ഗർഭിണികളുടെ വയറിലെ സ്​ട്രെച്ച്​ മാർക്കുകൾ മായ്​ക്കാൻ..

15:10 PM
09/02/2019
Strech-Mark

ഗർഭിണികളുടെ വയറിലോ പ്രസവം കഴിഞ്ഞവരുടെ വയറിലോ പൂച്ച മാന്തിയതുപോലുള്ള അടയാളങ്ങൾ കണ്ടി​ട്ടുണ്ടോ? സ്​ട്രെച്ച്​ മാർക്കുകളാണ്​ അവ. സ്​​െട്രച്ച്​ മാർക്കുകളെ മാതൃത്വത്തി​​​െൻറ അടയാളം എന്നാണ്​ വിശേഷിപ്പിക്കാറ്​. വിശേഷണമൊക്കെ മനോഹരമാണ്​. ഇവ ദോഷകരമല്ലെങ്കിലും പലർക്കും അലോസരം സൃഷ്​ടിക്കുന്നവയാണ്​. സാരിയുടു​ക്കു​േമ്പാഴോ ഷോർട്ട്​ ടോപ്പുകളും ട്രൗസറുകളും ധരിക്കു​േമ്പാഴോ ഇവ പുറമെക്ക്​ കാണുന്നത്​ പലരുടെയു​ം ആത്​മവിശ്വാസത്തെ തളർത്തുന്നു. 

സ്​ട്രെച്ച്​ മാർക്കുകൾ എങ്ങനെ ഉണ്ടാകുന്നു?
സ്​ട്രെച്ച്​ മാർക്കുകൾ ഗർഭിണികളിൽ മാത്രം ഉണ്ടാകുന്നവയല്ല. ശരീരം പെ​െട്ടന്ന്​ തടിക്കുകയോ ചുരുങ്ങുകയോ ചെയ്യു​േമ്പാൾ ഉണ്ടാകുന്ന ഒരുതരം പാടുകളാണ്​ സ്​ട്രെച്ച്​ മാർക്കുകൾ. ഇത്​ സ്​ത്രീകൾക്കോ പുരുഷൻമാർക്കോ ആർക്കും ഉണ്ടാകാവുന്നതാണ്​. വയറ്​, തുടകൾ, ഇടുപ്പ്​, സ്തനങ്ങൾ, നിതംബം എന്നിവിടങ്ങളിലെല്ലാം സ്​ട്രെച്ച്​​ മാർക്കുകൾ കാണാറുണ്ട്​. ശരീരത്തിന്​ രൂപം നൽകുന്ന സ്​ട്രക്​ചറൽ പ്രോട്ടീനുകളായ കൊളാജൻ, ഇലാസ്​റ്റിൻ എന്നവയിലുണ്ടാകുന്ന മാറ്റമാണ്​ ഇൗ അടയാളങ്ങൾക്ക്​ വഴിവെക്കുന്നത്​. 

എല്ലാവരിലും ഇൗ അടയാളങ്ങൾ കാണപ്പെടാറില്ല. ഹോർമോണി​​​െൻറ ഏറ്റക്കുറച്ചിലുകളാണ്​ ഇതിൽ പങ്കുവഹിക്കുന്നത്​. അടുത്ത ബന്ധുക്കൾക്ക്​ സ്​ട്രെച്ച്​ മാർക്കുകളുണ്ടെങ്കിൽ നിങ്ങൾക്കും അതിന്​ സാധ്യതയുണ്ട്​. 

സ്​ട്രെച്ച്​ മാർക്ക്​ ഉണ്ടാകാൻ സാധ്യതയുള്ള കാലയളവ്​:

  • ഋതുമതിയായ ശേഷമുണ്ടാകുന്ന പെ​െട്ടന്നുള്ള വളർച്ച
  • ഗർഭകാലത്ത്​
  • അതിവേഗം വണ്ണം കൂടുകയോ കുറയുകയോ ചെയ്യു​േമ്പാൾ
  • കോർട്ടിക്കോസ്​റ്റീറോയ്​ഡ്​ പോലുള്ള മരുന്നുകൾ കൂടുതൽ കാലം ​ദേഹത്ത്​ പുരട്ടുന്നത്​ 
  • ശരീരകലകളുമായി ബന്ധ​െപ്പട്ട ജനിതക രോഗമായ മർഫാൻ സിൻ​ഡ്രോം ഉള്ളവർക്ക്​ 
  • ഹോർമോൺ വ്യതിയാനം മൂലമുണ്ടാകുന്ന കഷിങ്​സ്​ ഡിസീസ്​ ഉള്ളവർക്ക്​ 

