കരുതണം, കൊറോണക്കൊപ്പം പടരുന്ന വ്യാജ വൈറസുകളെയും

ജനീവ: കൊറോണ പടർന്നുപിടിക്കുന്നതിനേക്കാൾ വേഗത്തി​ലാണ്​ ​​െകാറോണയെ സംബന്ധിച്ച അഭ്യൂഹങ്ങളുടെ പ്രചരണം. വിവ ിധ രാജ്യങ്ങളിൽ കൊറോണ രോഗ ഭീതി നിലനിൽക്കുന്ന സാഹചര്യത്തിൽ ‘വാട്​സ്​ആപ്​ ഡോക്​ടർമാർക്ക്​’ ഉറക്കമില്ലാതായ ി. കണ്ടതും കേട്ടതുമെല്ലാം സന്ദേശങ്ങളായി പരന്നുതുടങ്ങി. ഈ സാഹചര്യത്തിൽ വ്യാജന്മാരെ വിശ്വസിച്ച്​ ചികിത്സ തേടാത ിരുന്നാൽ സ്വന്തം തടിയാകും കേടാവുകയെന്ന്​ ഓർമപ്പെടുത്തുകയാണ്​ ലോകാരോഗ്യ സംഘടന. സമൂഹമാധ്യമങ്ങളിൽ പ്രചരിക്ക ുന്ന വ്യാജ ചികിത്സകളെ കുറിച്ചും വൈറസ്​ പടരാതിരിക്കാനെന്ന പേരിലുള്ള വ്യാജ നിർദേശങ്ങളെ കുറിച്ചും ലോകാരോഗ്യ സംഘടന വെബ്​സൈറ്റിലൂടെ മുന്നറിയിപ്പ്​ നൽകിയിട്ടുണ്ട്​.

അമിത ചൂടുവെള്ളത്തിൽ കുള​ിക്കേണ്ട, പൊള്ളും

തണുത്ത കാലാവസ്​ഥ യും മഞ്ഞും കൊറോണയെ കൊല്ലുമെന്നാണ്​ ചിലർ പറയുന്നതെങ്കിൽ ചൂടും ചൂടുവെള്ളവും കൊറോണയെ കൊല്ലുമെന്നതാണ്​ മ റ്റു ചിലരുടെ വാദം. നിലവിൽ അൻറാർട്ടിക്കൻ ഭൂഖണ്ഡത്തിൽ മാത്രമാണ്​ കൊറോണ സ്​ഥിരീകരിക്കാത്തത്​ എന്നതാണ്​ ഇതിന് ​ ബലമേകാൻ ചൂണ്ടിക്കാട്ടുന്നത്​. എന്നാൽ, അൻറാർട്ടിക്കയിൽ കൊറോണ സ്​ഥിരീകരിക്കാത്തതിൻെറ കാരണം അവിടെ മനുഷ്യവാ സം ഇല്ലാത്തതാണെന്നോർക്കണം.

ചൂടുകൂടിയ രാജ്യങ്ങളിലും തണുപ്പ്​ കൂടിയ രാജ്യങ്ങളിലും ഇതിനോടകം​ കൊറോണ പടർന്നുകഴിഞ്ഞു. പിന്നെയും ഈ വാദങ്ങളുടെ അടിസ്​ഥാന​െമന്തെന്ന്​ ചോദിച്ചാൽ കൈമലർത്താനേ രക്ഷയുള്ളൂ. ബാഹ്യ താപനിലയോ കാലാവസ്​ഥയോ എന്തുതന്നെ ആയാലും ഒരു മനുഷ്യൻെറ സാധാരണ താപനില 36.5 ഡിഗ്രി മുതൽ 37 ഡിഗ്രി സെൽഷ്യസ്​ വരെയാണെന്ന്​ ഓർക്കണം​.
അമിത ചൂടുള്ള വെള്ളത്തിൽ കുളിച്ചാൽ കൊറോണ ചത്തുപോകുമെന്നാണ്​ മറ്റു ചിലരുടെ അഭിപ്രായം. കുളിക്കുക എന്നാൽ ശരീരത്തെ അണുവിമുക്തമാക്കുക എന്നതാണല്ലോ. അതിനായി അമിത ചൂടൊന്നും വേണ്ട. അമിത ചൂടുവെള്ളത്തിൽ കുളിക്കാൻ പോകുന്നവർ പൊള്ളലിനുളള മരുന്നും കയ്യിൽ കരുതുന്നത്​ നന്നായിരിക്കും. സോ​േപ്പാ അണുനാശിനി​യോ ഉപയോഗിച്ച്​ കൈകൾ കഴുകി കൊണ്ടിരിക്കുന്നതുതന്നെയാണ്​ കൊറോണയെ പ്രതിരോധിക്കാനുള്ള എളുപ്പമാർഗമെന്ന്​ ലോകാരോഗ്യ സംഘടന അടിവരയിടുന്നു.

