കുഞ്ഞുങ്ങളെ പരിപാലിക്കുന്നത്​ കുട്ടിക്കളിയല്ല; ഡയപ്പർ മാറ്റുന്നതിനുമുമ്പ്​​ അനുവാദം ചോദിക്കണമെന്ന്​

മാതാപിതാക്കൾ കുഞ്ഞുങ്ങളോട്​ എങ്ങനെ ഇടപഴകുന്നോ അതുപോലെയാകും കുഞ്ഞുങ്ങൾക്ക്​ തിരിച്ചും. പെരുമാറ്റത്തിലും പരസ്​പര ബഹുമാനത്തിലുമെല്ലാം അവ പ്രതിഫലിക്കും. അതിനാൽ തന്നെ കുഞ്ഞുങ്ങളോട്​ ഇടപഴകുന്ന രീതിയെക്കുറിച്ച്​ മാതാപിതാക്കൾക്ക്​ നിരവധി ഉ​പദേശങ്ങളും നിർദേശങ്ങളും ലഭിക്കുന്നുണ്ട്​. ആസ്​ട്രേലിയയിലെ ചൈൽഡ്​ കെയർ ചെയിൻ തങ്ങളുടെ വെബ്​സൈറ്റിൽ പങ്കുവെച്ച ഒരു പോസ്​റ്റാണ്​ ഇപ്പോൾ സമൂഹമാധ്യമങ്ങളിലെ പ്രധാന ചർച്ച. കാരണം മറ്റൊന്നല്ല, കുഞ്ഞുങ്ങളോട്​ ഡയപ്പർ മാറ്റുന്നതിന്​ മുമ്പുപോലും അനുവാദം ചോദിക്കണമെന്നായിരുന്നു പോസ്​റ്റ്​.

നമ്മുടെ കൈകൾ കുഞ്ഞുങ്ങൾക്ക്​ ലോകത്തിലേക്കുള്ള ആമുഖമാണ്​. ഒരു കുഞ്ഞിനോട്​ ആജ്ഞാപിക്കുന്നതിനേക്കാൾ, അവരെ മൃദുവായി സ്​പർശിച്ച്​, സമാധാനത്തോടെ സഹകരണം ആവശ്യപ്പെടണം. വിശ്വാസത്തിൽ അടിസ്​ഥാനമായ ഒരു ബന്ധമായിരിക്കും അതിലൂടെ നൽകാൻ കഴിയുക. ബഹുമാനവും പരസ്​പര ബന്ധത്തെക്കുറിച്ചുള്ള അറിവും അതിലൂടെ അവർക്ക്​ നൽകാനാകും -​വെബ്​സൈറ്റിൽ പറയുന്നു.

കുഞ്ഞുങ്ങൾ കളിക്കു​േമ്പാൾ അതിനെ തടസപ്പെടുത്തുന്നത്​ അവർക്ക്​ ഇഷ്​ടമാകില്ല. അതിനാൽ ഡയപ്പർ മാറ്റുന്നതിനായി അവരുടെ കളിയിൽ ഒരു ഇടവേളക്കായി കാത്തിരിക്കണം. നിങ്ങൾ ചെയ്യുന്ന കാര്യങ്ങൾ അവരോട്​ സംസാരിക്കുക, കൂടാതെ ഇന്ദ്രിയങ്ങളുടെ ഉപയോഗങ്ങളും പ്രോത്സാഹിപ്പിക്കണം -വെബ്​സൈറ്റിൽ പറയുന്നു.

എന്നാൽ കുട്ടി സമ്മതിച്ചില്ലെങ്കിൽ ഡയപ്പർ മാറ്റരുതെന്ന്​ ഇതിൽ അർഥമാക്കുന്നിലെന്നും ഇതിലൂടെ ഒരു ബന്ധവും പരസ്​പര സഹകരണവും പ്രോത്സാഹിപ്പിക്കുകയെന്ന്​ മാത്രമാണ്​ അർഥമാക്കുന്നതെന്നും അവർ കൂട്ടിച്ചേർത്തു.

എന്നാൽ, ചൈൽഡ്​ കെയറി​െൻറ വാക്കുകളെ പോസിറ്റീവായി കാണാൻ ശ്രമിച്ചവരു​ണ്ടെങ്കിലും ട്രോളുകളും മീമുകളും ആയിരുന്നു കൂടുതലും. കുട്ടികൾ സമ്മതിക്കുന്നതുവരെ ഡയപ്പർ മാറ്റിയില്ലെങ്കിൽ ശുചിത്വമില്ലായ്​മയായി കണക്കാക്കുമെന്ന അഭിപ്രായം പങ്കുവെച്ചും നിരവധിപേരെത്തി.