Begin typing your search above and press return to search.
exit_to_app
exit_to_app
Homechevron_rightHealth & Fitnesschevron_rightGeneral Healthchevron_rightപിത്താശയ കല്ല്:...

പിത്താശയ കല്ല്: ലക്ഷണങ്ങൾ, തടയാൻ ചെയ്യേണ്ടത്...

text_fields
bookmark_border
പിത്താശയ കല്ല്: ലക്ഷണങ്ങൾ, തടയാൻ ചെയ്യേണ്ടത്...
cancel

ഭക്ഷണം കഴിച്ച്​ അൽപ സമയം കഴിഞ്ഞാൽ വയറിൽ വലതുഭാഗത്ത്​ വേദന തുടങ്ങും. ചിലപ്പോളത്​ വലതു തോളിലേക്കുകൂടി വ്യാപിക്കും. ഒടുവിൽ മഞ്ഞപ്പിത്തമായി. അപ്പോഴാണ്​ സുബൈർ ചികിത്സക്കെത്തുന്നത്​.

സ​ുബൈറിന്​ രോഗലക്ഷണങ്ങൾ തുടങ്ങിയിട്ട്​ കുറെ നാളായി. ചില നാടൻ മരുന്നുകൾ കഴിച്ച്​ വയറുവേദന മാറ്റാൻ ശ്രമിച്ചു. അയാൾക്ക്​ പരിശോധനകളെ പേടിയാണ്​. 'പരിശോധിച്ചാൽ ഓരോരോ രോഗങ്ങൾ ഉണ്ടെന്നു പറയും. പിന്നെ ജീവിതകാലം മുഴുവൻ മരുന്നു കഴിക്കേണ്ടി വരും!'

മറ്റു പലരെയും പോലെ സുബൈറി​െൻറയും വിശ്വാസം ഇങ്ങനെയൊക്കെയാണ്​. പരിശോധനയിൽ പിത്തസഞ്ചിയിൽ കല്ലുണ്ടെന്നു കണ്ടുപിടിച്ചു. പിത്തരസത്തി​​ന്‍റെ ഒഴുക്ക്​ തടസ്സപ്പെട്ടതാണ്​ മഞ്ഞപ്പിത്തത്തിനു കാരണമായത്​.

പിത്താശയവും ദഹനപ്രക്രിയയും

വയറ്റി​ന്‍റെ വലതുഭാഗത്ത്​ കരളിനു തൊട്ടുതാഴെ ചെറിയ ബലൂൺ പോലെ കാണപ്പെടുന്ന അവയവമാണ്​ പിത്തസഞ്ചി. നമ്മുടെ ആഹാരത്തിലടങ്ങിയിരിക്കുന്ന കൊഴുപ്പുകളുടെ ദഹനത്തിന്​ സഹായിക്കുന്ന പിത്തരസത്തെ ശേഖരിച്ചുവെക്കുകയും ആഹാരം കഴിക്കുന്ന സമയത്ത്​ അത്​ ചെറുകുടലിലേക്ക്​ എത്തിക്കുകയും ചെയ്യുന്ന ജോലിയാണ്​ പിത്തസഞ്ചിക്കുള്ളത്​. ഏകദേശം ഏഴ്​ സെൻറിമീറ്റർ നീളവും മൂന്നു സെൻറിമീറ്റർ വീതിയുമുള്ള പിത്താശയത്തിന്​ 30-50 മില്ലി വരെ പിത്തരസം ശേഖരിച്ചുവെക്കാനുള്ള കഴിവുണ്ട്. ദഹനപ്രക്രിയയെ സഹായിക്കുന്നതോടൊപ്പം കരളിൽ ഉപാപചയങ്ങളാൽ രൂപപ്പെടുന്ന ചില മാലിന്യങ്ങളെ പിത്തരസം വഴി പുറന്തള്ളപ്പെടുകയും ചെയ്യുന്നു.

