നിപ വൈറസ്​ ബാധയുടെ ഉറവിടം പഴംതീനി വവ്വാലെന്ന്​ സ്​ഥിരീകരണം

10:58 AM
03/07/2018
Nipah

ന്യൂഡൽഹി: നിപ വൈറസ്​ ബാധയുടെ ഉറവിടം പഴംതീനി വവ്വാലുകൾ തന്നെയെന്ന്​ സ്​ഥിരീകരിച്ചു. ഇന്ത്യൻ കൗൺസിൽ ഒാഫ്​ മെഡിക്കൽ റിസർച്ചാണ്​ ഉറവിടം സ്​ഥിരീകരിച്ചത്​. നിപ ബാധയുണ്ടായ കോഴിക്കോട്​ ചങ്ങ​രോത്ത്​ നിന്ന്​ മെയ്​ മാസത്തിൽ പിടിച്ച വവ്വാലിൽ വൈറസ്​ സാന്നിധ്യം കണ്ടെത്തിയിരുന്നില്ല. വവ്വാലിൽ നിന്നല്ലെങ്കിൽ എങ്ങനെ നിപ ബാധിച്ചുവെന്ന സംശയത്തിലായിരുന്നു ആ​േരാഗ്യ വകുപ്പ്​. അതിനാണ്​ ഇപ്പോൾ ഉത്തരം ലഭിച്ചിരിക്കുന്നത്​. പ്രദേശത്തു നിന്ന്​ തന്നെ രണ്ടാം ഘട്ടത്തിൽ പിടിച്ച പഴം തീനി വവ്വാലിലാണ്​ നിപ വൈറസ്​ ലക്ഷണങ്ങൾ കണ്ടെത്തിയിരിക്കുന്നതെന്ന്​ കേന്ദ്ര ആരോഗ്യമന്ത്രി ജെ.പി നദ്ദ അറിയിച്ചു. 

നേരത്തെ പരിശോധിച്ച വവ്വാൽ പഴം തീനി വവ്വാലി​​​​െൻറ വർഗത്തിൽ പെട്ടത്​ അല്ലായിരുന്നുവെന്നതാണ്​ നെഗറ്റീവ്​ ഫലം ലഭിക്കാനിടയായത്​. ആദ്യ തവണ 21 വവ്വാലുകളെ പിടികൂടി പരിശോധിച്ചു. ക്ഷുദ്ര ജീവികളെ ഭക്ഷിക്കുന്ന വവ്വാലുകൾ ഇൗ ​െവെറസി​​​​െൻറ വാഹകരല്ല.  രണ്ടാം തവണ പിടികൂടിയ 55 വവ്വാലുകളിൽ പഴംതീനി വവ്വാലുകളും ഉൾപ്പെട്ടിരുന്നു. ഇതാണ്​ നിപ ​​ൈവറസ്​ വാഹകരാ​െണന്ന്​ തെളിഞ്ഞതെന്ന്​ ​െഎ.സി.എം.ആർ ശാസ്​ത്രജ്​ഞർ അറിയിച്ചു. 

കോഴിക്കോടും മലപ്പുറത്തുമായി നിപ ബാധിച്ച്​ 17 പേരാണ്​ മരിച്ചത്​. സംഭവത്തിനു ശേഷം ഒരു മാസം വരെയും പുതിയ കേസുകൾ റിപ്പോർട്ടു ചെയ്യാത്തതിനാൽ കോഴിക്കോടും മലപ്പുറവും നിപ വൈറസ്​ മുക്​ത മേഖലയായി കഴിഞ്ഞ ദിവസം ആ​രോഗ്യമന്ത്രി പ്രഖ്യാപിച്ചിരുന്നു. 

ഇന്ത്യയിലെ വിവിധ പഴംതീനി വവ്വാൽ വിഭാഗങ്ങളിൽ ഗ്രേറ്റർ ഇന്ത്യൻ ​ൈ​ഫ്ലയിങ്​ ഫോക്​സ്​  (Pteropus giganteus), Eonycteris spelaea, Cynopterus, Scotophilus kuhlii and Hipposideros larvatus എന്നീ വിഭാഗങ്ങളാണ്​ വൈറസ്​ വാഹകർ. വൈറസ്​ വാഹകരാണെങ്കിലും വവ്വാലുകളിൽ രോഗം ബാധിക്കില്ല. ഇവയു​െട വിസർജ്യങ്ങളിലൂടെയും ഉമിനീരിലൂടെയും മൃഗങ്ങളിലേക്കുപെഴങ്ങളിലേക്കും വൈറസ്​ ബാധ പകരുന്നു. മൃഗങ്ങളിൽ നിന്നും വൈറസ്​ ബാധിച്ച വവ്വാലുകൾ കടിച്ച പഴങ്ങൾ കഴിക്കുന്നതിലൂടെയും​ മനുഷ്യരിലേക്ക്​ രോഗം പകരും. പിന്നീട്​ മനുഷ്യരിൽ നിന്ന്​ മനുഷ്യരിലേക്കും കൈമാറ്റം ചെയ്യ​െപ്പടും. 

മലേഷ്യയിലും ബംഗ്ലാദേശിലുമാണ്​ നേരത്തെ നിപ ബാധയുണ്ടായത്​. ഇരു രാജ്യങ്ങളിലും നൂറുകണക്കിനാളുകളുടെ  ജീവനെടുത്തെങ്കിലും കേരളത്തിൽ ആരോഗ്യ പ്രവർത്തകരുടെയും സംസ്​ഥാന സർക്കാറി​​െൻറയും ശാസ്​ജ്ര്​ഞരുടെയും കേന്ദ്രസർക്കാറി​​​െൻറയും കൂട്ടായ അടിയന്തര പ്രവർത്തനങ്ങളിലൂടെ രോഗ വ്യാപനം പിടിച്ചു നിർത്താനായി. 

Loading...
COMMENTS