രോഗം ഭേദമായവർക്ക് വീണ്ടും കോവിഡ്​ 19 ബാധിക്കുമോ?

െകാറോണ വൈറസ്​ പടർന്നുപിടിക്കുന്നതിനെക്കുറിച്ചാണ് ഇപ്പോൾ ലോകം ചർച്ച ചെയ്യുന്നത്​​. സത്യവും അസത്യവ ുമായ വാർത്തകളും അഭ്യൂഹങ്ങളും വാട്​സ്​ ആപ്​ സർവകലാശാലകളിലടക്കം പരന്നു നടക്കുന്നുണ്ട്​​. രോഗം പടർന്ന​ുപിടിക ്കുന്ന അവസരത്തിൽതന്നെ, നിരവധി ​േപർക്ക്​ രോഗം ഭേദമാകുകയും ചെയ്​തു. എന്നാൽ രോഗം ഭേദമായവർക്ക്​ വീണ്ടും കോവിഡ ്​ 19 ബാധക്ക്​ എത്രത്തോളം സാധ്യതയുണ്ടെന്ന​ ചോദ്യം ഇതിനിടയിൽ സജീവമായി ഉയരുന്നുണ്ട്​​.

രണ്ടാമതും വൈറസ്​ ബാധിക്കുമെന്ന്​ ഉറപ്പിച്ചു പറയാൻ ആവശ്യമായ വിവരങ്ങളൊന്നും ഇതുവരെ കണ്ടെത്തിയില്ലെന്ന്​​ ഇന്ത്യൻ കൗൺസിൽ ഓഫ്​ മെഡിക്കൽ റിസർച്ചിലെ ഡോക്​ടർ നിവേദിത ഗുപ്​തയെ ഉദ്ധരിച്ച്​​ ദി ക്വിൻറ്​ ഡോട്ട്​ കോം റിപ്പോർട്ട്​ ചെയ്​തു.

രോഗ പ്രതിരോധ ശേഷി കുറഞ്ഞവരിൽ രണ്ടാമതും വൈറസ്​ ബാധിക്കുമെന്ന സാധ്യത തള്ളിക്കളയാനാകില്ല. അതിൽ ചെറിയ സാധ്യത മുന്നിൽകണ്ടു മാത്രമേ മുന്നോട്ടുപോകാനാകുവെന്നും അവർ കൂട്ടിച്ചേർത്തു.

വള​െര ബുദ്ധിമു​ട്ടേറിയ ഘട്ടത്തിലൂടെയാണ്​ ഇപ്പോൾ ലോകം കടന്നു​േപാകുന്നത്​​. കാരണം ഇതിനുമുമ്പ്​ ഇത്തരത്തിലൊരു വൈറസിനെ ലോകം നേരിട്ടിട്ടില്ല. എങ്കിലും ലോകം മുഴുവൻ ഒറ്റക്കെട്ടായി നടത്തുന്ന പ്രതിരോധ പ്രവർത്തനങ്ങളുടെ ഭാഗമായി മിക്ക രാജ്യങ്ങളില​ും മരണനിരക്ക്​ കുറക്കാൻ കഴിഞ്ഞിട്ടുണ്ടെന്നും അവർ പറയുന്നു.

കൊറോണ വൈറസ്​ ബാധിക്കുന്നത്​ ശ്വസനേന്ദ്രിയങ്ങളെയാണ്​. ഇവ മൃഗങ്ങളിൽനിന്നും മനുഷ്യരിലേക്ക്​ പകർന്നുവെന്നാണ്​ ​പൊതുവെയുള്ള നിഗമനവും. വൈറസ്​ ശരീരത്തിനകത്തേക്ക്​​ പ്രവേശിച്ചു കഴിഞ്ഞാൽ ശരീരത്തി​​െൻറ മറ്റു ഭാഗങ്ങളിലേക്കും അതിവേഗം വ്യാപിക്കും. പ്രതിരോധ ശേഷി കുറവുള്ളവരിലാണ്​ കോവിഡ്​ രൂക്ഷമായി ബാധിക്കുക. ഉയർന്ന രക്തസമ്മർദമുള്ളവർ, വൃക്കരോഗികൾ, ഹൃദ്​രോഗികൾ, കാൻസറിന്​ കീമോ ചെയ്യുന്നവർ, എയ്​ഡ്​സ്​ രോഗികൾ തുടങ്ങിയവർക്ക്​ രോഗം മൂർച്ഛിക്കാന​ുള്ള സാധ്യത വളരെയധികമാണ്​.