കോവിഡ് പ്രതിരോധ കുത്തിവെപ്പ്: സംശയങ്ങൾക്ക് മറുപടി

കോവിഡ്​ മഹാമാരിയായി പടർന്ന്​ ജീവവേട്ട തുടരുകയാണ്​. ര​ണ്ടാം ത​രം​ഗ​ത്തിൽ രോ​ഗ​വ്യാ​പ​നം കൂടുതൽ രൂ​ക്ഷ​മാ​യിരിക്കുന്നു. സർക്കാറും ആരോഗ്യവകുപ്പും ​പൊലീസും മാത്രമല്ല, നമ്മളോരോരുത്തരും കൂടുതൽ ജാഗ്രത പാലിച്ചാൽ മാത്രമേ കോവിഡിനെതിരെയുള്ള പ്രതിരോധം ഫലവത്താകൂ.

ര​ണ്ടാംത​രം​ഗ​ത്തി​ല്‍ രോഗബാധയുടെ ല​ക്ഷ​ണ​ങ്ങ​ളി​ലും മാ​റ്റം സം​ഭ​വി​ച്ചി​ട്ടു​ണ്ട്. ആ​ദ്യ​ഘ​ട്ട​ത്തി​ലെ ല​ക്ഷ​ണ​ങ്ങ​ളാ​യി​രു​ന്ന പ​നി, ശ​രീ​ര​വേ​ദ​ന, വ​യ​റി​ള​ക്കം, ജ​ല​ദോ​ഷം, മ​ണ​മി​ല്ലാ​യ്മ എ​ന്നി​വ​ക്കു​പു​റ​മെ ശ​രീ​ര​വേ​ദ​ന, സ​ന്ധി​വേ​ദ​ന, ത​ള​ര്‍ച്ച എ​ന്നിവയും അ​നു​ഭ​വ​പ്പെ​ടു​ന്നു​ണ്ട്. പ്ര​ത്യേ​കി​ച്ചും ചെ​റു​പ്രാ​യ​ക്കാ​രി​ലാ​ണ് ഇ​ത്ത​ര​ത്തി​ലു​ള്ള രോ​ഗ​ല​ക്ഷ​ണ​ങ്ങ​ള്‍ കൂ​ടു​ത​ലാ​യി ക​ണ്ടു​വ​രു​ന്ന​ത്.

ലോകമൊട്ടാകെയുള്ള വൈദ്യശാസ്​ത്ര രംഗത്തെ ശാസ്​ത്രജ്​ഞന്മാരുടെ ഒറ്റ വർഷത്തെ കഠിനപ്രയത്​നം കൊണ്ട്​ കൊറോണ വൈറസിനെതിരെയുള്ള പ്രതിരോധ മരുന്ന്​ രൂപപ്പെടുത്തിയെടുക്കാൻ കഴിഞ്ഞു എന്നത്​ വലിയ നേട്ടമാണ്​. നമ്മുടെ രാജ്യത്ത്​, വിശേഷിച്ച്​ കേരളത്തിൽ അതി​െൻറ വിതരണം വളരെ വേഗം തുടങ്ങാനായത്​ ഭാഗ്യം.

വാക്​സിൻ വിതരണം രണ്ടു ഘട്ടം പിന്നിട്ട്​ മൂന്നാം ഘട്ടത്തിലെത്തിയിരിക്കുന്നു. പക്ഷേ, ഇപ്പോഴും വാക്​സിൻ സംബന്ധിച്ച ആശങ്കകളും കോവിഡിനൊപ്പം പടർന്നുപിടിക്കുകയാണ്​. തെറ്റായ പ്രചാരണങ്ങളും നടക്കുന്നു. ലൈംഗികശേഷിയെയും സന്താനോൽപാദനത്തെയും ബാധിക്കുമെന്നു വരെ ആശങ്ക പരത്തുന്നവരുണ്ട്. ഇൗ വിഷയങ്ങളിലൊന്നും ഒരു പഠനവും നടത്തിയവരല്ല ഇതൊക്കെ പറയുന്നത്​ എ​േന്നാർക്കണം. അതോടൊപ്പം, ആദ്യ ഘട്ടത്തിൽ ആരോഗ്യ

