ഇന്ത്യയിൽ എട്ടിലൊരാൾ മരിക്കുന്നത്​​ വായുമലിനീകരണം മൂലം

14:17 PM
06/12/2018
Air-Pollution

ഇന്ത്യയിൽ എട്ടിലൊരാൾ മരിക്കുന്നത്​ മലിനമായ വായു ശ്വസിക്കുന്നതു മൂലമെന്ന്​ പഠനം. പുകവലിയേക്കാൾ ഗുരുതര പ്രശ്​നങ്ങൾ വായുമലിനീകരണം മൂലമുണ്ടാകുന്നുവെന്നും റിപ്പോർട്ട്​ പറയുന്നു. മരണം, രോഗബാധ, ആയുർ ദൈർഘ്യം കുറയുക തുടങ്ങിയ പ്രശ്​നങ്ങൾ വായു മലിനീകരണവുമായി ബന്ധപ്പെടുന്നു. ലാൻസെറ്റ്​ പ്ലാനെറ്ററി ഹെൽത്ത്​ ജേർണലിലാണ്​ റിപ്പോർട്ട്​ പ്രസിദ്ധീകരിച്ചത്​. 

വായു മലിനീകരണം മൂലം ചെറു പ്രായത്തിൽ തന്നെയുള്ള മരണനിരക്കും രോഗബാധയും ആഗോളതലത്തിൽ 26 ശതമാനമാണെങ്കിൽ ഇന്ത്യയിൽ അത്​ 18 ശതമാനമാണ്​. 2017ൽ ഇന്ത്യയിൽ 70വയസിനു താഴെ മരിച്ച 12.4 ലക്ഷം പേരിൽ പകുതിയോളം  മരണവും വായു മലിനീകരണം മൂലമാണ്​. വായുമലിനീകരണ തോത്​ അൽപ്പം കുറയുകയാണെങ്കിൽ ഇന്ത്യയിലെ ആയുർദൈർഘ്യം നിലവിലുള്ളതിനേക്കാൾ 1.7വർഷം കൂടുമെന്നും റിപ്പോർട്ട്​ പറയുന്നു. 

ബിഹാർ, ഉത്തർപ്രദേശ്​, രാജസ്​ഥാൻ, ഝാർഖണ്ഡ്​, ഡൽഹി, ഹരിയാന, പഞ്ചാബ്​ എന്നീ സംസ്​ഥാനങ്ങളാണ്​ വായു മലിനീകരണത്തിൽ മുന്നിട്ടു നിൽക്കുന്നത്​. പുകവലി എന്ന ദുശ്ശീലം വലി​െയാരളവുവരെ കുറക്കാൻ ഇന്ത്യക്കായെങ്കിലും മലിന വായു മൂലം ശ്വാസകോശ രോഗങ്ങൾ നിലനിൽക്കുകയാണ്​. കാർഡിയോ വാസ്​കുലാർ രോഗങ്ങൾക്കും പ്രമേഹത്തിനും മലിനവായു ശ്വസിക്കുന്നത്​ വഴിവെക്കുന്നുവെന്ന്​ ഇൻസ്​റ്റിറ്റ്യൂട്ട്​ ഒാഫ്​ ഹെൽത്ത്​ മെട്രിക്​ ആൻറ്​ ഇവാലുവേഷൻ ഡയറക്​ടർ പ്രഫ. ക്രിസ്​റ്റഫർ മുറെ പറഞ്ഞു. വായു മലിനീകരണം ഏറ്റവും മോശമായ 15 സിറ്റികളിൽ 14ഉം ഇന്ത്യയിലാ​െണന്ന്​​ ഡബ്ല്യു.എച്ച്​.ഒയുടെ കണക്ക്​ പറയുന്നു. 

Loading...
COMMENTS