കൺമണിയുടെ കണ്ണിന്​ കരുതലേകാം

​ക​ുഞ്ഞുങ്ങൾക്ക്​ ഭക്ഷണം നൽകുന്ന കാര്യത്തിൽ അമ്മമാർ എ​േപ്പാഴും അതീവ ശ്രദ്ധാലുക്കളാണ്​. ഭൂരിഭാഗം അമ്മമാരും കുട്ടികൾക്ക്​ ഇഷ്​ടമുള്ളത്​ എന്തായാലും അത്​ നൽകി അവരെ സംതൃപ്​താക്കുന്നവരാണ്​. എന്നാൽ അവരുടെ ഒരോ അവയവങ്ങളുട െ വളർച്ചക്കും ആവശ്യമായ പോഷകങ്ങൾ അറിഞ്ഞ്​ അവ ഉൾപ്പെട്ട ഭക്ഷണം നൽകുന്നതിലാണ്​ മിടുക്ക്​. സ്​മാർട്ട്​ ഫോണും ട ിവിയും കമ്പ്യൂട്ടറുമെല്ലാം ചെറുപ്രായത്തിലേ ഉപയോഗിച്ചു തുടങ്ങുന്ന കുട്ടികളിൽ 90 ശതമാനം പേരിലും ചെറിയ തോതിലെ ങ്കിലും ഏതെങ്കിലും തരത്തിലുള്ള കാഴ്​ച വൈകല്യങ്ങൾ കണ്ടുവരാറുണ്ട്. കാഴ്​ച വൈകല്യങ്ങളിൽ പലതിൽ നിന്നും പോഷകസമൃ ദ്ധമായ ഭക്ഷണത്തിലൂടെ നിങ്ങളുടെ കൺമണിയുടെ കണ്ണുകളെ സംരക്ഷിക്കാവുന്നതാണ്​.

നിങ്ങളെ അലട്ടുന്ന കാഴ്​ച പ്രശ ്​നങ്ങൾ പലതും പോഷകാഹാര കുറവി​​െൻറ അടയാളമാണ്. ലോകത്ത്​ 1.3 ബില്ല്യൻ ജനങ്ങൾ ഏതെങ്കിലും തരത്തിലുള്ള ദർശന വൈകല്യം നേരിട​ുന്നുണ്ടെന്ന്​ ലോകാരോഗ്യ സംഘടന പറയുന്നു. കണ്ണ് പരിശോധന പതിവായി നടത്തുന്നതിലും നല്ലത്​ കാഴ്​ച പ്രശ്നങ ്ങളുണ്ടാകാതിരിക്കാൻ ആരോഗ്യപ്രദവും പോഷക ഗുണങ്ങളുമുള്ള പദാർത്ഥങ്ങൾ ഭക്ഷണത്തിൽ ഉൾപ്പെടുത്തുക എന്നതാണ്​.

മാനസികവ ും ശാരീരികവുമായ സമ്മർദ്ദം മുതൽ പോഷകാഹാരക്കുറവ്, അമിതമായ പഞ്ചസാരയുടെ ഉപയോഗം, അമിതമായി മാംസം, പ്രോട്ടീൻ, കൊഴുപ് പ്, ജങ്ക് ഫുഡ് എന്നിവയുടെ ഉപയോഗവും ശരിയായ തോതിൽ വ്യായാമില്ലാത്തതുമെല്ലാം കാഴ്ച വൈകല്യങ്ങൾക്ക്​ കാരണമാകുന് നുവെന്ന്​ പ്രശസ്​ത ന്യൂട്രീഷ്യനിസ്​റ്റായ നമാമി അഗർവാർ പറയുന്നു.

ആരോഗ്യകരമായ ജീവിതശൈലി പാലിച്ചാൽ തന്നെ നിങ്ങളുടെ കണ്ണുകളെ​ ആരോഗ്യത്തോടെ സംരക്ഷിക്കാം. നല്ല കാഴ്​ചക്കായി കുഞ്ഞുങ്ങളുടെ ഭക്ഷണത്തിൽ ഉൾപ്പെടുത്താവുന്ന പദാർത്ഥങ്ങളാണ് താഴെ പറയുന്നത്​.