പ്രവർത്തകർക്കും 55 വയസ്സിനു മുകളിലുള്ളവർക്കും നമ്മൾ വാക്​സിനെടുത്തുകഴിഞ്ഞു. അവർക്കാർക്കും കാര്യമായ പ്രശ്​നങ്ങൾ റിപ്പോർട്ട്​ ചെയ്​തിട്ടില്ല എന്ന വസ്​തുത വിസ്​മരിക്കരുത്​. ആരോഗ്യമുള്ള സമൂഹത്തെ സൃഷ്​ടിക്കാനും കോവിഡ്​ മഹാമാരിയെ പിടിച്ചുകെട്ടാനും പ്രതിരോധ കുത്തിവെപ്പുമായി എല്ലാ അർഥത്തിലും നമ്മൾ സഹകരിക്കേണ്ടതുണ്ട്​.

കോവിഡ്​ വാക്​സിനേഷൻ സംബന്ധിച്ച്​ സമൂഹമാധ്യമങ്ങൾ വഴി​ ശേഖരിച്ച സംശയങ്ങൾക്ക്​ ഡോ. എസ്​.കെ. സുരേഷ്​ കുമാർ മറുപടി പറയുന്നു.

1. ഇ​ന്ത്യ​യി​ൽ കോ​വി​ഡ്​ ​ബാ​ധ​ക്കെ​തി​ രെ ഏ​തൊ​ക്കെ പ്ര​തി​രോ​ധ കു​ത്തി​വെ​പ്പു​ക​ളാ​ണുള്ള​ത്​?

a) കോ​വി​ഷീ​ൽ​ഡ്​:
ഇം​ഗ്ല​ണ്ടി​ലെ ഓ​ക്​സ്​ഫ​ഡ്​ യൂ​നി​വേ​ഴ്​​സി​റ്റി​യും 'ആസ്​​ട്രാ​സെ​ന​ക' മ​രു​ന്നു​ക​മ്പ​നി​യും ചേർന്ന്​ വി​ക​സി​പ്പി​ച്ചെ​ടു​ത്ത സാ​​ങ്കേ​തി​ക വി​ദ്യ​യു​പ​യോ​ഗി​ച്ച്​ നി​ർ​മി​ക്കു​ന്ന വാക്​സിനാണ്​ കോ​വി​ഷീ​ൽ​ഡ്. ലോ​ക​ത്തി​ലെത​ന്നെ ഏ​റ്റ​വും വ​ലി​യ വാക്​സിൻ നി​ർ​മാതാക്കളിലൊന്നായ സി​റം ഇ​ൻ​സ്​​റ്റി​റ്റ്യൂ​ട്ട്​ ഓ​ഫ്​ ഇ​ന്ത്യയാണ്​ ഇൗ മരുന്ന്​ ഇന്ത്യയിൽ ഉണ്ടാക്കുന്നത്​. ചി​മ്പ​ാൻ​സി​ക​ളി​ൽ ജ​ല​ദോ​ഷ​പ്പ​നി​യു​ണ്ടാ​ക്കു​ന്ന 'അ​ഡി​നോ വൈ​റ​സുക​ളു​ടെ വീ​ര്യംകു​റ​ച്ച്​ അ​തി​​െൻറ പെ​റ്റു​പെ​രു​കാ​നു​ള്ള ശേ​ഷി ഇ​ല്ലാ​താ​ക്കി, അ​വ​യി​ൽ കോ​വി​ഡ്​ വൈ​റ​സി​​ന്‍റെ ചി​ല പ്രോ​ട്ടീ​നു​ക​ൾ (സ്​​പൈ​ക്ക്​ പ്രോ​ട്ടീ​നു​ക​ൾ) കൂ​ട്ടി​ച്ചേ​ർ​ത്ത്​ ന​മ്മു​ടെ ശ​രീ​ര​ത്തി​ൽ കു​ത്തി​വെ​ക്കു​ന്നു. ശ​രീ​ര​ത്തി​ൽ രോ​ഗ​പ്ര​തി​രോ​ധ​ത്തി​ന്​ സ​ഹാ​യി​ക്കു​ന്ന കോ​ശ​ങ്ങ​ൾ ഈ ​പ്രോ​ട്ടീ​നു​ക​ളെ തി​രി​ച്ച​റി​യു​ക​യും അ​വ​ക്കെ​തി​രെ ആ​ൻ​റി​ബോ​ഡി​ക​ൾ നി​ർ​മി​ച്ച്​ പ്ര​തി​രോ​ധ ശ​ക്തി​യു​ണ്ടാ​ക്കു​ക​യും ചെ​യ്യു​ന്നു.