50 മുതൽ 90 ശതമാനം സ്​ത്രീകൾക്കും ഗർഭകാലത്ത്​ സ്​ട്രെച്ച്​ മാർക്കുകൾ രൂപപ്പെടും. ഇവ ആദ്യം രൂപപ്പെടു​േമ്പാൾ ചുവപ്പ്​ നിറത്തിലായിരിക്കും. നിങ്ങളുടെ തൊലിയുടെ നിറത്തിനനുസരിച്ച്​ പർപ്പിൾ, പിങ്ക്​, റെഡ്​ഡിഷ്​ ബ്രൗൺ, ഡാർക്ക്​ ബ്രൗൺ നിറങ്ങളാകാനും സാധ്യതയുണ്ട്​. ആദ്യമുണ്ടാകു​േമ്പാൾ ഇവക്ക്​ തടിപ്പും ചൊറിച്ചിലും അനുഭവപ്പെടാം. 

നമ്മുടെ നാട്ടിൽ പ്രചരിക്കുന്നതുപോലെ ഗർഭിണികൾ വയറിൽ ചൊറിഞ്ഞതുകൊണ്ട്​ ഉണ്ടാകുന്നതല്ല ഇൗ അടയാളങ്ങളെന്ന്​ സാരം. അടയാളങ്ങളി​െല നിറം കുറയുന്നതിന്​ അനുസരിച്ച്​ അവയിലെ തടിപ്പും കുറഞ്ഞ്​ വരും. 

സ്​​ട്രെച്ച്​ മാർക്കുകൾ മായ്​ക്കാൻ എന്തു ചെയ്യും? ഇതിന്​ പരിഹാരമുണ്ടോ? 
സ്​ട്രെച്ച്​ മാർക്കുകൾ മായ്​ക്കാൻ സാധിക്കില്ല. എന്നാൽ ചികിത്​സയിലൂടെ ഇവയുടെ നിറം കുറച്ച്​ മങ്ങിയ നിലയിലാക്കാൻ സാധിക്കും. 
സ്​ട്രെച്ച്​ മാർക്ക്​ മായ്​ക്കാനുള്ള പല ചികിത്​സ​കളും പരാജയപ്പെടുകയാണുണ്ടായത്​​. ചികിത്​സ പലപ്പോഴും ചൊറിച്ചിലിന്​ ഇടയാക്കും. 

ഗർഭിണികളോ മുലയൂട്ടുന്ന അമ്മമാരോ ചികിത്​സ തുടങ്ങുകയാണെങ്കിൽ ഡോക്​ടറുടെ അഭിപ്രായം തേടണം. കടകളിൽ പലതരത്തിലുള്ള മരുന്നുകൾ വിറ്റഴിക്കപ്പെടുന്നുണ്ട്​. റെറ്റിനോൾ അടങ്ങിയ മരുന്നുകൾ കുഞ്ഞുങ്ങൾക്ക്​ ഹാനികരമാണ്​. 

എല്ലാവരിലും ഒ​രേ ചികിത്​സ ഫലപ്രദമാകില്ല. സ്​ട്രെച്ച്​ മാർക്ക്​ കളയാം എന്ന പേരിൽ പുറത്തിറങ്ങുന്ന ക്രീമുകൾ, ലോഷനുകൾ, ജെല്ലുകൾ എന്നിവ​െയാന്നും എല്ലായ്​പ്പോഴും ഫലപ്രദമാകില്ലെന്ന്​ കണ്ടെത്തിയിട്ടുണ്ട്​. നിങ്ങൾ ഇവ പരീക്ഷിക്കുകയാണെങ്കിൽ ചില കാര്യങ്ങൾ ശ്രദ്ധിക്കണം