1. കടൽ മത്സ്യങ്ങൾ
കുട്ടികളുടെ ഭക്ഷണത്തിൽ ആഴ്​ചയിൽ രണ്ടു തവണയെങ്കിലും മത്തി, അയല, കോര പോലുള്ള കടൽ മത്സ്യങ്ങൾ ഉൾപ്പെടുത്താം.
മത്തി, അയല, ട്യൂണ,കോര എന്നിവ ഒമേഗ 3 ഫാറ്റി ആസിഡുകളുടെ ഉറവിടങ്ങളാണ്. കണ്ണുകളി​ലെ വരൾച്ച, ഉയർന്ന രക്ത സമ്മർദ്ദം എന്നിവ കുറക്കുന്നതിൽ ഒഗേമ 3 ഫാറ്റി ആസിഡ​ുകൾക്ക്​ കഴിവുണ്ട്​. ഒമേഗ ആഡിസുകളടങ്ങിയ ആഴക്കടൽ മത്സ്യങ്ങൾ പതിവായി ഭക്ഷണത്തിൽ ഉൾപ്പെടുത്തുന്നത്​ മാക്യുലാറി​​െൻറ നാശം തടയുകയും തിമിരം വരാതെ സംരക്ഷിക്കുകയും ചെയ്യും.

2. പച്ചിലകൾ
തോരനായോ സാലഡായോ ചീരയും കാ​േബജും ബ്രൊക്കോളിയുമെല്ലാം കുഞ്ഞിന്​ ശീലമാക്കണം. വിറ്റാമിൻ എയുടേയും വൈറ്റമിൻ സിയുടെ കലവറകളായ പച്ചിലകൾ കണ്ണുകളുടെ ആരോഗ്യം നിലനിർത്തുന്നതിൽ പ്രധാന പങ്കു വഹിക്കുന്നവയാണ്. പച്ചിലകളിൽ കാഴ്​ച ശക്തി വർധിപ്പിക്കുന്ന ലൂട്ടീൻ, സിയാസാന്തിൻ എന്നിവ അടങ്ങിയിട്ടുണ്ട്​. ഈ കരോട്ടിനോയ്ഡുകൾ നിങ്ങളുടെ കാ​ഴ്​ച ശക്തിയെ മോശമായി ബാധിക്കുന്ന ധാതുക്കളെ തടയാൻ കഴിയുന്ന ആൻറി ഓക്സിഡേറ്റീവ് ഘടകങ്ങൾ ഉള്ളവയാണ്​. ചീര, ബ്രൊക്കോളി, കാബേജ്​​, മസ്റ്റാര്‍ഡ് ലീവ്‌സ് എന്നിവയും മറ്റ്​ പച്ചിലകളും കാഴ്​ച പ്രശ്​നങ്ങളെ തുരത്താൻ ശേഷിയുള്ളവയാണ്​.

3. കാരറ്റ്
കാരറ്റ്​ ജ്യൂസായോ വിവിധ ആകൃതികളിൽ കനം കുറച്ച്​ മുറിച്ചെടുത്തോ കാരറ്റ്​ തോരനായോ കുഞ്ഞുങ്ങളെ ക​ഴിപ്പിക്കാൻ ശ്രമിക്കണം.
വിറ്റാമിൻ എ, ബീറ്റാ കരോട്ടിൻ എന്നിവയാൽ സമ്പുഷ്​ടമാണ്​ കാരറ്റ്. ഇൗ രണ്ടു ഘടകങ്ങളു​ം നേത്രാരോഗ്യത്തിന്​ അവശ്യമാണ്​. വിറ്റാമിൻ എയിലെ റൊഡോപ്​സിൻ കണ്ണി​െല റെറ്റിനയെ ശരിയായ തോതിൽ വെളിച്ചം ആഗിരണം ചെയ്യുന്നതിന്​ സഹായിക്കുന്നു. കണ്ണിലെ കോശങ്ങൾ സംരക്ഷിക്കുന്നതിനും കോർണിയയുടെ ആരോഗ്യത്തിനും വിറ്റാമിൻ എ ഉൾപ്പെട്ട ഭക്ഷണം കഴിക്കുന്നത്​ ഫലപ്രദമാണ്​.

വിറ്റാമിൻ എ കൂടുതലായി അടങ്ങിയിരിക്കുന്ന കാരറ്റ്​, മുട്ട എന്നിവ ഭക്ഷണത്തിൽ ഉൾപ്പെടുത്തുന്നത്​ നിശാന്ധത (നിക്റ്റലോപിയ) അഥവാ മാലക്കണ്ണ്​ എന്ന അവസ്ഥയെ തടയാനും സഹായിക്കും.