b) കോ​വാക്​​സി​ൻ:
പൂ​ർ​ണ​മാ​യും ഇ​ന്ത്യ​ൻ നി​ർ​മി​തം. ഇ​ന്ത്യ​ൻ കൗ​ൺ​സി​ൽ ഓ​ഫ്​ മെ​ഡി​ക്ക​ൽ റി​സ​ർ​ച്​ (ICMR)​ന്‍റെ കീ​ഴി​ലു​ള്ള നാ​ഷ​ന​ൽ ഇ​ൻ​സ്​​റ്റി​റ്റ്യൂ​ട്ട്​ ഓ​ഫ്​ വൈ​റോ​ള​ജി​യി​ൽ വേ​ർ​തി​രി​ച്ചെ​ടു​ത്ത കോവി​ഡ്​ വൈ​റ​സു​ക​ളെ നി​ർ​ജീ​വ​മാ​ക്കി​യാ​ണ്​ കോ​വാ​ക്​​സി​ൻ നി​ർ​മി​ക്കു​ന്ന​ത്. ഇ​വ ര​ണ്ടും ഇ​ട​ത്തേ കൈ​യി​ൽ പേ​ശി​ക്കു​ള്ളി​ലാ​​ണ്​ കു​ത്തി​വെ​ക്കു​ന്ന​ത്.

2. വാ​ക്​​സി​ൻ എ​ടു​ക്കു​ന്ന​ത്​​ കോവിഡ് വ​രാൻ ഇടയാക്കില്ലേ?

ഒ​രി​ക്ക​ലു​മി​ല്ല. ജ​ീവനു​ള്ള കോവിഡ് വൈറ​സു​ക​ളെ​യ​ല്ല കു​ത്തി​വെ​പ്പി​ന്​ ഉ​പ​യോ​ഗി​ക്കു​ന്ന​ത്. അ​തു​കൊ​ണ്ടു​ത​ന്നെ കു​ത്തി​വെ​പ്പ്​ കാരണം രോ​ഗം വ​രി​ല്ല.

3. കോ​വി​ഡ്​ വ​ന്ന ചി​ല​രിൽ വീ​ണ്ടും രോ​ ഗം വ​രു​ന്ന​താ​യി കാ​ണു​ന്നു. അ​തു​പോ​ലെ പ്ര​തി​രോ​ധ കു​ത്തി​വെ​പ്പെ​ടു​ത്ത​വ​ർ​ക്ക്​ രോ​ഗ​സാ​ധ്യ​ത​യു​ണ്ടോ?

ഇപ്പോ​ൾ ഉ​പ​യോ​ഗി​ക്കു​ന്ന ര​ണ്ടു വാ​ക്​​സി​നും 100 ശ​ത​മാ​നം പ്ര​തി​രോ​ധം ഉറപ്പു നൽകുന്നില്ല. 70 മു​ത​ൽ 85 ശ​ത​മാ​നം വ​രെ സം​ര​ക്ഷ​ണമാണ്​ ഇ​വ വാ​ഗ്​​ദാ​നം ചെ​യ്യു​ന്നത്​. എ​ന്നാ​ൽ, പ്ര​തി​രോ​ധ കു​ത്തി​വെ​പ്പ്​ സ്വീ​ക​രി​ച്ച​വ​രി​ൽ മ​ര​ണ​സാ​ധ്യ​ത​യും രോ​ഗം മൂ​​ർ​ച്ഛി​ക്കാ​നു​ള്ള സാ​ധ്യ​ത​യും വ​ള​രെ കു​റ​വാ​ണ്.

4. കു​ത്തി​വെ​പ്പ്​ എ​ടു​ത്തുകഴിഞ്ഞാൽ ഉ​ട​ൻ വീ​ട്ടി​ലേ​ക്ക്​ മ​ട​ങ്ങാ​മോ?

