സൗജന്യ ഫിസിക്കൽ മെഡിസിൻ ഓൺലൈൻ ചികിത്സ
text_fieldsതൃശൂർ: ലോക്ഡൗൺ മൂലം ആശുപത്രിയിൽ എത്താനാകാത്ത ഫിസിക്കൽ മെഡിസിൻ രോഗികൾക്ക് സൗജ ന്യ ഓൺലൈൻ ചികിത്സയുമായി കേരള ശാസ്ത്രസാഹിത്യ പരിഷത്തിെൻറ സംരംഭമായ ‘കാപ്സ്യൂൾ കേരള’യും ഡോക്ടർമാരുടെ സംഘടനയായ ഇന്ത്യൻ അസോസിയേഷൻ ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷൻ കേരള ചാപ്റ്ററും.
സംസ്ഥാനമൊട്ടാകെ സേവനം ലഭിക്കും. നട്ടെല്ലിനും തലക്കും പരിക്കേറ്റവർ, പക്ഷാഘാതം വന്നവർ, കൈകാലുകൾ നഷ്ടപ്പെട്ടവർ, സെറിബ്രൽ പാൾസി, മൈലോമെനിൻഗോസീൽ തുടങ്ങിയ അസുഖങ്ങൾ ബാധിച്ച് ഫിസിക്കൽ മെഡിസിൻ ആൻഡ് റീഹാബിലിറ്റേഷൻ വിഭാഗത്തിൽ ചികിത്സയിലുള്ളവർക്കും ചികിത്സ ആരംഭിക്കേണ്ടവർക്കും സേവനം ഉപയോഗപ്പെടുത്താം.
14 ജില്ലകളിൽനിന്നുള്ള 34 ഡോക്ടർമാരുടെ സേവനം ചൊവ്വ, വ്യാഴം, ഞായർ ദിവസങ്ങളിൽ വൈകുന്നേരം നാല് മുതൽ ആറ് വരെ ലഭ്യമാണ്. ഫോൺ, വാട്സ്ആപ് വിഡിയോ എന്നിവയിലൂടെയും ഓൺലൈനായും ചികിത്സ തേടാം. ആവശ്യമുള്ളവർ കാപ്സ്യൂൾ കേരള കോഓഡിനേറ്റർമാരായ ഡി.എസ്. പരമേശ്വരൻ (94470 54905), ജി. കൃഷ്ണൻകുട്ടി (94476 57484) എന്നിവരെ ബന്ധപ്പെടണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.