Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightഅവയവമാറ്റ...

അവയവമാറ്റ ശസ്​ത്രക്രിയക്ക്​ ശേഷം വേണ്ട മരുന്നുകൾക്ക്​ 10 ശതമാനം വില

text_fields
bookmark_border
അവയവമാറ്റ ശസ്​ത്രക്രിയക്ക്​ ശേഷം വേണ്ട മരുന്നുകൾക്ക്​ 10 ശതമാനം വില
cancel

തിരുവനന്തപുരം: അവയവമാറ്റ ശസ്​ത്രക്രിയക്ക്​ ശേഷം ഉപയോഗിക്കേണ്ട മരുന്നുകൾ ആർദ്രം പദ്ധതിയിലൂടെ 10ശതമാനം വിലക്ക്​ നൽകുമെന്നതാണ്​ ബജറ്റിൽ ആരോഗ്യ മേഖലക്ക്​ ഗുണകരമായ പ്രഖ്യാപനം. വർഷങ്ങളോളം കഴിക്കേണ്ടി വരുന്ന മരുന്നുകളുടെ വിലതാങ്ങാനാകാ​തെ ബുദ്ധിമുട്ടുന്ന സാധാരണക്കാർക്ക്​ ഏറ്റവും ഉപകാരപ്രദമാകുന്നതായിരിക്കും ഇത്​. ഇതിനായി ഡ്രഗ്​സ്​ ആൻറ്​ ഫാർമസ്യൂട്ടിക്കലിന്​ 10കോടി രൂപ ബജറ്റിൽ നീക്കി ​​െവച്ചിട്ടുണ്ട്​. ​

ജീവിതശൈലീ രോഗങ്ങൾക്കും മാറാരോഗങ്ങള്‍ക്കും സമ്പൂര്‍ണ്ണപ്രതിരോധവും സൗജന്യചികിത്സയും ബജറ്റിൽ വാഗ്​ദാനം ചെയ്യുന്നു. ജീവിതശൈലീരോഗങ്ങൾക്ക്​ പ്രാഥമികാരോഗ്യ കേന്ദ്രങ്ങളുടെ സബ്​ സെൻററുകൾ വഴി സൗജന്യ മരുന്നു വിതരണം നടത്തും. രോഗികള്‍ക്ക് ആരോഗ്യസംരക്ഷണത്തിന്​ ആയിരം കോടി രൂപയാണ്​ പ്രഖ്യാപിച്ചത്​. ഇതില്‍ കാരുണ്യയുടെ വിഹിതം 350 കോടി രൂപയാണ്​. ജില്ലാ,താലൂക്ക്, ജനറല്‍ ആശുപത്രികള്‍ക്ക്​ 2,000 കോടി രൂപ, തിരുവനന്തപുരം മെഡിക്കല്‍ കോളജ് മാസ്റ്റര്‍പ്ലാന്‍ നടപ്പാക്കാന്‍ ആദ്യഘട്ടത്തിന് കിഫ്ബി വഴി  400 കോടി രൂപ, കുഷ്ഠം, മ ന്ത് സമ്പൂര്‍ണ്ണനിവാരണ പദ്ധതി, അവശരായ മന്തുരോഗികള്‍ക്ക് പ്രത്യേക സഹായ പദ്ധതി എന്നിവയും ആരോഗ്യ രംഗത്തെ പ്രധാന പ്രഖ്യാപനങ്ങളാണ്​.

 ഇവ കൂടാതെ ആരോഗ്യ മേഖലയിൽ ധാരാളം തസ്​തികകൾ സൃഷ്​ടിക്കുമെന്നും ബജറ്റ്​ പ്രഖ്യാപനമുണ്ട്​. 170 പ്രാഥമികാരോഗ്യ കേന്ദ്രങ്ങളെ  ആദ്യഘട്ട ത്തില്‍  കുടുംബാരോഗ്യകേന്ദ്രങ്ങളാക്കും.  ഇവിടെ 170 ഡോക്ടര്‍മാര്‍, 340 സ്റ്റാഫ് നഴ്‌സുമാര്‍ എന്നീ തസ്തികകള്‍ സൃഷ്ടിക്കും. കൂടാതെ, ആരോഗ്യ വകുപ്പിൽ ഡോക്ടര്‍മാരുടെ 1,309 ഉം സ്​റ്റാ​ഫ്​ നഴ്‌സുമാരുടെ 1,610 ഉം അടക്കം 5,257 തസ്തികകൾ, മെഡിക്കല്‍ കോളജുകളില്‍ 45 അധ്യാപകര്‍, 2,874 സ്റ്റാഫ് നഴ്‌സുമാര്‍, 1,260 പാരാമെഡിക്കല്‍ സ്റ്റാഫ് തുടങ്ങിയ തസ്​തികകൾ സൃഷ്​ടിക്കുമെന്നുമാണ്​ ബജറ്റ്​ പ്രഖ്യാപനം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala budget 2017health in budget
News Summary - medicine used after organ transfer is get on 10% low cost
Next Story