ഇ​ല്ല. വാക്​സിനെടു​ത്താ​ൽ അ​ര മ​ണി​ക്കൂ​ർ നേ​രം കു​ത്തി​വെ​പ്പ്​ കേ​ന്ദ്ര​ത്തി​ൽത​ന്നെ നി​രീ​ക്ഷ​ണ​ത്തി​ലാ​യി​രി​ക്കും. അ​തി​നു​ശേ​ഷം മാ​ത്ര​​േമ മ​ട​ങ്ങാ​ൻ പാ​ടു​ള്ളൂ.

5. വാക്​സിനെടുത്ത ദിവസം വിശ്രമം ആവശ്യമുണ്ടോ?

വാ​ക്​​സി​നെ​ടു​ക്കു​ന്ന ദി​വ​സം ക​ന​ത്ത ജോ​ലി​ക​ളി​ൽ ഏ​ർ​പ്പെ​ടാ​തി​രി​ക്കു​ന്ന​ത്​​ ന​ല്ല​താണ്​.

6. കുത്തിവെപ്പെടുത്ത പലർക്കും പനി, ശരീരവേദന തുടങ്ങിയ അസ്വസ്​ഥതകൾ കാണുന്നു. കോവിഡ്​ വാക്​സിന്​ പാ​ർ​ശ്വ​ഫ​ല​ങ്ങ​ളു​ണ്ടോ?

സാ​ധാ​ര​ണ പ​ല പ്ര​തി​രോ​ധ കു​ത്തി​വെ​പ്പു​ക​ളെ​ പോ​ലെ​, കു​ത്തി​വെ​ച്ച ിട​ത്ത്​ അ​ൽ​പം ത​ടി​പ്പ്, വേ​ദ​ന, ചു​മ​പ്പുനി​റം, എ​ടു​ത്ത ദി​വ​സ​മോ അ​ടു​ത്ത ദി​വ​സ​മോ ചെ​റി​യ പ​നി, ത​ല​വേ​ദ​ന, ശ​രീ​രവേ​ദ​ന, ഓ​ക്കാ​നം, സ​ന്ധി​വേ​ദ​ന, ക്ഷീ​ണം ഇവയിലേതെങ്കിലുമൊക്കെ ചി​ല​പ്പോ​ൾ ഉ​ണ്ടാ​യേ​ക്കാം. എ​ന്നാ​ൽ, ഇ​തെ​ല്ലാം ത​ന്നെ ഒ​ന്നോ ര​ണ്ടോ ദി​വ​സ​ത്തെ ചി​കി​ത്സ​കൊ​ണ്ട്​ പൂ​ർ​ണ​മാ​യും ഭേ​ദ​മാ​കും. പ​ല​പ്പോ​ഴും ചി​കി​ത്സ വേ​ണ്ടി​വ​രി​ല്ല എ​ന്ന​താ​ണ്​ വ​സ്​​തു​ത. യ​ഥാ​ർ​ഥ​ത്തി​ൽ ഇ​വ പാ​ർ​ശ്വ​ഫ​ല​ങ്ങ​ള​ല്ല; വാ​ക്​​സി​നോ​ടു​ള്ള ശ​രീ​ര​ത്തി​​ന്‍റെ സ്വാ​ഭാ​വി​ക പ്ര​തി​ക​ര​ണ​ത്തി​​ന്‍റെ ഭാ​ഗ​മാ​ണ്.

7. കോവിഡ്​ വാക്​സിൻ എത്ര ഡോ​സു​ക​ൾ എ​ടു​ക്ക​ണം?

കോ​വി​ഷീ​ൽ​ഡും കോ​വാ​ക്​​സി​നും ര​ണ്ട്​ ഡോ​സ്​ എ​ടു​ക്കണം. ആ​ദ്യ ഡോ​സ്​ എ​ടു​ത്തു​ക​ഴി​ഞ്ഞ്​ ആ​റു​മു​ത​ൽ എ​ട്ട്​ ആ​ഴ്​​ച​ക​ൾ​ക്കു​ ശേ​ഷ​മാ​ണ്​ കോ​വി​ഷീ​ൽ​ഡ്​ വാ​ക്​​സി​ൻ ര​ണ്ടാം ഡോ​സ്​ എ​ടു​ക്കേ​ണ്ട​ത്. കോ​വാ​ക്​​സി​ൻ ര​ണ്ടാം ഡോ​സ്​ 28 ദി​വ​സ​ങ്ങ​ൾ​ക്കു​ ശേ​ഷം എ​ടു​ക്ക​ണം.

