Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightഇത്​ ചരിത്ര നേട്ടം;...

ഇത്​ ചരിത്ര നേട്ടം; മരിച്ചയാളിൽ നിന്ന്​ സ്വീകരിച്ച ഗർഭപാത്രത്തിൽ ആദ്യ ശിശു പിറന്നു

text_fields
bookmark_border
ഇത്​ ചരിത്ര നേട്ടം; മരിച്ചയാളിൽ നിന്ന്​ സ്വീകരിച്ച ഗർഭപാത്രത്തിൽ ആദ്യ ശിശു പിറന്നു
cancel

സാവോപോളോ: ഗർഭാശയ സംബന്ധമായ പ്രശ്​നം മൂലം കുഞ്ഞിക്കാല്​ കാണാനാവാതെ വിഷമിച്ചിരിക്കുന്നവർക്ക്​ പ്രതീക്ഷക്ക്​ വക നൽകിക്കൊണ്ട്​ വൈദ്യലോകത്തു നിന്ന്​ പുതിയ വാർത്ത. മരിച്ച വ്യക്തിയിൽ നിന്ന്​ സ്വീകരിച്ച ഗർഭപാത്രത്തിൽ ലോകത്ത്​ ആദ്യ​മായി പൂർണ ആരോഗ്യത്തോടെയുള്ള പെൺകുഞ്ഞ്​ പിറന്നു. ലാൻസറ്റ്​ മെഡിക്കൽ ജേണലാണ്​ ഇതു സംബന്ധിച്ച്​ വാർത്ത പ്രസിദ്ധീകരിച്ചത്​. 2017 ഡിസംബറിലാണ്​ കുഞ്ഞ്​ പിറന്നതെന്ന്​ ജേണലിൽ പറയുന്നു.

ബ്രസീലിൽ നിന്നുള്ള 32കാരിക്കാണ്​ ഇത്തരത്തിൽ കുഞ്ഞിനെ ലഭിച്ചത്​. ബ്രസീലിലെ സാവോ പോളോ സർവകലാശാല ആശുപത്രിയാണ്​ ഇൗ അപൂർവ നേട്ടത്തിന്​ വേദിയായത്​. മരിച്ച വ്യക്തിയിൽ നിന്ന്​ സ്വീകരിച്ച ഗർഭപാത്രത്തിൽ നിന്ന്​ ശിശുവിനെ ലഭിക്കാനായി യു.എസിലും ചെക്ക്​ റിപ്പബ്ലിക്കിലും തുർക്കിയിലുമായി മുമ്പ്​ നടത്തിയ പത്ത്​ ശ്രമങ്ങളിലും പരാജയമായിരുന്നു ഫലം.

35 ആഴ്​ചകൾക്കും മൂന്ന്​ ദിവസത്തിനും ശേഷം ശസ്​ത്രക്രിയയിലൂടെയാണ്​ ബ്രസീലുകാരി മാതാവായത്​. കുഞ്ഞിന്​ രണ്ടര കിലോ ഗ്രാം ഭാരമുണ്ട്​. നിലവിൽ ജീവിച്ചിരിക്കുന്നവരിൽ നിന്നു മാത്രമാണ്​ ഗർഭപാത്രം സ്വീകരിച്ചു വരുന്നത്​. 2013ൽ സ്വീഡനിലായിരുന്നു ജീവിച്ചിരിക്കുന്ന വ്യക്തിയിൽ നിന്ന്​ സ്വീകരിച്ച ഗർഭപാത്രത്തിൽ നിന്ന്​ ആദ്യമായി പൂർണ ആരോഗ്യത്തോടെയുള്ള കുഞ്ഞ്​ പിറന്നത്​. നിലവിൽ 11 പേർക്ക്​ ഇത്തരത്തിൽ കുഞ്ഞു പിറന്നിട്ടുണ്ട്​.

Show Full Article
TAGS:womb transplant dead womb donor health news malayalam news 
Next Story