കൊതുകിനറിയില്ല കൊറോണ വാണിഭം

ചൈനീസ്​ ഉൽപന്നങ്ങളോട്​ മലയാളികൾക്ക്​ എന്നും പുച്​ഛമാണ്​. കൊറോണ ചൈനയിൽ നിന്നും മറ്റു രാജ്യങ്ങളിലേക്ക്​ വ്യാപിച്ചപ്പോൾ ഉയർന്ന ഒരു ട്രോൾ ‘ചൈനയുടെ വൈറസ്​ അല്ലേ, കുറച്ചുനിമിഷം മാത്രമേ അതിന്​ ആയുസുണ്ടാകൂ’ എന്നതായിരുന്നു. ട്രോളുകൾക്ക്​ പിന്നാലെ പരന്ന മറ്റൊരു കാര്യം ചൈനീസ്​ വസ്​തുക്കളിലൂടെയോ ഉപകരണങ്ങളി​ലൂടെയോ വൈറസ്​ പകരുമെന്നതായിരുന്നു. ഒരു ജീവകോശത്തിനുള്ളിലല്ലാതെ വളരാനോ പ്രത്യുത്പാദനം നടത്താനോ കഴിവില്ലാത്ത ജീവകണങ്ങളാണ് വൈറസുകൾ എന്ന്​ ചെറുപ്പത്തിൽ പഠിച്ചത്​ ഓർമ ഉണ്ടെങ്കിൽ ഇൗ പ്രചരണത്തിൽ സത്യമില്ലെന്ന്​ മനസിലാക്കാൻ ആർക്കും കഴിയും. ജീവനില്ലാത്ത വസ്​തുക്കളിൽ വൈറസുകൾക്ക്​ അധികനേരം ജീവനോടെ ഇരിക്കാൻ കഴിയില്ല. എന്നാൽ, രോഗം ബാധിച്ച വ്യക്തി ഉപയോഗിക്കുന്ന വസ്​തുക്കൾ അണുവിമുക്തമാക്കാതെ ഉപയോഗിക്കാൻ ശ്രമിക്കരുത്​. കൊറോണ മാത്രമല്ല മറ്റേതൊരു വൈറസ്​, ബാക്​ടീരിയ രോഗവും പകരാൻ സാധ്യതയുണ്ട്​.

മറ്റൊരു പ്രചരണമായിരുന്നു കൊതുകു കടിയേറ്റാൽ കൊറോണ പകരുമെന്നത്​. കൊറോണ കൊതുകിലൂടെ പകരുമെന്നതിന്​ യാതൊരു അടിസ്​ഥാനവുമില്ല. ഇതുവരെ കൊറോണ കൊതുകിലൂടെ പകരുമെന്ന്​ ശാസ്​ത്രീയമായി തെളിയിക്കാൻ കഴിഞ്ഞിട്ടില്ല. മനുഷ്യരിൽ നിന്നാണ്​ നിലവിൽ വൈറസ്​ പകരുന്നതായി കണ്ടെത്തിയിട്ടുള്ളത്​.

വളർത്തുമൃഗങ്ങളെ കൊല്ലണ്ട, കളയണ്ട

ഹാൻഡ്​ഡ്രൈയേർസും അൾട്രവയലറ്റ്​ ലാമ്പുകളും കൊറോണയെ കൊല്ലുമെന്നതായിരുന്നു മറ്റൊരു പ്രചരണം. ഇവ വൈറസിനെ നശിപ്പിക്കുമെന്നതിൽ യാതൊരു അടിസ്​ഥാനവുമില്ല. അൾട്ര വയലറ്റ്​ റേഡിയേഷന്​ അണുവിമുക്തമാക്കാൻ കഴിവില്ലെങ്കിലും കൈകൾക്ക്​ അലർജി വരുത്താനുള്ള കഴ​ിവുണ്ടെന്ന്​ മറക്കരുതെന്ന്​ ലോകാരോഗ്യ സംഘടന ഓർമപ്പെടുത്തുന്നു.
മദ്യവും ക്ലോറിനും ശരീരത്തിൽ തളിച്ചാൽ കൊറോണ നശിക്കുമെന്ന്​ പറയുന്നവരാണ്​ മറ്റൊരു കൂട്ടർ. മദ്യം കുടിച്ചാൽ നിപ വൈറസ്​ ചാകുമെന്ന പ്രചരണം ഒരിക്കൽ കേട്ടിരുന്നു. കൊറോണയിലെത്തിയപ്പോൾ അവ ശരീരത്തിൽ തളിക്കലായി. ഇവ കണ്ണിലും മൂക്കിലും പോയാൽ പറ​യേണ്ടല്ലോ... ക്ലോറിൻ തളിച്ചാൽ വസ്​ത്രങ്ങൾ നശിക്കുമെന്നതിൽ വസ്​തുതയുണ്ട്.​ എന്നാൽ, വൈറസ്​ ചാകുമെന്നതിന്​ യാതൊരു അടിസ്​ഥാനവുമില്ല.