8. ഒ​രു ഡോ​സ്​ മാ​ത്രം എ​ടു​ത്താ​ൽ പ്രതിരോധ ശേഷി ലഭിക്കില്ലേ? രണ്ടാം ഡോസ്​ എടുത്തില്ലെങ്കിൽ കുഴപ്പമുണ്ടോ?

ആ​ദ്യ ഡോ​സ്​ എ​ടു​ക്കു​ന്ന​തി​ലൂ​ടെ കോ​വി​ഡി​നെ​തി​രെ ന​മ്മു​ടെ ശ​രീ​രം പ്ര​തി​രോ​ധ​ത്തി​ന്​ തു​ട​ക്ക​മി​ടു​കയും ഭാ​ഗി​ക പ​രി​ര​ക്ഷ ല​ഭ്യ​മാ​വുക​യും ചെ​യ്യു​ന്നു. ര​ണ്ടാ​മ​ത്തെ ഡോ​സ്​ (Booster dose) ​രോ​ഗം പ്ര​തി​രോ​ധിക്കാനുള്ള ശേ​ഷി ഗ​ണ്യ​മാ​യി വ​ർ​ധി​ക്കാ​ൻ സ​ഹാ​യി​ക്കു​ന്നു. ര​ണ്ടാ​മ​ത്തെ ഡോ​സ്​ കു​ത്തി​വെ​പ്പെ​ടു​ത്ത്​ ര​ണ്ടാ​ഴ്​​ച ക​ഴി​യുന്നതോടെയാണ്​ നമ്മുടെ ശരീരം പൂർണമായി പ്രതിരോധശേഷി ആ​ർ​ജി​ക്കു​ന്ന​ത്​.
ഒ​രു ഡോ​സ്​ മാ​ത്ര​മെ​ടു​ത്ത​യാളെ പൂർണമായി കു​ത്തി​വെ​പ്പെ​ടു​ത്ത​താ​യി ക​ണ​ക്കാ​ക്കി​ല്ല. കു​ത്തി​വെ​പ്പ്​ എ​ടു​ത്ത​താ​യ സാ​ക്ഷ്യ​പ​ത്ര​വും ലഭി​ക്കില്ല.

9. ഈ കു​ത്തി​വെ​പ്പ്​ കോ​വി​ഡ്​ രോ​ഗ​ത്തി​നെ​തി​രെ ആ​ജീ​വനാ​ന്ത പ്ര​തി​രോ​ധം ലഭ്യമാക്കു​മോ?

കൊറോണ പുതിയ വൈറസാണല്ലോ. ഈ രോഗവും വാക്​സിനും പുതിയതാണ്​. അതുകൊണ്ടു തന്നെ ​പ്ര​തി​രോ​ധം എ​ത്ര​നാ​ൾ നി​ല​നി​ൽ​ക്കും എ​ന്ന​്​ കൃത്യമായി പറയാൻ ഇപ്പോൾ ശാ​സ്​​ത്ര​ലോ​ക​ത്തി​ന്​ കഴിയി​ല്ല. ഇ​പ്പോ​ഴ​ത്തെ അ​റി​വു​ക​ൾ വെ​ച്ച്​ രോ​ഗ​ബാധ ത​ട​യാൻ ഇത്​ 75-85 ശ​ത​മാ​ന​ം വരെ ഫ​ല​പ്ര​ദ​മാ​ണ്.

10. ര​ണ്ട്​ ഡോ​സു​ക​ളും ഒ​രേ വാ​ക്​​സി​ൻ ത​ന്നെ വേ​ണം എ​ന്നു​ നിർബന്ധമുണ്ടോ?