പിത്തസഞ്ചിയുടെ പ്രവർത്തനക്ഷമതയിലുണ്ടാകുന്ന തകരാറുകൾ, പിത്തസഞ്ചിയുടെ സ​ങ്കോചത്തെ തടസ്സപ്പെടുത്തുകയും അത്​ പിത്തലവണങ്ങളും മറ്റും പരലുകളായി രൂപാന്തരപ്പെടാൻ കാരണമാകുകയും ചെയ്യുന്നു. പിത്തരസത്തിലെ കൊഴുപ്പുകൾ, കാൽസ്യം ബിലിറൂബിൽ തുടങ്ങിയവയാണ്​ കല്ലുകളായി രൂപാന്തരപ്പെടുന്നത്​. വലുതും ചെറുതുമായി ഒന്നുമുതൽ നൂറുകണക്കിന്​ കല്ലുകൾ കാണപ്പെടാം.

സാധാരണ ഗതിയിൽ മധ്യവയസ്സോടടുക്കുന്ന വണ്ണമുള്ള സ്​ത്രീകളിലാണ്​ രോഗസാധ്യത ഏറ്റവും കൂടുതൽ. കൂടാതെ വളരെ പെ​ട്ടെന്ന്​ ശരീരഭാരം കുറക്കുന്നത്​, ഗർഭാവസ്ഥ, വ്യായാമക്കുറവ്​, കരൾ രോഗങ്ങൾ, ചുവന്ന രക്താണുക്കൾ കൂടുതൽ നശിക്കപ്പെടുന്നവർ മുതലായവരിൽ പിത്താശയ കല്ലുകൾ ഉണ്ടാകാൻ സാധ്യത കൂടുതലാണ്​. പ്രത്യേകിച്ച്​ കാരണങ്ങൾ ഒന്നും ഇല്ലാതെയും ഈ രോഗം കാണപ്പെടാം. കഠിന വ്യായാമവും രക്​തത്തിലെ അധിക കൊളസ്​ട്രോളും ചിലപ്പോൾ രോഗകാരണമാകാറുണ്ട്​.

രോഗലക്ഷണങ്ങൾ

സാധാരണ ഗതിയിൽ മിക്കവരിലും ഇത്​ വലിയ രോഗലക്ഷണങ്ങൾ ഒന്നും ഉണ്ടാക്കാറില്ല. പലപ്പോഴും ഹെൽത്ത്​ ചെക്കപ്പിലൂടെയോ മറ്റു കാരണങ്ങളാൽ വയറ്റി​ന്‍റെ സ്​കാൻ ചെയ്​തു നോക്കു​േമ്പാഴോ ആണ്​ രോഗം കണ്ടെത്തുന്നത്. ചുരുക്കം ചിലരിൽ ഭക്ഷണശേഷം വയറ്റി​ന്‍റെ വലതുഭാഗത്തായി വേദന അനുഭവപ്പെടുകയും അത്​ ചിലപ്പോൾ വലത്​ തോളിലേക്ക്​ വ്യാപിക്കുന്നതായും കാണാം. പിത്തസഞ്ചിയിലെ കല്ല്​ അവിടെനിന്ന്​ പിത്തനാളിയിലെത്തി പിത്തരസത്തി​ന്‍റെ കുടലിലേക്കുള്ള ഒഴുക്കിനെ തടസ്സപ്പെടുത്തു​േമ്പാഴാണ്​ പലപ്പോഴും രോഗലക്ഷണങ്ങൾ പ്രത്യക്ഷപ്പെടുന്നത്. ഈ കല്ലുകൾ ചിലപ്പോൾ പാൻക്രിയാസ്​ ഗ്രന്ഥിയുടെ വീക്കത്തിനും കാരണമാകാം. പിത്തരസത്തി​​ന്‍റെ ഒഴുക്ക്​ തടസ്സപ്പെട്ടാൽ ചിലപ്പോൾ മഞ്ഞപ്പിത്തത്തിനും പിത്തസഞ്ചിയിലെ അണുബാധക്കും കാരണമാകും.