മൃഗങ്ങളിൽനിന്നും ഇതുവരെ മനുഷ്യരിലേക്ക്​ കൊറോണ​ പകർന്നതിൽ യാതൊരു തെളിവുമില്ല. അതുകൊണ്ട്​ അവയെ കൊല്ലാനും കളയാനും നിൽക്കണ്ട. മൃഗങ്ങളുമായി സമ്പർക്കത്തിൽ ഏർപ്പെട്ടശേഷം കൈ കഴുകുന്നത്​ എ​േപ്പാഴും നല്ലതാണ്​. അത്​ കൊറോണ പകരുമെന്ന ഭീതി കൊണ്ടല്ല, മറ്റു കീടാണുക്കൾ ശരീരത്തിലെത്താതിരിക്കാൻ സഹായിക്കുന്നതിനാലാണ്​.
മറ്റൊരു കൂട്ടരുടെ വാദം ന്യുമോണിയ വാക്​സിൻ കൊറോണയെ പ്രതിരോധിക്കുമെന്നും ഉപ്പുകലർന്ന വെള്ളമോ ലായനിയോ ഉപയോഗിച്ച്​ മൂക്ക്​ ഇടക്കിടക്ക്​ കഴുകിയാൽ കൊറോണ ബാധിക്കില്ലെന്നുമായിരുന്നു. ഇവയെല്ലാം അടിസ്​ഥാനരഹിതമാണെന്നാണ്​ ലോകാരോഗ്യ സംഘടന ചൂണ്ടിക്കാട്ടുന്നത്​.

വെളുത്തുള്ളിയെ വെറുതേ വി​ട്ടേക്കൂ

കൊറോണയിലും വെളുത്തുള്ളിയെ വെറുതെ വിടാൻ വ്യാജ പ്രചാരകർക്ക്​ ഉ​േദ്ദശമില്ല എന്നതാണ്​ സത്യം. വെളുത്തുള്ളി ഭക്ഷണത്തിൽ ഉൾപ്പെടുത്തുന്നത്​ നല്ലതാണെങ്കിലും കൊറോണ പിടിപെടില്ലെന്നും ഇവ കഴിച്ചാൽ കൊറോണ മാറുമെന്നും കരുതി വെളുത്തുള്ളി കഴിക്കാൻ നിൽക്കണ്ട.​

കൊറോണ വൈറസ്​ പ്രായമായവർക്ക്​ മാത്രമേ പിടിപെടൂ എന്നു വിശ്വസിച്ച്​ സധൈര്യം ജീവിക്കുന്നവരാണ്​ ഒരു കൂട്ടർ. കൊറോണക്ക്​ അങ്ങനെ പ്രായ നോട്ടമൊന്നും ഇല്ല. എല്ലാ പ്രായക്കാരിലും വരും. വയസായവർ മറ്റുരോഗങ്ങളുടെ പിടിയിൽ കാലങ്ങളായി കഴിയുന്നവരായിരിക്കും. അതിനൊപ്പം കൊറോണ കൂടിയാകു​േമ്പാൾ കുറച്ചധികം പ്രയാസം അനുഭവിക്കേണ്ടി വരുമെന്നു മാത്രം.
ആൻറിബയോട്ടിക്കുകൾ കൊറോണക്ക്​ പ്രതിവിധിയാണോ എന്ന സംശയം പലരിലുമുണ്ട്​. വൈറസിനെ പ്രതിരോധിക്കാൻ ആൻറിബയോട്ടിക്കിനാകില്ല. അവക്ക്​ ബാക്​ടീരിയയെ മാത്രമേ പ്രതിരോധിക്കാൻ സാധിക്കൂ. കൊറോണ വൈറസിന്​ പുതിയ മരുന്ന്​ കണ്ടുപിടിച്ചുവെന്ന്​ ആശ്വസിക്കുന്നവർ ശ്രദ്ധിക്കാൻ ലോകാരോഗ്യ സംഘടന ഒരുകാര്യം ഊന്നിപ്പറയുന്നുണ്ട്​-​ ഇന്നുവരെ കൊറോണക്ക്​ ഒരു പ്രത്യേക മരുന്നും കണ്ടുപിടിച്ചിട്ടില്ല.