തീ​ർ​ച്ച​യാ​യും. ആ​ദ്യ ഡോ​സ്​ എടുത്ത​ വാ​ക്​​സി​ൻ തന്നെ ര​ണ്ടാ​മ​​തും എടുക്കണം. ഇ​ത്​ മാ​റിയെടുക്കാമോ, മാ​റിയാൽ പ്ര​ശ്​​ന​മുണ്ടോ തുടങ്ങിയ കാര്യങ്ങളിൽ പ​ഠ​ന​ങ്ങ​ൾ ന​ട​ക്കു​ക​യാ​ണ്.

11. ര​ണ്ടാ​മ​ത്തെ ഡോ​സി​ന്​ പാ​ർ​ശ്വ​ഫ​ല​ങ്ങ​ൾ കൂ​ടു​ത​ലാ​ണോ?

ഒ​ന്നാ​മ​ത്തെ ഡോ​സ്​ എടുക്കുന്നതോടെ ശ​രീ​ര​ത്തി​ന്​ ഭാ​ഗി​ക​മാ​യി പ്ര​തി​രോ​ധശ​ക്​തി കി​ട്ടു​ന്നു. അ​തിനാൽ കൊറോണ വൈ​റ​സി​​ന്‍റെ പ്രോ​ട്ടീ​നു​ക​ൾ ശ​രീ​ര​ത്തി​ൽ ക​ട​ക്കു​േ​മ്പാ​ൾ അ​വ​ക്കെ​തി​രെ ശ​രീ​രം പ്ര​തി​പ്ര​വ​ർ​ത്തി​ക്കും. അതു കാരണം മു​മ്പ്​ പ​റ​ഞ്ഞ ക്ഷീ​ണം, ശ​രീ​ര​വേ​ദ​ന, സ​ന്ധി​വേ​ദ​ന, പ​നി മു​ത​ലാ​യ​വ ചി​ല​പ്പോ​ൾ അ​ൽ​പം അ​ധി​കം കാ​ണാനും സാധ്യതയുണ്ട്​; പ്ര​ത്യേ​കി​ച്ചും ചെ​റു​പ്പ​ക്കാ​രി​ൽ. ഇ​ത്​ ക്ഷ​ണി​ക​മാ​ണ്. പേ​ടി​ക്കേ​ണ്ട​തി​ല്ല.

12. കോവിഡ് രോഗമുള്ള ഒരാൾക്ക് പ്രതിരോധ കുത്തിവെപ്പ് എടുക്കാമോ?

രോഗം സ്ഥിരീകരിച്ച് 90 ദിവസത്തിനു ശേഷം മാത്രമെ പ്രതിരോധ കുത്തിവെപ്പെടുക്കാൻ സെൻറർ േഫാർ ഡിസീസ് കൺട്രോൾ (CDC) അനുമതി നൽകുന്നുള്ളൂ. എന്നാൽ ഇത് മോണോ ക്ലോണൽ ആൻറിബോഡി ചികിൽസ, കൺവാലസൻറ് സിറം മുതലായവ രോഗചികിൽസക്കിടെ വേണ്ടി വന്നവർക്ക് മാത്രമാണ്. അല്ലാത്തവർക്ക് രോഗലക്ഷണങ്ങൾ മാറിയതിന് ശേഷം 14 ദിവസം കഴിഞ്ഞ് വാക്സിൽ സ്വീകരിക്കാം.

13. ഗ​ർ​ഭി​ണി​ക​ളും മു​ല​യൂ​ട്ടു​ന്ന അ​മ്മ​മാ​രും പ്ര​തി​രോ​ധ കു​ത്തി​വെ​പ്പെ​ടു​ക്കാ​ൻ പാ​ടു​ണ്ടോ?

