ഏകാന്തത ഇന്ത്യയിലെ വൃദ്ധർക്ക്​ മാനസിക പ്രശ്​നങ്ങളുണ്ടാക്കുന്നു

ന്യൂ​ഡ​ൽ​ഹി: ഏ​കാ​ന്ത​ത​യും കു​ടും​ബ​ബ​ന്ധ​ങ്ങ​ളി​ലെ ത​ക​ർ​ച്ച​യും ഇ​ന്ത്യ​യി​ലെ 43 ശ​ത​മാ​നം വൃ​ദ്ധ​ർ​ക്ക്​ മാ​ന​സി​ക​പ്ര​ശ്​​ന​ങ്ങ​ളു​ണ്ടാ​ക്കു​ന്ന​താ​യി പ​ഠ​നം. ഇൗ ​വ​ർ​ഷം ജൂ​ൺ-​ജൂ​ലൈ മാ​സ​ങ്ങ​ളി​ൽ ഏ​ജ്​​വെ​ൽ ഫൗ​ണ്ടേ​ഷ​നാ​ണ്​ രാ​ജ്യ​ത്തെ 50,000 വൃ​ദ്ധ​ർ​ക്കി​ട​യി​ൽ പ​ഠ​നം ന​ട​ത്തി​യ​ത്. കു​ടും​ബാം​ഗ​ങ്ങ​ൾ ത​ങ്ങ​ളു​ടെ ആ​വ​ശ്യ​ങ്ങ​ളോ താ​ൽ​പ​ര്യ​ങ്ങ​ളോ  പ​രി​ഗ​ണി​ക്കു​ന്നി​ല്ലെ​ന്ന്​ 45 ശ​ത​മാ​നം പേ​ർ വ്യ​ക്​​ത​മാ​ക്കി. 

സ​ർ​ക്കാ​ർ പ​ദ്ധ​തി​ക​ൾ ന​ട​പ്പാ​ക്കു​േ​മ്പാ​ൾ വൃ​ദ്ധ​രു​ടെ ​േക്ഷ​മ​ത്തി​നും ശാ​ക്​​തീ​ക​ര​ണ​ത്തി​നും മു​ൻ​തൂ​ക്കം ന​ൽ​ക​ണ​മെ​ന്ന്​  ഫൗ​ണ്ടേ​ഷ​ൻ ആ​വ​ശ്യ​പ്പെ​ട്ടു. 
പ്രാ​യ​മാ​യ​വ​രു​ടെ ആ​വ​ശ്യ​ങ്ങ​ളും അ​വ​കാ​ശ​ങ്ങ​ളും നി​ഷേ​ധി​ക്കു​​ന്ന​ത്​ സാ​മൂ​ഹി​ക വി​ക​സ​ന അ​ജ​ണ്ട​ക്ക്​ ത​ന്നെ ഭീ​ഷ​ണി​യാ​ണെ​ന്നും സ​മൂ​ഹ​ത്തി​​െൻറ മു​ഖ്യ​ധാ​ര​യി​ൽ നി​ന്നു​ത​ന്നെ ഇ​വ​രെ അ​ക​റ്റി​നി​ർ​ത്താ​നാ​ണ്​ ഇ​ത്​ ഇ​ട​യാ​ക്കു​ക​യെ​ന്നും ഏ​ജ്​​വെ​ൽ ഫൗ​ണ്ടേ​ഷ​ൻ ചെ​യ​ർ​മാ​ൻ ഹി​മാ​ൻ​ഷു ര​ഥ്​ പ​റ​ഞ്ഞു. 60 ക​ഴി​ഞ്ഞ​വ​ർ​ക്ക്​ സാ​മ്പ​ത്തി​ക​സു​ര​ക്ഷി​ത​ത്വം ന​ൽ​ക​ണ​മെ​ന്നും പ്രാ​യ​മാ​യ​വ​രു​ടെ ആ​രോ​ഗ്യ​പ്ര​ശ്​​ന​ങ്ങ​ൾ പ​ഠി​ക്കാ​ൻ സൗ​ജ​ന്യ​മാ​യി കൗ​ൺ​സ​ല​ർ​മാ​രെ നി​യോ​ഗി​ക്ക​ണ​മെ​ന്നും ​ദേ​ശീ​യ ഇ​ൻ​സ്​​റ്റി​റ്റ്യൂ​ട്ട്​ സ്​​ഥാ​പി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.