികൾ എ​ത്രസമയം സ്​ക്രീനിൽ നോക്കി ഇരിക്കുന്നുവെന്ന്​ രക്ഷിതാക്കൾ അറിയണം. രണ്ടു മണിക്കൂറിൽ ​കൂടുതൽ അവർക്ക്​ ഫോണോ കമ്പ്യൂട്ടറോ അനുവദിക്കരുത്​.

• 18 മാസത്തിനു താഴെയുള്ള കുട്ടികൾക്ക്​ മൊബൈൽ, ടി.വി, കമ്പ്യൂട്ടർ തുടങ്ങി ഇലക്​ട്രോണിക്​ ഉപകരണങ്ങൾ അനുവദിക്കരുത്​.
• 18 മുതൽ 24 മാസം പ്രായമുള്ള കുട്ടികൾക്ക്​ നല്ല മാധ്യമം രക്ഷിതാക്കൾ തന്നെ തെരഞ്ഞെടുത്ത്​ കുട്ടികൾക്കൊപ്പമിരുന്ന്​ അൽപ്പസമയം കാണാൻ അനുവദിക്കാം
• രണ്ടു മുതൽ അഞ്ചു വയസുവരെയുള്ള കുട്ടികൾക്ക്​ നല്ല പരിപാടികൾ രക്ഷിതാക്കൾക്കൊപ്പം കാണാം; ഒരു മണിക്കൂറിൽ താഴെ മാത്രമേ ഇതും അനുവദിക്കാവൂ.