മുലയൂട്ടുന്ന അമ്മമാർ കോവിഡ് വാക്​സിനെക്കുന്നതിൽ കുഴപ്പമില്ല. കോവിഡ്​ വാക്​സിൻ മുലപ്പാലിലൂടെ കുഞ്ഞി​െൻറ ശരീരത്തിലേക്ക്​ പകരില്ല. ഗ​ർ​ഭി​ണി​ക​ളി​ൽ കോവിഡ്​ വാക്​സിൻ സു​ര​ക്ഷി​തമാണോ എന്ന കാര്യത്തിൽ പഠനങ്ങൾ നടക്കുകയാണ്​. പ​ഠ​ന റി​പ്പോ​ർ​ട്ടു​ക​ൾ വ​രു​ന്ന​തു​വ​രെ കു​ത്തി​വെ​പ്പി​ൽനി​ന്ന്​ മാറിനി​ൽ​ക്കാം. എന്നാൽ എടുക്കുന്നതിൽ വിലക്കൊന്നുമില്ല. ചി​ല രാ​ജ്യ​ങ്ങ​ളി​ൽ, ഗ​ർ​ഭി​ണി​ക​ൾ സ്വ​യം സ​ന്ന​ദ്ധ​ത അ​റി​യി​ച്ചാ​ൽ പ്ര​തി​രോ​ധ കു​ത്തി​വെ​പ്പ്​ കൊ​ടു​ക്കു​ന്നു​ണ്ട്.

14. കോ​വി​ഡ്​ കു​ത്തി​വെ​പ്പ്​ ലൈം​ഗി​ക ശേ​ഷിയോ പ്ര​ത്യു​ൽ​പാ​ദ​നശേ​ഷിയോ കു​റ​യാൻ കാരണമാകുമോ?

ഇ​ല്ല. ഇ​വ തി​ക​ച്ചും അ​ബ​ദ്ധ​ധാ​ര​ണ​ക​ളാ​ണ്. ലൈം​ഗി​ക ശേ​ഷി​യെ​യോ പ്ര​ത്യു​ൽ​പാ​ദ​ന ശേ​ഷി​യെ​യോ കോവിഡ്​ വാ​ക്​​സി​ൻ ഒ​രു ത​ര​ത്തി​ലും ബാ​ധി​ക്കു​ന്നി​ല്ല.

15. ര​ക്​​ത​സ​മ്മ​ർ​ദം, പ്ര​മേ​ഹം, ഹൃ​ദ്രോ​ഗം മു​ത​ലാ​യ ജീ​വി​തശൈ​ലീ രോ​ഗ​ങ്ങ​ൾ​ക്ക്​ മ​രു​ന്നു​ക​ൾ ക​ഴി​ക്കു​ന്ന​വ​ർ​ക്ക്​ കോവിഡ്​ പ്ര​തി​രോ​ധ കു​ത്തി​വെ​പ്പ്​ എ​ടു​ക്കാ​മോ?

തീ​ർ​ച്ച​യാ​യും. ഇ​ത്ത​രം അ​നു​ബ​ന്ധ രോ​ഗ​ങ്ങ​ളു​ള്ള​വ​രി​ലാ​ണ്​ കോ​വി​ഡ്​ രോ​ഗതീ​വ്ര​ത വ​ർ​ധി​ച്ചു​കാ​ണു​ന്ന​ത്. അ​തു​കൊ​ണ്ടു​ത​ന്നെ ഇ​ത്ത​രം രോ​ഗ​ങ്ങ​ളു​ള്ള​വ​ർ തീ​ർ​ച്ച​യാ​യും പ്ര​തി​രോ​ധ കു​ത്തി​വെ​പ്പെ​ടു​ത്ത്​​ രോ​ഗ​സാ​ധ്യ​ത പ​ര​മാ​വ​ധി കു​റ​ക്ക​ണം.

16. മ​റ്റ്​ അ​സു​ഖ​ങ്ങ​ൾ​ക്ക്​ മ​രു​ന്നു​ ക​ഴി​ക്കു​ന്ന​വ​ർ കു​ത്തി​വെ​പ്പ്​ ദി​വ​സം മ​രു​ന്നു​ക​ൾ ഒഴിവാക്കേണ്ടതു​ണ്ടോ?

ഇ​ല്ല. ക​ഴി​ച്ചു​കൊ​ണ്ടി​രി​ക്കു​ന്ന മ​രു​ന്നു​ക​ൾ സാ​ധാ​ര​ണ​പോ​ലെ കു​ത്തി​വെ​പ്പ്​ ദി​വസ​വും ക​ഴിക്ക​ണം.

17. അർബുദ രോ​ഗി​ക​ൾ​ക്ക്​ പ്ര​തി​രോ​ധ കു​ത്തി​വെ​പ്പ്​ എ​ടു​ക്കാ​മോ?