രോഗം എളുപ്പം കണ്ടെത്താം

സാധാരണ ഗതിയിൽ വയറ്റി​ന്‍റെ ഒരു അൾട്രാസൗണ്ട്​ സ്​കാനിങ്ങിലൂടെ രോഗം കണ്ടെത്താം. കൂടാതെ ചില രക്​തപരിശോധനകളും വേണ്ടിവന്നേക്കാം. എന്നാൽ, ചിലപ്പോൾ സി.ടി സ്​കാൻ, എം.ആർ.ഐ സ്​കാൻ മുതലായ പരിശോധനകൾ ആവശ്യമായി വരാം.

കല്ലുകളെ അലിയിച്ചുകളയാം

രോഗലക്ഷണങ്ങളില്ലാത്തവരിൽ പലപ്പോഴും പിത്താശയ കല്ലുകൾക്ക്​ ചികിത്സ വേണ്ടിവരാറില്ല. എന്നാൽ, രോഗലക്ഷണങ്ങൾ കണ്ടുതുടങ്ങിയാൽ പലപ്പോഴും ചികിത്സ അനിവാര്യമായേക്കും. ചില മരുന്നുകളുപയോഗിച്ച്​ കൊളസ്​ട്രോൾ കല്ലുകളെ അലിയിച്ചുകളയാനാകും. എന്നാൽ, വീണ്ടും വരാനുള്ള സാധ്യത തള്ളിക്കളയാനാകില്ല.

ശാശ്വത പരിഹാരം ശസ്​ത്രക്രിയ വഴി പിത്തസഞ്ചി നീക്കം ചെയ്യുകയാണ്​. താക്കോൽദ്വാര ശസ്​ത്രക്രിയയിലൂടെയാണ്​ ഇത്​ ചെയ്യുന്നതെങ്കിൽ ദിവസങ്ങൾക്കുള്ളിൽ സാധാരണ പ്രവൃത്തികളിലേർപ്പെടാൻ കഴിയും. പിത്തസഞ്ചി നഷ്​ടപ്പെടുന്നതുകൊണ്ട്​ ഭാവിയിൽ പ്രത്യേകിച്ച്​ ആരോഗ്യപ്രശ്​നങ്ങൾ ഒന്നും ഉണ്ടാകാറില്ല.

പരിശോധനകളിലൂടെ യഥാസമയം രോഗാവസ്​ഥ കണ്ടെത്തിയാൽ സങ്കീർണതകളിലേക്കു പോകാതെ മിക്ക രോഗങ്ങളും ചികിത്സിക്കാൻ ഇന്ന്​ ആധുനിക വൈദ്യശാസ്​ത്രത്തിന്​ കഴിയും.

പിത്തസഞ്ചിയിലെ കല്ലുകൾ തടയാൻ ചെയ്യേണ്ടത്​

•കൂടുതൽ നാരടങ്ങിയ (Fiber) ഭക്ഷണപദാർഥങ്ങൾ കഴിക്കുക. പഴങ്ങൾ, പച്ചക്കറികൾ മുതലായവ.

•ധാന്യങ്ങളിൽ തവിട്​ കളയാത്ത അരി, ഗോതമ്പ്, ഓട്​സ്​ മുതലായവ നല്ലതാണ്​.

•മധുരപലഹാരങ്ങൾ, പഞ്ചസാര ഇവ കുറക്കുക.

•ധാരാളം കൊഴുപ്പടങ്ങിയ ഭക്ഷണങ്ങൾ, ഫാസ്​റ്റ്​ഫുഡ്​ മുതലായവ കുറക്കുക.

•വളരെ വേഗം ശരീരഭാരം കുറക്കാൻ ശ്രമിക്കരുത്. സാവധാനമേ പാടുള്ളൂ.

Show Full Article
TAGS:Gallstones 
News Summary - gallstones causes and symptoms
Next Story