4. സിട്രസ് പഴങ്ങൾ
നിങ്ങളുടെ കുട്ടിക്ക്​ ഒാറഞ്ച്​, മുസംബി, നാരങ്ങ, സ്ട്രോബറി എന്നിങ്ങനെയുള്ള പഴങ്ങൾ ഇടനേരങ്ങളിൽ നൽകുന്നത്​ അവരുടെ വിശപ്പകറ്റാൻ മാത്രമല്ല, നേത്രാരോഗ്യത്തിനും നല്ലതാണ്​. വിറ്റാമിൻ സി സമ്പുഷ്ടമായ സിട്രസ്​ പഴങ്ങൾ നിങ്ങളുടെ കുട്ടിയുടെ പ്രതിരോധ സംവിധാനത്തെ ശക്തിപ്പെടുത്തും. കണ്ണിനുണ്ടാകുന്ന അണുബാധ തടയാനും ഇവക്കു കഴിയും. സിട്രസ് പഴങ്ങളിലുള്ള വിറ്റാമിൻ സി, ആൻറി ഓക്സിഡൻറുകളായി പ്രവർത്തിക്കുകയും പ്രായാധിക്യം മൂലമുണ്ടാകാവുന്ന നേത്രരോഗങ്ങളെ തടയുകയും ചെയ്യും.

5. നട്​സുകൾ
അണ്ടിപരിപ്പ്​, ബദാം, നിലക്കടല, പിസ്​താ, വാൽനട്ട് തുടങ്ങിയവ ഇഷ്​ടമില്ലാത്ത കുഞ്ഞുങ്ങൾ കുറവാണ്​. അവരുടെ ഭക്ഷണത്തിൽ ഇത്തരം​ നട്​സുകൾ ധാരാളമായി ഉൾപ്പെടുത്തിക്കോളൂ. നട്​സുകളിൽ ഒമേഗ ഫാറ്റ്​ 3, വിറ്റാമിൻ ഇ എന്നിവ കൂടുതലായി അടങ്ങിയിരിക്കുന്നു. അത് നിങ്ങളുടെ കുട്ടിയുടെ കാഴ്ചശക്തിയെ സംരക്ഷിക്കാൻ സഹായിക്കുന്ന ആൻറിഓക്സിൻറായി പ്രവർത്തിക്കും. പ്രതിദിനം നട്സ് കഴിക്കുന്നത് മയോപ്പിയ വരാതിരിക്കാനുള്ള പ്രതിവിധി കൂടിയാണ്​. കണ്ണുകളിലെ വരൾച്ചയും പ്രായാധിക്യം മൂലമുള്ള നേത്രരോഗങ്ങൾ തടയാനും ഇവക്കു കഴിയും. ഒമേഗ ഫാറ്റ്​ 3, വിറ്റാമിൻ ഇ എന്നിവയുടെ കലവറയായ സൂര്യകാന്തി വിത്ത്, ചിയ വിത്ത്, ബ്രസീൽ നട്ട്​ തുടങ്ങിയ വിത്തിനങ്ങളും കൺമണിക്ക്​ നൽകാം.

6. ബീഫ്
ഇറച്ചി പലതരത്തിൽ പാചകം ചെയ്​തെടുക്കാവുന്നതുകൊണ്ട്​ കുഞ്ഞുങ്ങളെ കഴിപ്പിക്കാൻ ബുദ്ധിമുട്ടുണ്ടാകില്ല. കണ്ണി​​െൻറ ആരോഗ്യത്തിന്​ പ്രധാനപങ്കുള്ള സിങ്ക്​ മാട്ടിറച്ചിയിൽ ഉയർന്ന അളവിൽ അടങ്ങിയിട്ടുണ്ട്​. കാഴ്​ചക്കുറവ്​, മാക്യുലാറി​​െൻറ നാശം എന്നിവ തടയുന്നതിനും സിങ്ക്​ സഹായിക്കുന്നു. റെറ്റിനയെയും റെറ്റിനക്കു ചുറ്റുമുള്ള കോശമയമായ രക്തക്കുഴലുകളെയും സംരക്ഷിക്കുന്നതിനും സിങ്കിന്​ പ്രധാനപങ്കുണ്ട്​.

തയാറാക്കിയത്​: വി. ആർ ദീപ്​തി