എ​ടു​ക്കാം. എ​ന്നാ​ൽ പ്ര​തി​രോ​ധ​ശേ​ഷി കു​റ​ക്കു​ന്ന മ​രു​ന്നു​ക​ൾ ക​ഴി​ക്കു​ന്ന രോ​ഗി​ക​ളാണെങ്കിൽ അ​വ​രെ ചി​കി​ത്സി​ക്കു​ന്ന ഡോ​ക്​​ട​റോ​ട്​ നി​ർ​ദേ​ശം ആ​രാ​യു​ന്ന​ത്​ ന​ല്ല​താ​ണ്​.

18. അ​ല​ർ​ജി​യു​ള്ള​വ​ർക്ക്​ കോവിഡ്​ വാക്​സിനെടുക്കാമോ?

ക​ടു​ത്ത അ​ല​ർ​ജി​യു​ള്ള​വ​ർ വി​ട്ടു​നി​ൽ​ക്കു​ക​യോ വി​ദ​ഗ്​​ധോ​പ​ദേ​ശം തേ​ടു​ക​യോ വേ​ണം. ഡോക്​ടറുടെ നിർദേശപ്രകാരം തീരുമാനമെടുക്കുക.

19. കു​ട്ടി​ക​ൾ​ക്ക്​ ഈ ​കു​ത്തി​വെ​പ്പു​ക​ൾ സു​ര​ക്ഷി​ത​മോ?

ഇ​പ്പോ​ഴു​ള്ള നി​ർ​ദേ​ശ​പ്ര​കാ​രം ഈ ​പ്ര​തി​രോ​ധ കു​ത്തി​വെ​പ്പു​ക​ളെ​ല്ലാം 18 വ​യ​സ്സിനു​ മു​ക​ളി​ലു​ള്ള​വ​ർ​ക്കാ​ണ്. കു​ട്ടി​ക​ളി​ൽ കോവിഡ്​ ​കു​ത്തി​വെ​പ്പി​െൻറ സു​ര​ക്ഷി​ത​ത്വം, രോ​ഗ​പ്ര​തി​രോ​ധ സാ​ധ്യ​ത ഇ​വ​യെ​പ്പ​റ്റി പ​ഠ​ന​ങ്ങ​ൾ ന​ട​ക്കു​ന്ന​തേ​യു​ള്ളൂ.

20. കുത്തിവെപ്പെടുത്താലൂം 10-15 ശതമാനം പേരിൽ രോഗം വരാൻ സാധ്യതയുണ്ട്​ എന്ന്​ ശാസ്​ത്രലോകം തന്നെ പറയുന്നുണ്ടല്ലോ. അപ്പോൾ വാക്​സിനേഷൻ എങ്ങനെ സുരക്ഷിതമാവും?

വാക്​സിൻ 85 ശതമാനം ​രോഗസാധ്യത തടയും എന്നാണ്​ ശാസ്​ത്രലോകം വാഗ്​ദാനം ചെയ്യുന്നത്. 15 ശതമാനം പേർക്ക്​ വാക്​സിനെടുത്തിട്ട്​ കാര്യമില്ല എന്നല്ല, ചിലപ്പോൾ ചിലരിൽ ഇൗ മരുന്ന്​ ഫലം ചെയ്യാതെ വന്നേക്കാം, അതിനുള്ള സാധ്യത 15 ശതമാനത്തിൽ താഴെ മാത്രമാണ്​ എന്നാണ്​ മനസ്സിലാക്കേണ്ടത്​. എന്നാൽ അവരിൽ പോലും രോഗതീവ്രതയും കോവിഡ് മൂലമുണ്ടായേക്കാവുന്ന മരണസാധ്യതയും കുറയുന്നു.
ലോകം മുഴുവൻ ഒരു മഹാമാരിയെ പിടിച്ചുകെട്ടാൻ ഒന്നിച്ചുനിൽക്കു​േമ്പാൾ നമ്മളും ഒപ്പം ചേരുകയാണ്​ വേണ്ടത്​.

തയാറാക്കിയത്​: എം. കുഞ്ഞാപ്പ