  1. സ്​ട്രെച്ച്​ മാർക്കുകൾ ഉണ്ടായി തുടങ്ങു​േമ്പാഴേ മരുന്നുകൾ ഉപയോഗിച്ച്​ തുടങ്ങുക. കൂടുതൽ പഴകിയ സ്​​െട്രച്ച്​ മാർക്കുകളിൽ മരുന്നകൾ ഫലപ്രദമല്ല
  2. നിങ്ങൾ ഉപയോഗിക്കുന്നത്​ ലോഷനോ ജെല്ലോ ക്രീമോ ആക​െട്ട അത്​ സ്​ട്രെച്ച്​ മാർക്കുകളിൽ മസാജ്​ ചെയ്യുക. 
  3. കൂടുതൽ സമയം മസാജ്​ ചെയ്​താൽ അത്​ വളരെയേറെ ഫലം നൽകും
  4. ദിവസവും ഉപയോഗിക്കുക. ഇവ കൂടുതൽ സമയം ഉപയോഗിച്ചാൽ മാത്രമേ ഫലമുണ്ടാകൂ. 

വീട്ടുവൈദ്യം
സ്​ട്രെച്ച്​ മാർക്ക്​ കളയാൻ എന്ന നിലയിൽ പ്രചരിക്കുന്ന വീട്ടു​ൈവദ്യങ്ങളൊന്നും ഫലപ്രദമല്ല. ബദാം ഒായിൽ, കൊക്കോ ബട്ടർ, ഒലീവ്​ ഒായിൽ, വിറ്റാമിൻ ഇ എന്നിവ ഉപയോഗിച്ചാൽ അടയാളങ്ങൾ മായ്​ക്കാമെന്നാണ്​ പ്രചാരണങ്ങൾ​. അവ ഫലപ്രദമല്ലെന്ന്​ ഗവേഷകർ കണ്ടെത്തിയിട്ടുണ്ട്​. വെയിൽ കൊണ്ടോ കൃത്രിമ മാർഗങ്ങളില​ൂടെയോ തൊലിയുടെ നിറം മാറ്റുന്ന വഴിയും പ്രചാരത്തിലുണ്ട്​. എന്നാൽ ഇതുമൂലം അടയാളങ്ങൾ കൂടുതൽ തെളിഞ്ഞു വരികയാണുണ്ടാവുക.
രാസപദാർഥങ്ങൾ ഉപയോഗിക്കുക, ലേസർ തെറാപ്പി, അൾട്രാ സൗണ്ട്​ തെറാപ്പികൾ, റേഡിയോ ഫ്രീക്വൻസി ചികിത്​സകൾ എന്നിവയൊന്നും  പരിഹാരമല്ല. 

സ്​ട്രെച്ച്​ മാർക്കിനെതിരെ ഉപയോഗിക്കാവുന്ന മരുന്നുകൾ
രണ്ട്​ ഘടകങ്ങൾ സ്​​ട്രെച്ച്​​ മാർക്കിനെതിരെ പ്രവർത്തിക്കുന്നതായി കണ്ടെത്തിയിട്ടുണ്ട്​. ഹയാലുറോനിക്​ ആസിഡ്​, ട്രെറ്റിനോയിൻ എന്നിവ. 
ഹയാലുറോനിക്​ ആസിഡി​​​െൻറ ഉപയോഗം തുടക്കകാലത്തുള്ള സ്​ട്രെച്ച്​ മാർക്കുകളെ നിറം മങ്ങാൻ സഹായിക്കും. എല്ലാ ദിവസവും രാത്രി ട്രെറ്റിനോയിൻ അടങ്ങിയ ക്രീമുകൾ ​(ഡോക്​ടർമാർ നിർദേശിച്ചവ മാത്രം)  ഉപയോഗിക്കാം. 24 ആഴ്​ച തുടർച്ചയായി ഉപയോഗിച്ചാൽ അടയാളങ്ങളുടെ നിറം മങ്ങും. എന്നാൽ ഇൗ ചികിത്​സ ചിലവേറിയതാണ്​. 

Loading...
COMMENTS